GENESIS 15:18 - Ombibeli Iyapuki

¹⁸ Mefiku tuu olo Omwene okwa ninga ehangano naAbram, ndele ta ti: “Koludalo loye Ame ohandi li pe edu eli, okudja komulonga waEgipiti fiyo okomulonga munene, omulonga waEufrat,

GENESIS 15:18 ပူးပေါင်းရင်းမြစ်များ

GENESIS 12:7

Opo nee Omwene okwe lihololela Abram ndele ta ti: “Edu eli handi ke li yandja koludalo loye.” Opo nee ye a tungila Omwene oaltari, ou e mu lihololela.

GENESIS 13:15

Osheshi edu alishe u wete ohandi ke li ku pa noludalo loye fiyo alushe.

GENESIS 2:14

Nedina lomulonga omutitatu oTigris, ou wa enda koushilo waAsiria. Omulonga omutine oEufrat.

GENESIS 24:7

Omwene Kalunga keulu, ou a kufa nge meumbo latate nomoshilongo omo nda dalelwa naau a popya naame nokwa anena nge neendjovo edi: ‘Oludalo loye ohandi ke li pa edu eli,’ ote ke ku tetekelifa omweengeli waye ndele ove ou na okweetela ko omumwange omwalikadi.

GENESIS 26:4

Ndele Ame ohandi ka hapupalifa oludalo loye li fike peenyofi dokeulu, noludalo loye ohandi ke li pa oilongo ei, nomoludalo loye oiwana aishe yokombada yedu otai ka nangekwa noupuna.

GENESIS 28:4

Ndele Ye ne ku pe enangeko noupuna laAbraham, ove noludalo loye pamwe naave, opo u shiive okunangala oshilongo shoukwailongo woye, Kalunga e shi pele Abraham.”

GENESIS 35:12

Nedu olo nde li pele Abraham naIsak, ohandi ke li ku pa, noludalo loye tali ku shikula Ame ohandi ke li li pa.”

GENESIS 50:24

Ndele Josef okwa lombwela ovamwaxe ta ti: “Ame ohandi ka fya, ndelenee Kalunga te mu diinine ndele te mu twala koshilongo eshi moshilongo shinya Ye a udanekela nokwaana Abraham naIsak naJakob.”

2 SAMUEL 23:5

Epata lange osho tuu li li koshipala shaKalunga? Osheshi Ye a ninga ehangano laalushe naame lashili, li shii okulineekelwa. Heeno, Ye ta tutuminifile nge exupifo alishe nelao alishe.

2 SAMUEL 8:3

David okwa taataa vali Hadadeser yaRehob, ohamba yaSoba, yo eshi ya ya i ka tandavelife epangelo layo fiyo okomulonga waEufrat.

1 EEHAMBA 4:21

Ndele Salomo okwa pangela oilongo aishe okudja komulonga waEufrat fiyo okedu lOvafilisti nookongaba yaEgipiti. Ova eta eeshali ndele va longela Salomo, fimbo ye a kala nomwenyo.

1 EEHAMBA 5:1

Ndele Hiram, ohamba yaTirus, ya tuma ovapiya vayo kuSalomo, yo eshi ya uda nokutya, ye a vaekwa a ninga ohamba ponhele yaxe David, osheshi Hiram okwa li alushe okaume kaDavid.

1 OMAFIMBO 16:16

ehangano olo e li udafanene naAbraham, neano, olo e li anenene Isak,

1 OMAFIMBO 5:9

Ndele moushilo okwa twa fiyo mombuwa ei tai hovele momulonga waEufrat. Osheshi oimuna yavo ya hapupala moshilongo shaGilead.

2 OMAFIMBO 7:8

Osho ngaha hano Salomo okwa dana oshivilo mefimbo tuu linya, omafiku aheyali, nOvaisraeli aveshe pamwe naye, oshiongalele shinene, okudja komhito yokuya kuHamat fiyo okokamulonga kaEgipiti.

