GENESIS 17:10 - Ombibeli Iyapuki

¹⁰ Ehangano lange eli mu na oku li diinina, eli li li pokati ketu nanye nopokati ketu noludalo loye tali ku shikula, nokutya, okamati keshe mokati keni otaka ka pitifwa etanda,

GENESIS 17:10 ပူးပေါင်းရင်းမြစ်များ

GENESIS 17:11

nye omu na okuteta ko oshipa shokoxulo youlumenhu, ndele eshi oshi na okukala edidiliko lehangano lopokati ketu nanye.

GENESIS 17:23

Opo nee Abraham okwa kufa omona waye Ismael naaveshe ava va dalelwa meumbo laye, naaveshe ava va landwa noimaliwa, ovalumenhu aveshe mokati kovanhu vomeumbo laye, ndele te va kenghe mefiku tuu olo, ngaashi Kalunga e mu lombwela.

GENESIS 17:27

ndele ovalumenhu aveshe vomeumbo laye, ovo va dalelwa meumbo laye, novanailongo ava va landwa noimaliwa, ova kenghwa pamwe naye.

GENESIS 21:4

Ndele Abraham okwa pitifa okaana kaye okamati, Isak, etanda eshi ka ninga omafiku ahetatu, ngaashi Kalunga e mu lombwela.

GENESIS 34:15

Ashike ohatu dulu oku shi itavela, ngeenge ovalumenhu aveshe ava ve li mokati keni tava pitifwa etanda.

GENESIS 34:22

Ndelenee ovalumenhu venya otava itavele okukala pufye nokuninga oshiwana shimwe nafye, ashike ongeenge ovalumenhu aveshe ava ve li mokati ketu tava piti etanda, ngaashi venya va pita etanda.

EXODUS 12:48

Ndele omunailongo ou ta kala mokati keni nokwa hala okulya Opaasa okufimaneka Omwene, ovalumenhu aveshe vomeumbo loye ve nokupitifwa etanda; opo nee ta ehene po nokulya ndele ta talwa oye ngaashi omudalelwa moshilongo. Ndelenee nande umwe ou ina pita etanda ine i lya.

EXODUS 4:25

Opo nee Sippora okwa kufa okamanya ka upikwa nokwa kengha oshipa shonhele youlumenhu womona waye omumati nokwe shi kumifa eemhadi daMoses ndele ta ti: “Oshili, oove omuhomboli wange wopahonde.”

JEREMIA 4:4

Lipitifileni Omwene etanda nye mu ekeleshi onyata yokomutima, onye ovalumenhu Ovajuda nOvajerusalem, oupyuhandu wange opo uha xwame ngaashi omundilo wa xwama, uhe shi kudimwa, omolwowii woilonga yeni.

JOHANNES 7:22

Moses okwe mu pa epito letanda (hakutya, la dja muMoses, ndelenee okooxo) nomEshabata hamu pitifa omunhu etanda.

OILONGA YOVAYAPOSTOLI 7:8

Ndele Ye okwe mu pa ehangano lepitotanda, ndele Abraham eshi a dala Isak, ye e mu pitifa etanda mefiku etihetatu. Isak okwa dala Jakob, naJakob ootatekulu venya omulongo navavali.

OVAROMA 2:28

Osheshi Omujuda haye ou e wetike kombada, nepitotanda kali fi eli hali ningwa kombada mombelela,

OVAROMA 3:25

Oye ou a tulwa po kuKalunga a ninge Omuhanganifi okeitavelo mohonde yaye, opo a holole ouyuki waye, osheshi monheni yaye Kalunga a efa omatimba a ningwa nale ine a handukila,

OVAROMA 3:28

Onghee hano ohatu ti: Omunhu ota yukipalifwa keitavelo pehe noilonga yomhango.

OVAROMA 3:30

osheshi Kalunga Oye umwe ta yukipalifa ovapiti vetanda, omeitavelo, naava inave li pita okeitavelo.

OVAGALATI 3:28

Kape na vali Omujuda nOmugreka, kape na vali omupika nomudalwa, kape na vali omulumenhu nomukainhu; osheshi onye amushe umwe muKristus Jesus.

OVAGALATI 6:12

Aveshe ovo va hala okulimonikifa pambelela va wapala, otave mu fininike mu lipitife etanda, opo vaha hepekelwe omushiyakano waKristus.

OVAEFESO 2:11

Onghee hano dimbulukweni kutya, onye ava mwa li nale ovapaani pambelela, omwa ifanwa muhe fi ovapititanda kwaava hava tiwa ovapititanda opapitifotanda olo tali longwa nomake mombelela,

DEUTERONOMION 10:16

“Onghee hano teta oxulo yoshipa shomitima deni ndele inamu likukutika vali.

DEUTERONOMION 30:6

NOmwene Kalunga koye ote ke ku pitifa etanda momutima woye, nomutima woludalo loye, opo u kale nokuhola Omwene Kalunga koye nomutima woye aushe nomwenyo woye aushe, opo u shiive okukala nomwenyo.

OVAFILIPPI 3:3

Osheshi ovapiti vetanda vashili ofye ava hatu longele Kalunga mOmhepo yaKalunga nohatu litangele Kristus Jesus, fye itatu lineekele ombelela,

JOSUA 5:2

Mefimbo tuu olo Omwene okwa lombwela Josua ndele ta ti: “Lihongela eembele domamanya ndele pitifa vali ovana vaIsrael etanda.”

JOSUA 5:4

Efina loshinima molwaashi Josua okwe va pitifa etanda oleli: Ovanhu aveshe ava va dja muEgipiti, ovalumenhu, ovakwaita aveshe, ova fila mondjila mombuwa mokudja ko kwavo kuEgipiti.