GENESIS 19:1 - Ombibeli Iyapuki

¹ Ndele ovaengeli venya vavali ove uya kuSodom onguloshi, fimbo Lot a li omutumba poshivelo shaSodom. Ndele Lot eshi e va mona, okwa fikama ndele te ke va shakeneka ndele te lifidimike pedu,

GENESIS 19:1 ပူးပေါင်းရင်းမြစ်များ

GENESIS 11:27

Ndele eshi efina lepata laTera: Tera okwa dala Abram, Nahor naHaran, ndele Haran okwa dala Lot.

GENESIS 13:12

Abram okwa fyaala medu laKaanan, ndele Lot okwa tula moilando yomolufilu lokuJordan ndele okwa kala meehambo daye nokweehena fiyo okuSodom.

GENESIS 18:16

Opo ovalumenhu va fikama ndele tava tale langhele kuSodom. Ndele Abraham okwa ya pamwe navo e va findikile.

GENESIS 18:22

Opo nee ovalumenhu va dja po va ya kuSodom, ndelenee Abraham okwa kala ofika natango koshipala shOmwene.

GENESIS 19:10

Ndele ovalumenhu venya va twala omake avo pondje ndele tava shilile Lot meumbo, ndele tava idile omuvelo.

GENESIS 19:2

ndele ta ti: “Oovene vange, ileni meumbo lomupiya weni, mu nangale mo nye mu koshe eemhadi deni, opo mu shiive okumeneka tamu twikile ondjila yeni.” Ndele vo ova nyamukula: “Ahowe, fye ohatu ka nangala pondje.”

GENESIS 23:12

Opo nee Abraham okwe linyongamena koshipala shovanhu voshilongo,

GENESIS 48:12

Opo nee Josef okwe va kufa ko komatundji aye, nokwa twa eengolo koshipala shaye nokwe linyongamena poshi.

JOB 29:7

Ame eshi nda ya koshivelo shoshilando, eshi va tula olukalwa lange koshilandelo.

JOB 31:32

Omunailongo ka li e nokunangala pondje, oshivelo shange nde shi yeululila ondjila.

OMAPSALOME 69:12

Ovanhu vomeendabo dokulandela aame tava shashala, neengholwe otadi imbile nge.

LUKAS 17:28

Ndele ngaashi pa ningilwe pomafiku aLot, va kala hava li ndele hava nu, va landa vo va landifa, va twika nova tunga,

OVAHEBERI 13:2

Okuyakula ovaenda inamu ku dimbwa, osheshi moku shi ninga vamwe va nangeka ovaengeli, inave shi shiiva.

RUT 4:1

Ndele Boas okwa ya koshivelo shoshilando ndele ta kala omutumba. Nomufyuululi wepya, ou a tongwa kuBoas, eshi a enda po opo, Boas ta ti kuye: Ila tu kale omutumba apa! Ye e uya po ndele ta kala omutumba.