GENESIS 17:7 - Ombibeli Iyapuki

⁷ Ndele Ame ohandi ka ninga ehangano pokati ketu naave nomaludalo oye komapupi nomapupi ao, ngaashi ehangano laalushe, ndi kale Kalunga koye naKalunga koludalo loye tali ku shikula.

GENESIS 17:7 ပူးပေါင်းရင်းမြစ်များ

GENESIS 15:18

Mefiku tuu olo Omwene okwa ninga ehangano naAbram, ndele ta ti: “Koludalo loye Ame ohandi li pe edu eli, okudja komulonga waEgipiti fiyo okomulonga munene, omulonga waEufrat,

GENESIS 17:13

ou a dalelwa meumbo loye naau we mu landa noimaliwa, oku na okupita etanda. Osho ngaha ehangano lange tali didilikwa mombelela yeni ngaashi ehangano laalushe.

GENESIS 17:19

Opo nee Kalunga okwa nyamukula ta ti: “Oshili, omwalikadi woye, Sara, ote ke ku dalela okaana okamati, ndele ou na oku ka luka Isak. Ndele Ame ohandi ka ninga ehangano nako, ehangano laalushe noludalo tali ka shikula.

GENESIS 26:24

Nomoufiku tuu ou Omwene okwe liholola kuye ndele ta ti: “Aame Kalunga kaxo Abraham. Ino tila, osheshi Ame ondi li pwoove. Nohandi ke ku nangeka noupuna ndele handi ka hapupalifa oludalo loye omolwaAbraham, omupiya wange.”

GENESIS 28:13

Ndele tala, Omwene okwa kala ofika pombada koxulo yayo ndele ta ti: “Aame Omwene Kalunga kooxo Abraham naKalunga kaIsak. Edu eli wa nangala, Ame ohandi li ku pe, ove mwene noludalo loye.

GENESIS 6:18

Ndelenee ame ohandi ka ninga ehangano naave. Ove novana voye ovamati nomwalikadi woye novalikadi vovana voye ovamati, omu na okuya mongulu yomomeva.

GENESIS 9:16

Outa ou eshi tau kala moilemo, Ame ohandi ke u tala nokudimbulukwa ehangano lange laalushe pokati ketu noinamwenyo aishe yomombelela aishe yokombada yedu.”

2 SAMUEL 7:24

Ndele Ove we lilongekidila oshiwana Israel shi ninge oshiwana shoye fiyo alushe. Ndele Ove, Omwene, wa ninga Kalunga kavo.

1 OMAFIMBO 16:13

oludalo nye laAbraham, omupiya waye, ovana vaJakob, ovahoololwa vaye!

1 OMAFIMBO 16:14

Omwene Oye Kalunga ketu; omatokolo aye otaa udika mounyuni aushe.

OMAPSALOME 81:10

Aame Omwene Kalunga koye, ou nde ku tembula muEgipiti; akama unene okanya koye, Ame ndi ka yade.

EXODUS 3:15

Opo nee Kalunga okwa lombwela vali Moses ta ti: “Odo u noku di shiivifila Ovaisraeli: ‘Omwene Kalunga kooxo, Kalunga kaAbraham naKalunga kaIsak naKalunga kaJakob okwa tuma nge kunye.’ Olo edina lange fiyo alushe nalo Ame handi ifanwa kepupi fiyo okepupi.

EXODUS 3:6

Ye ta ti vali: “Aame Kalunga kooxo, Kalunga kaAbraham, Kalunga kaIsak naKalunga kaJakob.” Opo nee Moses okwa uvika oshipala shaye, osheshi okwa tila okutala Kalunga.

EXODUS 6:4

Nda ninga yo ehangano letu navo, ndi va pe edu laKaanan, edu lounailongo wavo, omu va kala;

EXODUS 6:7

Ndele handi ke mu tambula oshiwana shange naame Kalunga keni. Ndele tamu ka shiiva nokutya, Aame Omwene Kalunga keni, ou e mu pitifa mo moshilonga shidjuu shOvaegipiti.

JESAJA 61:8

Osheshi Ame Omwene ndi hole ouyuki, handi tondo oukolokoshi nomanyeko; Ame ohandi va pe ondjabi yavo noudiinini, ndele ohandi ningi ehangano laalushe navo.

JEREMIA 31:1

“Mefimbo linya, Ame ohandi ka kala Kalunga komapata aeshe aIsrael, ndele vo otava ka kala ovanhu vange, Omwene osho ta ti.

