GENESIS 16:6 - Ombibeli Iyapuki

⁶ Ndele Abram okwa nyamukula Sarai: “Omupika woye oku li mepangelo loye, mu ningila ngaashi tashi ku wapalele.” Opo nee Sarai e mu monifa oixuna, ndele ye okwa dja po onhapo puye.

GENESIS 16:6 ပူးပေါင်းရင်းမြစ်များ

GENESIS 16:9

Opo nee omweengeli wOmwene okwe mu lombwela: “Shuna kumwene woye, ove u lininipikile epangelo laye.”

GENESIS 24:10

Ndele omupiya okwa kufa eengamelo omulongo domeengamelo domwene waye ndee okwa ya e na oinima i lili noi lili iwa i na ondilo yomoinima yomwene waye. Ye okwa fikama ndele okwa ya kuMesopotamia, koshilando shaNahor.

JOB 2:6

NOmwene ta ti kuSatana: “Tala, ye oku li meke loye. Xupifa ashike omwenyo waye!”

EXODUS 2:15

Ndele Farao eshi e di kundana, ye a konga Moses e mu dipae. Ndelenee Moses okwa yaFarao onhapo nokwa tula medu laMidian, ndele a kala omutumba pomufima umwe.

OMAYELETUMBULO 14:29

Omutalanheni ye e neendunge dihapu, ndelenee omuhandunhu te likongele oulai.

OMAYELETUMBULO 15:1

Enyamukulo litalala tali kandula po oupyuhandu, ndelenee ondjovo ikukutu tai tukulula ehandu.

OMAYELETUMBULO 27:8

Ngaashi okadila oko taka tukatuka noshihadi shako, osho yo omulumenhu ou ta elaela kokule neumbo lavo.

OMAYELETUMBULO 29:19

Omupika ita yavala eendjovo dehanyeno. Ye a uda ko tuu, ndelenee iha dulika.

OMUUDIFI 10:4

Ehandu lomupangeli ngeenge tali ku xwamene, ino efa oshilonga shoye, osheshi elididimiko tali kelele omanyono mahapu.

JEREMIA 38:5

Ndele ohamba Sedekia okwe va lombwela ta ti: “Tala, ye oku li momake eni, osheshi ohamba itai dulu okutya sha kunye.”

JOSUA 9:25

Ndelenee apa tu li po hano momake oye, tu ningila hano osho shiwa nosha yuka momesho oye.”

1 PETRUS 3:7

Osho vali ovalumenhu nye, kaleni novakainhu veni neendunge ngaashi oiyuma inai pama, nye mu va fimaneke yo, osheshi ovo ovafyuululi vonghenda yomwenyo pamwe nanye, omaindilo eni aha pyakidilwe.