GENESIS 19:2 - Ombibeli Iyapuki

² ndele ta ti: “Oovene vange, ileni meumbo lomupiya weni, mu nangale mo nye mu koshe eemhadi deni, opo mu shiive okumeneka tamu twikile ondjila yeni.” Ndele vo ova nyamukula: “Ahowe, fye ohatu ka nangala pondje.”

GENESIS 19:2 ပူးပေါင်းရင်းမြစ်များ

GENESIS 18:4

Etelweni omeva manini mu koshe eemhadi deni ndele nangaleni mu tulumukwe momudile womuti.

GENESIS 19:1

Ndele ovaengeli venya vavali ove uya kuSodom onguloshi, fimbo Lot a li omutumba poshivelo shaSodom. Ndele Lot eshi e va mona, okwa fikama ndele te ke va shakeneka ndele te lifidimike pedu,

GENESIS 19:3

Ndele ye okwe va indila nokwiindililila; opo nee ve uya kuye ndele tave uya meumbo laye. Ndele ye okwe va telekela ouvalelo ndele te va lungile omingome inadi ya onhafi, ndele vo ova lya.

GENESIS 24:31

ndele ta ti: “Ila meumbo, ove omunangekwa noupuna wOmwene! Oshike u li ofika pondje, manga ame nda longekida eumbo nonhele yo yeengamelo?”

GENESIS 43:24

Nomulumenhu winya okwa eta ovalumenhu meumbo laJosef, nokwe va pa omeva, ndele vo va kosha eemhadi davo. Ye okwa pa eendongi davo yo eendja.

2 SAMUEL 11:8

Ndele David ta lombwele Uria: “Inda keumbo loye u koshe eemhadi doye.” Ndele Uria okwa dja kongulu youhamba noshali yohamba ye mu shikula.

JOB 31:32

Omunailongo ka li e nokunangala pondje, oshivelo shange nde shi yeululila ondjila.

OMAYELETUMBULO 25:17

Omhadi yoye ino i lyangaanifa luhapu meumbo lamukweni, opo ye ehe ku loloke ndele te ku tondo.

EIMBILOELELA 5:3

Omuvalekwa: Ame onde lidula oshikutu shange. Ohandi shi lidjaleke ngahelipi? Onda kosha eemhadi dange, ohandi di yapula ngahelipi?

LUKAS 7:44

Ndele mokupungulukila komukainhu okwa tya kuSimon: “Omukainhu ou mu wete ou? Ame nde uya meumbo loye, ove ino pa nge omeva okukosha eemhadi, ou a tutika eemhadi dange nomahodi ndele okwe di fetifa eexwiki daye.

JOHANNES 13:5

Ndele Ye okwa tila omeva moshiyaxa shokulikoshela, ndele okwa hovela okukosha eemhadi dovalongwa, ndele te di pushula noshifanduke eshi e limanga nasho.

OILONGA YOVAYAPOSTOLI 16:15

Ndele ye eshi a shashwa pamwe novaneumbo laye aveshe, okwe tu indila ta ti: “Onye ngeenge tamu tale nge onda itavela Omwene, ileni hano meumbo lange nye mu kale mo.” Oye okwe tu fininika.

OVAHEBERI 13:2

Okuyakula ovaenda inamu ku dimbwa, osheshi moku shi ninga vamwe va nangeka ovaengeli, inave shi shiiva.