GENESIS 18:10 - Ombibeli Iyapuki

¹⁰ Ndele Ye ta ti: “Ame ohandi ke uya vali kwoove moudwaali, nohandi ka hanga Sara, omwalikadi woye, e na okaana okamati.” Ndele Sara okwa li ta pwilikine poshivelo shetwali konima yaye.

GENESIS 18:10 ပူးပေါင်းရင်းမြစ်များ

GENESIS 16:10

Omweengeli wOmwene okwe mu lombwela natango ta ti: “Ame ohandi ka hapupalifa oludalo loye, olo tali ka nyengana okuvalwa molwouhapu walo.”

GENESIS 17:16

Ndele Ame ohandi ke mu nangeka noupuna, ndele handi ku pe muye okaana okamati. Heeno, Ame ohandi ke mu nangeka noupuna, opo ye a ka ninge oiwana, neehamba doiwana tadi ka dja muye.”

GENESIS 17:19

Opo nee Kalunga okwa nyamukula ta ti: “Oshili, omwalikadi woye, Sara, ote ke ku dalela okaana okamati, ndele ou na oku ka luka Isak. Ndele Ame ohandi ka ninga ehangano nako, ehangano laalushe noludalo tali ka shikula.

GENESIS 17:21

Ndelenee ehangano lange Ame ohandi ke li ninga naIsak, Sara ote ke mu ku dalela momudo tau uya pefimbo tuu eli.”

GENESIS 18:9

Ndele ova tya kuye: “Omwalikadi woye Sara oku li peni?” Ndele ye ta nyamukula: “Oku li metwali.”

GENESIS 21:1

Ndele Omwene okwa talela po Sara, ngaashi e mu udanekela. Ndele Omwene okwa ninga ngaashi a popile.

GENESIS 21:2

Sara okwa ninga oufimba, ndele okwa dalela Abraham moukulupe waye omona okamati mefimbo tuu olo a lombwelwa kuKalunga.

LUKAS 1:13

Ndelenee omweengeli okwa tya kuye: “Sakaria, ino tila, osheshi eilikano loye ola udika, nomukainhu woye Elisabet ote ku dalele okamati, ndele to ka luku Johannes.

OVAGALATI 4:23

Ndelenee omona womupika a dalwa pambelela ndelenee oo womudalwa okeenghono deudaneko.

OVAGALATI 4:28

Ndelenee ovamwatate nye, onye ovana veudaneko ongaashi Isak.