GENESIS 13:18 - Ombibeli Iyapuki

¹⁸ Opo nee Abram okwa ehena komesho neefaila daye nokwa tula moshuundungila shomuMamre, popepi naHebron. Ndele oko a ka tungila Omwene oaltari.

GENESIS 13:18 ပူးပေါင်းရင်းမြစ်များ

GENESIS 13:4

konhele oko a tungile nale oaltari. Ndele oko Abram a ifana edina lOmwene.

GENESIS 14:13

Ndele omunhu umwe a dja onhapo polwoodi, okwe uya oku shi hepaululila Abram, Omuheberi, a tula moshuundungila shomuMamre. Omunhu ou okwa li Omuamori, mumwaina waEskol naAner. Vo ova li va kwatafana naAbram.

GENESIS 18:1

Ndele Omwene okwe lihololela Abraham poshuundungila shaMamre fimbo ye a li omutumba poshivelo shetwali moshanga shomutenya.

GENESIS 22:9

Eshi va fika ponhele oyo Kalunga e va ulikila, Abraham okwa tunga po oaltari ndele ta tula ko oikuni. Opo nee ye a manga omona waye Isak nokwe mu kaleka koaltari kombada yoikuni.

GENESIS 23:2

Ndele Sara okwa fila muKiriat-Arba nokutya, Hebron, medu laKaanan. Ndele Abraham okwe uya keefya daSara noku mu lila.

GENESIS 26:25

Opo nee ye okwa tungila ko oaltari ndele ta ifana edina lOmwene, ndele ta diki ko eefaila daye. Novapiya vaIsak va xupa ko omufima.

GENESIS 35:27

Ndele Jakob okwa fika kuxe Isak muMamre puKiriat-Arba, nokutya Hebron, oko Abraham a kala omunailongo nosho yo Isak.

GENESIS 37:14

Opo nee ye okwe mu lombwela ta ti: “Inda hano u ka tale ovamwaxo nhumbi ve li, noimuna nhumbi i li, opo u aluke u shiivifile nge.” Osho ngaha hano ye okwe mu tuma a dja mefilu laHebron ndele te uya kuSekem.

GENESIS 8:20

Ndele Noa okwa tungila Omwene oaltari, ndele okwa kufa moinamwenyo aishe ya koshoka nomeedila adishe da koshoka, ndele okwa yamba omaxwikiloyambo koaltari.

2 SAMUEL 2:1

Ndele David okwa pula kOmwene ndele ta ti: “Nandi ye moshilando shimwe shomuJuda?” NOmwene okwe mu nyamukula: “Inda.” Opo nee David ta pula: “Ondi nokuya peni?” Ndele Ye ta nyamukula: “KuHebron.”

OMAPSALOME 16:8

Alushe ohandi kwatele Omwene koshipala shange; eshi Ye e li kolulyo lange, ihandi tengauka.

NUMERI 13:22

Ndele vo ova ya moshilongo shokoumbangalanhu ndele va fika fiyo okuHebron. Ndele oko kwa li Ahiman, Sesai naTalmai, oludalo laAnak. Ndele Hebron osha tungwa omido heyali fimbo Soan muEgipiti sha li inashi tungwa.

1 TIMOTEUS 2:8

Hano onda hala ovalumenhu va ilikane apeshe va yelula omaoko mayapuki vehe nehandu novehe neenhamanana.

OVAHEBERI 11:9

Meitavelo okwa kala omunailongo medu leudaneko la fa lihe fi laye, nokwa li ha kala momatwali pamwe naIsak naJakob, ovafyuululi veudaneko pamwe naye,

JOSUA 14:13

Opo nee Josua okwa nangeka noupuna Kaleb yaJefunne nokwe mu pa Hebron ngaashi oshitukulwafyuululwa.

JOSUA 15:13

Ndelenee ye okwa yandja kuKaleb yaJefunne oshitukulwa mokati kovana vaJuda, ngaashi Omwene a lombwela Josua nokutya, Kiriat-Arba, xe yaAnak, osho Hebron.