2 OMAFIMBO 8:7

Novanhu aveshe ovo vehe fi Ovaisraeli, ovo va xupa po mOvaamori nomOvaheti nomOvaperesi nomOvahevi nomOvajebusi;

2 OMAFIMBO 9:26

Ndele ye okwa li omupangeli weehamba adishe okudja kuEufrat fiyo okoshilongo shOvafilisti nofiyo okongaba yaEgipiti.

ESRA 4:20

Neehamba di neenghono da li muJerusalem do da pangela edu alishe lokouninginino waEufrat, ndele da etelwa oimaliwa, noilya yefendelo nofuto yeengaba.

NEHEMIA 9:8

Ndele wa mona omutima waye wa li omudiinini koshipala shoye, ndele wa ninga naye ehangano, nokutya u pe oludalo laye edu lOvakaanan nOvaheti nOvaamori nOvaperesi nOvajebusi nOvagirgasi; ndele wa wanifa eendjovo doye, osheshi Ove omuyuki.

OMAPSALOME 105:11

eshi a tile: “Edu laKaanan, ohandi li ku pe, lo li kale oshitukulwafyuululwa sheni.”

EXODUS 13:11

“NOmwene ngeenge te mu eta medu lOvakaanan ngaashi e ku udanekela nokwa udanekela ooxo nokwaana oku li ku pa,

EXODUS 2:24

Ndele Kalunga okwa uda ekemo lavo, naKalunga okwa dimbulukwa ehangano laye naAbraham naIsak naJakob.

EXODUS 23:23

Osheshi omweengeli wange te ke mu kwatela komesho ndele te mu twala kOvaamori nokOvaheti nOvaperesi nokOvakaanan nokOvahevi nokOvajebusi. Ndele Ame ohandi ke va hanauna po.

EXODUS 3:8

Onghee nde uya poshi, ndi va kulile mo meke lOvaegipiti, nondi va twale medu linya, medu liwa nola mbwalangadja, medu li yadi omashini nomaadi eenyiki, medu omo Ovakaanan nOvaheti nOvaamori nOvaperesi nOvahevi nOvajebusi ve li mo.

EXODUS 32:13

Dimbulukwa ovapiya voye Abraham, Isak naIsrael, Ove mwene wa ana kuvo wa tile: ‘Ame ohandi ka hapupalifa oludalo leni ngaashi eenyofi dokeulu, nedu eli alishe nde li tonga Ame ohandi ka yandja koludalo leni, opo vo ve li fyuulule fiyo alushe.’ ”

EXODUS 34:11

Diinina odo Ame nde di ku lombwela nena eli. Tala, Ame ohandi ku tele po Ovaamori nOvakaanan nOvaheti nOvaperesi nOvahevi nOvajebusi.

EXODUS 34:24

Osheshi Ame ohandi ka taataa oiwana koshipala shoye nokumbwalangadjifa edu loshilongo shoye. Itapa kala nande umwe e nolwisho lokuhala oshilongo shoye, fimbo ove to i u ka holoke koshipala shOmwene Kalunga koye lutatu keshe omudo.

EXODUS 6:4

Nda ninga yo ehangano letu navo, ndi va pe edu laKaanan, edu lounailongo wavo, omu va kala;

EXODUS 6:8

Ndele Ame ohandi ke mu twala medu nde li udanekela nokwaana ndi li yandje kuAbraham naIsak naJakob. Ndele Ame ohandi ke li mu pa efyuululo; Aame tuu Omwene.’ ”

JESAJA 27:12

Ndele mefiku tuu olo, Omwene ota ka shopola oiimati okudja komulonga waEufrat fiyo okokamulonga kaEgipiti; akutu nye Ovaisraeli, otamu ka toolwa umwe naumwe.

JESAJA 55:3

Pwilikineni, nye mu ehene kwaame, pwilikineni, nomitima deni opo di kale di nomwenyo. Ame onda hala ndi ninge ehangano laalushe nanye; omafilonghenda a pama, nde a fila David.

