GENESIS 12:7 - Ombibeli Iyapuki

⁷ Opo nee Omwene okwe lihololela Abram ndele ta ti: “Edu eli handi ke li yandja koludalo loye.” Opo nee ye a tungila Omwene oaltari, ou e mu lihololela.

GENESIS 12:7 ပူးပေါင်းရင်းမြစ်များ

GENESIS 12:8

Ndele okwa fikama ndele ta ehene keemhunda dokoushilo waBetel ndele ta ongo onhanda pokati kaBetel mouninginino naAi moushilo, oko a tungila Omwene oaltari ndele ta ifana edina laYe.

GENESIS 13:15

Osheshi edu alishe u wete ohandi ke li ku pa noludalo loye fiyo alushe.

GENESIS 13:17

Fikama, u taulule edu eli noule walo nounene walo, osheshi Ame ohandi ke li ku pa.”

GENESIS 13:18

Opo nee Abram okwa ehena komesho neefaila daye nokwa tula moshuundungila shomuMamre, popepi naHebron. Ndele oko a ka tungila Omwene oaltari.

GENESIS 13:4

konhele oko a tungile nale oaltari. Ndele oko Abram a ifana edina lOmwene.

GENESIS 15:18

Mefiku tuu olo Omwene okwa ninga ehangano naAbram, ndele ta ti: “Koludalo loye Ame ohandi li pe edu eli, okudja komulonga waEgipiti fiyo okomulonga munene, omulonga waEufrat,

GENESIS 17:1

Omido daAbram eshi da ninga omilongo omugoi nomugoi, Omwene okwe mu lihololela ndele te mu lombwele ta ti: “Aame Kalunga Omunaenghono adishe! Kala nokweenda koshipala shange, opo u kale omuyuki.

GENESIS 17:3

Opo nee Abram okwa wila eombe ndele Kalunga okwa popya naye ta ti:

GENESIS 17:8

Ndele Ame ohandi ku pe, noludalo tali ku shikula, edu eli loweendanandjila woye, edu alishe laKaanan, li ninge loye fiyo alushe. Ndele Ame ohandi ka kala Kalunga kavo.”

GENESIS 18:1

Ndele Omwene okwe lihololela Abraham poshuundungila shaMamre fimbo ye a li omutumba poshivelo shetwali moshanga shomutenya.

GENESIS 22:9

Eshi va fika ponhele oyo Kalunga e va ulikila, Abraham okwa tunga po oaltari ndele ta tula ko oikuni. Opo nee ye a manga omona waye Isak nokwe mu kaleka koaltari kombada yoikuni.

GENESIS 24:7

Omwene Kalunga keulu, ou a kufa nge meumbo latate nomoshilongo omo nda dalelwa naau a popya naame nokwa anena nge neendjovo edi: ‘Oludalo loye ohandi ke li pa edu eli,’ ote ke ku tetekelifa omweengeli waye ndele ove ou na okweetela ko omumwange omwalikadi.

GENESIS 26:25

Opo nee ye okwa tungila ko oaltari ndele ta ifana edina lOmwene, ndele ta diki ko eefaila daye. Novapiya vaIsak va xupa ko omufima.

GENESIS 26:3

Kala ngaashi omunailongo moshilongo eshi, ndele ame ohandi ka kala pamwe naave; noludalo loye ohandi ke li pa oilongo ei. Ame ohandi ka wanifa eano nde li anenene xo Abraham.

GENESIS 28:13

Ndele tala, Omwene okwa kala ofika pombada koxulo yayo ndele ta ti: “Aame Omwene Kalunga kooxo Abraham naKalunga kaIsak. Edu eli wa nangala, Ame ohandi li ku pe, ove mwene noludalo loye.

GENESIS 28:4

Ndele Ye ne ku pe enangeko noupuna laAbraham, ove noludalo loye pamwe naave, opo u shiive okunangala oshilongo shoukwailongo woye, Kalunga e shi pele Abraham.”

GENESIS 32:30

Onhele ei Jakob okwe i luka Penuel, osheshi, ngaashi a tile: “fye naKalunga otwa talafana oshipala noshipala, nonande ongaha,” ame onda xupa ndi na omwenyo.

GENESIS 33:20

Ndele oko a tungila oaltari nokwe shi luka: Kalunga kaIsrael, Oye Kalunga!

GENESIS 35:12

Nedu olo nde li pele Abraham naIsak, ohandi ke li ku pa, noludalo loye tali ku shikula Ame ohandi ke li li pa.”

GENESIS 35:7

Ndele oko a tunga oaltari nokwa ifana onhele oyo El Betel, osheshi oko Kalunga e mu lihololelele eshi ye a ile onhapo yamumwaina Esau.

GENESIS 50:24

Ndele Josef okwa lombwela ovamwaxe ta ti: “Ame ohandi ka fya, ndelenee Kalunga te mu diinine ndele te mu twala koshilongo eshi moshilongo shinya Ye a udanekela nokwaana Abraham naIsak naJakob.”

GENESIS 8:20

Ndele Noa okwa tungila Omwene oaltari, ndele okwa kufa moinamwenyo aishe ya koshoka nomeedila adishe da koshoka, ndele okwa yamba omaxwikiloyambo koaltari.