HESEKIEL 28:26

Ndele vo otava ka kala mulo vehe na mbudi, ndele tava tungu omaumbo ndele tava twike omiviinyu moikokola. Heeno, vo otava ka kala nokutulumukwa Ame ngeenge nda wanifa omahandukilo kombada yaava ve va dina keembinga adishe. Ndele vo otava ka shiiva nokutya, Aame Omwene Kalunga kavo.”

LEVITIKUS 11:45

Osheshi Aame Omwene, ou nde mu pitifa mo medu laEgipiti, opo ndi kale Kalunga keni. Osho ngaha hano nye mu nokukala ovayapuki shaashi Ame omuyapuki.

LEVITIKUS 25:38

Aame Omwene Kalunga keni, ou e mu pitifa mo medu laEgipiti, opo ndi mu pe edu laKaanan, nondi kale Kalunga keni.

LEVITIKUS 26:12

Naame ohandi ka enda mokati keni nokukala Kalunga keni, nanye otamu ka kala ovanhu vange.

LEVITIKUS 26:44

Ndelenee fimbo vo ve li yo medu lovatondadi vavo Ame itandi va ekeleshi, ndele itandi va nyonyodola, ndi va mane po ngeno ile ndi teye po ehangano letu navo, osheshi Aame Omwene Kalunga kavo.

LEVITIKUS 26:45

Ndelenee Ame moku va halela ouwa ohandi ka dimbulukwa ehangano letu nooxekulu ava nde va pitifa mo medu laEgipiti, opo ndi ninge Kalunga kavo. Aame Omwene.”

LEVITIKUS 26:9

Noshipala shange ohandi ke shi mu taalelifila ndele handi mu pe oludalo ndele tamu hapupala. Nehangano lange nanye Ame ohandi ke li pameka.

MIKA 7:20

Ove oto ka hololela Jakob oudiinini, nokuhololela Abraham ouwanghenda, ou Ove wa anenene ootatekulu vetu okudja mefimbo lonale.

MATEUS 22:32

‘Aame Kalunga kaAbraham naKalunga kaIsak naKalunga kaJakob?’ Kalunga Oye ke fi Kalunga koonakufya,

MARKUS 10:14

Ndele Jesus eshi e shi mona, okwa umana, ndele ta ti kuvo: “Efeni ounona ve uye kwaame nye inamu va kelela ko, osheshi ouhamba waKalunga owaava ve li ngaashi ava.

OILONGA YOVAYAPOSTOLI 2:39

Osheshi omaudaneko aa e mu udanekelwa onye vene novana veni, naaveshe venya ve li kokule, ovo aveshe Omwene Kalunga ketu te ke va ifana.”

OVAROMA 9:4

ovo Ovaisraeli, ovo oonakupewa oudalwa noshinge nomahangano; va pewa omhango, nove nelongelokalunga nomaudaneko;

OVAEFESO 2:2

omu mwa endaenda nale panghedi yefimbo lounyuni eli noyomupangeli weenghonopangelo domomhepo nokutya, pamhepo yomupangeli ou ta longo paife movana vokuhadulika,

DEUTERONOMION 29:13

Opo Ye e mu pameke nena eli mu ninge oshiwana shaye, ndele Ye a shiive okuninga Kalunga keni, ngaashi Ye e mu udanekela, ndele ngaashi a udanekela nokwaanena ooxo Abraham, Isak naJakob.

OVAHEBERI 11:16

ndelenee paife otava djuulukwa oshilongo shiwa shi dule shinya, oshomeulu. Onghee hano Kalunga ite va fi ohoni a ifanwe Kalunga kavo, osheshi okwe va longekidila oshilando.

OVAHEBERI 8:10

Osheshi ehangano olo handi ke li ninga neumbo laIsrael omafiku oo ngeenge a pita po, oleli, Omwene osho ta ti: Omhango yange ohandi ke i tula mo momadiladilo avo nohandi ke i shangela momitima davo, nosho ngaha ohandi ka kala Kalunga kavo, ovo notava ka ninga oshiwana shange.

OVATOKOLIPANGELI 2:1

Opo nee omweengeli wOmwene okwa dja muGilgal e uya kuBokim, ndele ta ti: “Ame nde mu pitifa mo muEgipiti ndele nde mu eta medu eli, nde li udanekela ooxo nokwaana, ndele nda tile: ‘Ame ihandi ka teya po ehangano letu nanye fiyo alushe,