JEREMIA 32:22

ndele we shi pa edu olo we li udanekela ooxekulu ndele wa ana, kutya oto va pe edu tali tondoka omaadi eenyiki nomashini.

JEREMIA 32:40

Ndele ohandi ka ninga ehangano laalushe navo, ndele itandi efa oku va ningila ouwa. Netilo okutila nge ohandi tula momitima davo va kale vehe liteeke nge vali.

LEVITIKUS 26:42

Opo nee Ame ohandi dimbulukwa ehangano letu naJakob, nosho yo handi ka dimbulukwa ehangano lange naIsak nosho yo ehangano lange naAbraham, ndele handi ka dimbulukwa edu yo.

LEVITIKUS 26:45

Ndelenee Ame moku va halela ouwa ohandi ka dimbulukwa ehangano letu nooxekulu ava nde va pitifa mo medu laEgipiti, opo ndi ninge Kalunga kavo. Aame Omwene.”

NUMERI 34:5

Ongaba tai dingunuka okudja kuAsmon fiyo okokamulonga kaEgipiti ndee tai xulile mEfuta Lopokati.

OILONGA YOVAYAPOSTOLI 7:5

Ndele Ye ine mu pa mo efyuululo, nande oli fike ponhele yomhadi: Abraham fimbo kwa li ehe nokaana, okwe mu udanekela edu li ninge laye nololudalo laye konima yaye.

DEUTERONOMION 11:24

Okanhele keshe eemhadi deni tadi ka lyata mo, otaka ningi keni; okudja kombuwa puLibanon, komulonga Eufrat fiyo okEfuta Lopokati kouninginino tali ka ninga oshipangelwa sheni.

DEUTERONOMION 12:20

“Omwene Kalunga koye ngeenge ta ka tandavelifa onhele yoye, ngaashi e ku udanekela, ndele to ti: Ame nda hala okulya ombelela, shaashi omwenyo woye we i hala, lya hano ashike ombelela, ngaashi omwenyo woye wa hala.

DEUTERONOMION 19:8

“NOmwene Kalunga koye ngeenge ta tandavelifa oshilongo shoye, ngaashi a udanekela ooxo nokwaana, ndele te ku pe edu alishe olo, Ye a udaneka e li pe ooxo.

DEUTERONOMION 34:4

NOmwene okwe mu lombwela: “Edu olo tuu eli nde li udanekela Abraham, Isak naJakob nokwaana neendjovo edi: ‘Koludalo loye Ame ohandi ke li yandja.’ Ame onde li ku talifa nomesho oye, ndelenee ito ka tauluka u ye mo.”

DEUTERONOMION 7:1

“Omwene Kalunga koye ngeenge te ku twala medu omo to i u ke li nangele ndele Ye ota taataa komesho yoye oiwana ihapu: Ovaheti nOvagirgasi nOvaamori nOvakaanan nOvaperesi nOvahevi nOvajebusi, oiwana iheyali, i ku dule mouhapu nomeenghono,

OVAHEBERI 13:20

Ndelenee Kalunga kombili, ou a alula mefyo omufita omukulunhu weedi omolwohonde yehangano laalushe, Omwene wetu Jesus,

JOSUA 13:3

nedu alishe laAvvim koumbuwanhu. (Edu alishe okudja kuSihor i li koushilo waEgipiti fiyo okongaba yaEkron langhele koumbangalanhu, olo tali valelwa kedu lOvakaanan nokutya, eehamba nhano dOvafilisti: oyo yaGasa naayo yaAsdod, oyo yaAskelon, oyo yaGat naayo yaEkron) nosho yo Ovaavvim

JOSUA 15:4

opo tau ende langhele lwokuAsmon ndele tau i kokamulonga kaEgipiti, opo omufinda wongaba tau xulile mEfuta Lopokati. Oo hano tau ka ninga ongaba yavo yokoumbuwanhu.

EHOLOLO 9:14

ya lombwela omweengeli ou omutihamano e nenghuma, tai ti: “Mangulula ovaengeli venya vane va kala va mangwa pomulonga munene waEufrat.”