GENESIS 17:4 - Ombibeli Iyapuki

⁴ “Tala, ehangano lange otali kala naave, ndele ove oto ka ninga xe yoiwana ihapu.

GENESIS 17:4 ပူးပေါင်းရင်းမြစ်များ

GENESIS 12:2

Ndele Ame ohandi ku ningi oshiwana shinene, ndele handi ku nangeke noupuna ndele handi ku ningile edina linene, ndele ove to ka kala omunangeki noupuna.

GENESIS 13:16

Ndele Ame ohandi ka hapupalifa oludalo loye ngaashi ondwi yedu, ngeenge ope na omunhu ta dulu okuvala ondwi yedu, ota shiiva yo okuvala oludalo loye.

GENESIS 16:10

Omweengeli wOmwene okwe mu lombwela natango ta ti: “Ame ohandi ka hapupalifa oludalo loye, olo tali ka nyengana okuvalwa molwouhapu walo.”

GENESIS 22:17

ohandi ke ku nangeka noupuna unene noludalo loye ohandi li hapupalifa unene ngaashi eenyofi dokeulu nongaashi eheke pomunghulo wefuta. Noludalo loye otali ka nangala moivelo yovanaita nalo.

GENESIS 25:23

NOmwene okwe mu nyamukula ta ti: “Oiwana ivali i li medimo loye, Nomaludi avali taa ka dja meni loye. Oludi limwe oli na eenghono li dule likwao, nomukulunhu ota ka kalela ondenge yaye.”

GENESIS 28:3

Ndele Kalunga Omunaenghono adishe ne ku nangeke noupuna, ne ku pe oludalo noku ku hapupalifa, opo mwoove mu dje oiwana.

GENESIS 32:12

Oove mwene wa tile: ‘Oshili Ame ohandi ke ku ningila ouwa nokuhapupalifa oludalo loye li fike pefuta, lo itali dulu okuvalwa molwouhapu walo.’ ”

GENESIS 35:11

Kalunga okwe mu lombwela vali ta ti: “Aame Kalunga Omunaenghono adishe. Kala u na oludalo u hapupale. Oshiwana, heeno, oiwana tai ka dja mwoove neehamba tadi ka dja momatundji oye.

GENESIS 48:19

Xe okwa anya ndele ta ti: “Ondi shi shii, mumwange, ondi shi shii! Nomuye otamu di oshiwana, naye yo ota ka ninga munene a fimana. Ndelenee ondenge yaye otai mu dulu, noludalo laye tali ka ninga oiwana.”

EXODUS 6:4

Nda ninga yo ehangano letu navo, ndi va pe edu laKaanan, edu lounailongo wavo, omu va kala;