GENESIS 18:6 - Ombibeli Iyapuki

⁶ Opo Abraham okwa endelela okuya ketwali kuSara, ndele ta ti: “Ninga divadiva, lunga oufila weembekele nhatu, oufila womudiva ndele ninga omingome.”

GENESIS 18:6 ပူးပေါင်းရင်းမြစ်များ

GENESIS 18:5

Ndele ohandi mu etele oshipambu shomungome opo eemwenyo deni di mone eenghono, nye mu shiive okutwikila, osheshi omwe uya pomupiya weni.” Ndele vo ova nyamukula tava ti: “Ninga ngaashi wa popya.”

GENESIS 18:7

Opo Abraham okwa endelela okuya koshuunda, nokwa kwata onhana omhunya iwa, ndele okwe i yandja komupiya, ou e i pyakuduka diva.

GENESIS 19:3

Ndele ye okwe va indila nokwiindililila; opo nee ve uya kuye ndele tave uya meumbo laye. Ndele ye okwe va telekela ouvalelo ndele te va lungile omingome inadi ya onhafi, ndele vo ova lya.

2 SAMUEL 13:6

Ndele Amnon okwa ka nangala ndele e liningifa omunaudu. Ohamba eshi ye uya oku mu talela po, Amnon ta ti kohamba: “Tuma omumwatate Tamar a pakele nge po oikuki ivali moipafi yange, ndi shiive okutambula meke laye.”

OMAPSALOME 119:60

Ohandi uluma ndele itandi kanghama, ndi wanife oipango yoye.

JESAJA 32:8

Ndelenee omuyelwa ota diladila pambili youkulunhu nokwa hokwa ombili.

MATEUS 13:33

Neendjovo dikwao domafaneko e va lombwela: “Ouhamba wokeulu wa fa onhafi, omukainhu e i kufa ndele te i pilulile moufila weelita omilongo nhee, fiyo aushe wa pya.”

OILONGA YOVAYAPOSTOLI 16:15

Ndele ye eshi a shashwa pamwe novaneumbo laye aveshe, okwe tu indila ta ti: “Onye ngeenge tamu tale nge onda itavela Omwene, ileni hano meumbo lange nye mu kale mo.” Oye okwe tu fininika.

OVAROMA 12:13

Yakuleni ovayapuki meemhumbwe davo; idilileni ovaendanandjila.

OVAGALATI 5:13

Ovamwatate, omwa ifanenwa emanguluko, ndelenee inamu efa ombelela yeni i pwidukifwe kemanguluko, ndele yakulafaneni mohole.

OVAHEBERI 13:2

Okuyakula ovaenda inamu ku dimbwa, osheshi moku shi ninga vamwe va nangeka ovaengeli, inave shi shiiva.

1 PETRUS 4:9

Kaleni hamu yakula ovaenda nokuyakulafana hakungongotola.

OVATOKOLIPANGELI 6:19

Opo nee Gideon okwa ya mo nokwa longekida okakombwena noikuki ihe nonhafi youfila u fike peekilograma omulongo. Nombelela e i tula mokambale nomunghoka okwe u tila metiti. Ndele okwe i twala kuye pomwandi ndele te i tula puye.

1 SAMUEL 28:24

Nomukainhu okwa li e nokatana moshuunda peumbo, ndele e ka toma diva, nokwa kufa oufila nokwe u pilula ndele ta teleke oikuki ihe nonhafi.