GENESIS 12:9 - Ombibeli Iyapuki

⁹ Ndele Abram okwa enda nokweehena kedu lokoumbuwanhu.

GENESIS 12:9 ပူးပေါင်းရင်းမြစ်များ

GENESIS 13:1

Osho ngaha Abram a dja muEgipiti ndele ta i moshilongo kombinga yokoumbuwanhu, ye mwene nomwalikadi waye noinima yaye aishe, naLot pamwe naye.

GENESIS 13:3

Ndele ye okwa endaenda keembinga neembinga, okudja koshilongo sho kombinga yokoumbuwanhu fiyo opopepi naBetel, ponhele inya a ongele onhanda yaye yotete, nokutya pokati kaBetel naAi,

GENESIS 20:1

Ndele Abraham okwa dja po opo ndele okwa ya kombinga yokoumbuwanhu woshilongo, nokwa tula pokati kaKades naSur. Okwa kala muGerar ngaashi omunailongo.

GENESIS 20:13

Ndele Kalunga eshi a kufa nge meumbo latate nokwa tula nge mokweendaenda, ame onde mu lombwela, handi ti: ‘File nge onghenda; keshe apa hatu i, ou na okutya, ove omumwameme.’ ”

GENESIS 24:62

Ndele Isak okwe uya langhele puBeer-Lahai-Roi, osheshi ye okwa kala moshilongo shokoumbangalanhu.

OMAPSALOME 105:13

ovatembavaukili koshiwana noshiwana, koshilongo noshilongo.

JESAJA 30:6

“Oifitukuti yomedu lokoumbuwanhu tai xunganekwa. Ovo tava pitile medu letumaukifo lomaxwilili nolidjuu, medu longhoshi yonghadi noyondume, medu lomayoka noleengadu hadi tuka, otava humbatifa keembuda doimbulu emona lavo, tava kuminike oipako yavo meembuda deengamelo, tave i twala koshiwana shihe na osho tashi va kwafa.

NUMERI 13:17

Ndele Moses okwe va tumine okulava edu laKaanan, ndee ta ti kuvo: “Indeni ko kombinga yokoumbuwanhu moshilongo mu ka londe keemhunda.

DEUTERONOMION 1:7

Fikameni, djeni po, mu ye keemhunda dOvaamori nokeenhele adishe domoushiinda wavo, nokutya komaluhaela nokeemhunda nokedu la lalakana nokoshikandjo shoumbangalanhu nokomunghulo wEfuta Lopokati, oshikandjo shOvakaanan naLibanon fiyo okomulonga omunene waEufrat.