GENESIS 17:5 - Ombibeli Iyapuki

⁵ Onghee hano ito ifanwa vali Abram, ndelenee Abraham, osheshi Ame ohandi ku ningi xe yoiwana ihapu.

GENESIS 17:5 ပူးပေါင်းရင်းမြစ်များ

GENESIS 17:15

Kalunga okwa lombwela vali Abraham ta ti: “Sarai, omwalikadi woye, ino mu ifana vali Sarai, ndele edina laye nali ninge Sara.

GENESIS 32:28

Opo nee winya ta ti: “Ove ito ka ifanwa vali Jakob, ndelenee Israel. Osheshi ove wa kondja naKalunga novanhu, ndele wa dula.”

GENESIS 32:29

Opo nee Jakob ta pula ta ti: “Lombwele nge edina loye!” Ndele Winya okwa nyamukula: “Omolwashike to pula edina lange?” Ndele opo tuu opo Winya okwe mu nangeka noupuna.

GENESIS 35:10

Ndele Kalunga okwe mu lombwela ta ti: “Edina loye oJakob, ndele ito ifanwa vali Jakob, ndelenee Israel.” Ndele ye okwe mu luka Israel.

2 SAMUEL 12:25

Ndele David e ka yandja ka tekulwe komuxunganeki Natan. Ndele ye e ka luka Jedidiya molwOmwene.

1 OMAFIMBO 1:27

Abram; nokutya Abraham.

NEHEMIA 9:7

Oove Omwene Kalunga, wa hoolola Abram ndele we mu kufa mo muUr shomuKaldea ndele we mu lukulula Abraham.

JESAJA 65:15

Ndele nye, edina leni otamu ke li fiila ovahoololwa vange li ninge ondjovo yefingo, ndele Omwene Kalunga ote ke ku hanauna po. Ndelenee ovapiya vaye ote va lukulula edina limwe.

JEREMIA 20:3

Ndelenee mefiku la shikula Pashur okwa kufa mo Jeremia meti. Opo nee Jeremia okwe mu lombwela ta ti: Omwene ite ku ifana edina loye Pashur, ndelenee Etilohaluko-keembinga-adishe!

JEREMIA 23:6

Momafiku aye Juda ota ka xupifwa naIsrael ota ka kala ehe nombudi, nedina laye tali ifanwa, olo eli: ‘Omwene ouyuki wetu.’

NUMERI 13:16

Oo hano omadina ovalumenhu ava va tumwa kuMoses va ka lave edu. Ndele Moses okwa lukulula Hosea yaNun, ye Josua.

JOHANNES 1:42

Ye okwe mu twala kuJesus. Jesus okwe mu tala ndele ta ti: “Oove Simon omona waJohannes; oto ka ifanwa Kefas,” otali ti: Petrus.

OVAROMA 4:17

ngaashi pa shangwa: “Ame onde ku tula po xe yoiwana ihapu okoshipala shaKalunga ou we mu itavela, naau ha nyumuna ovafi, ndele ta ifana oyo ihe po ongaashi ngeno i li po.”

EHOLOLO 2:17

“ ‘Ou e nokutwi, na ude eshi Omhepo tai shi lombwele omaongalo. Omufindani ohandi mu pe a lye omanna a holekwa, ndele handi mu pe emanya litoka, nomemanya omo edina lipe la shangelwa mo, ndele itali shiivika nande okomunhu, kakele kaau aeke te li tambula.’