2 SAMUEL 24:25

Opo nee David a tungila Omwene oaltari ndele ta yambe omaxwikiloyambo nomapanduloyambo. NOmwene okwa fila oshilongo onghenda nokwa kandula po oudu wolutapo kOvaisraeli.

1 EEHAMBA 18:32

Nokwa tunga oaltari yomamanya medina lOmwene. Opo nee a fa omukangha tau dingilile oaltari, wa li u fike peelita omulongo nanhee.

1 OMAFIMBO 16:16

ehangano olo e li udafanene naAbraham, neano, olo e li anenene Isak,

1 OMAFIMBO 16:18

eshi a tile: “Edu laKaanan, ohandi li ku pe, lo li kale oshitukulwafyuululwa sheni.”

2 OMAFIMBO 20:11

Heeno, tala, paife tave uya ve tu alulile owii noku tu taataa mo moshilongo shetu, osho twe shi pewa kwOove.

2 OMAFIMBO 20:7

Haave Kalunga ketu, wa taataa oonakukalamo medu eli komesho yovanhu voye Ovaisraeli, ndele we li yandja fiyo alushe koludalo laAbraham, kaume koye?

ESRA 3:2

Ndele Josua yaJosadak novamwaina ovapristeli naSerubbabel yaSalatiel pamwe novamwaina va fikama, ndele va tunga oaltari yaKalunga kaIsrael, va yambele ko omaxwikiloyambo ngaashi pa shangwa momhango yaMoses, omulumenhu waKalunga.

EXODUS 17:15

Ndele Moses okwa tunga oaltari ndele e i luka: “Omwene, Ye epandela lange!”

EXODUS 24:4

Ndele Moses okwa shanga eendjovo adishe dOmwene. Nongula inene ye e lilongekida nokwa tunga oaltari pefina lomhunda nomamanya omulongo naavali edimbulukifo pamapata omulongo naavali aIsrael.

EXODUS 32:13

Dimbulukwa ovapiya voye Abraham, Isak naIsrael, Ove mwene wa ana kuvo wa tile: ‘Ame ohandi ka hapupalifa oludalo leni ngaashi eenyofi dokeulu, nedu eli alishe nde li tonga Ame ohandi ka yandja koludalo leni, opo vo ve li fyuulule fiyo alushe.’ ”

EXODUS 33:1

Omwene okwa popya vali naMoses ndele ta ti: “Inda ko, fikama ove noshiwana eshi we shi pitifa mo medu laEgipiti, u shi twale kedu nde li udanekela Abraham, Isak naJakob nokwaana neendjovo edi: ‘Oludalo loye Ame ohandi ke li pa.’

EXODUS 6:3

ndele kuAbraham, kuIsak nokuJakob Ame nde ve liholela Kalunga Omunaenghono adishe, ndelenee Ame nde ve lihololela edina lange Omwene.

EXODUS 6:4

Nda ninga yo ehangano letu navo, ndi va pe edu laKaanan, edu lounailongo wavo, omu va kala;

JEREMIA 3:18

Pomafiku enya eumbo laJuda otali ende neumbo laIsrael, taa di pamwe kedu lokoumbangalanhu, tae uya kedu nde li pa ooxekulu yavo efyuululo.

NUMERI 26:53

“Ovanhu ava nava tukulilwe edu, li ninge oitukulwafyuululo yavo pamuvalo womadina avo.

NUMERI 32:11

‘Oshili, nande umwe womovalumenhu venya va dja muEgipiti va wanifa omido omilongo mbali ile ve di koya, ta ka mona edu linya nde li udanekela nokwaana Abraham, Isak naJakob. Osheshi vo inava dulika kwaame nomutima aushe,

OILONGA YOVAYAPOSTOLI 7:5

Ndele Ye ine mu pa mo efyuululo, nande oli fike ponhele yomhadi: Abraham fimbo kwa li ehe nokaana, okwe mu udanekela edu li ninge laye nololudalo laye konima yaye.

OVAROMA 9:8

nokutya: ovana ava vopambelela, havo ovana vaKalunga, ndelenee ovana veudaneko ovo tava valulilwa moludalo.

OVAGALATI 3:16

Ndele Abraham okwa pewa omaudaneko, ye mwene noludalo laye, inapa tiwa, nomaludalo, ngaashi mahapu, ndelenee ngaashi umwe: noludalo loye, olo Kristus.

OVAGALATI 4:28

Ndelenee ovamwatate nye, onye ovana veudaneko ongaashi Isak.

DEUTERONOMION 1:8

Taleni, Ame ohandi mu pe edu olo. Indeni mu ke li nangale, edu olo Omwene e li udanekela neano ooxo Abraham naIsak naJakob, Ye e li va pe nomaludalo avo komesho yavo.’ ”

DEUTERONOMION 30:20

ngeenge omu hole Omwene Kalunga keni nokupwilikina ondaka yaye nokukanyatela muye. Osheshi osho oukalimwenyo woye noule womafiku oye, opo u shiive okukala moshilongo osho Omwene a udanekela ooxo Abraham, Isak naJakob nokwaana, Ye e shi va pe.”

DEUTERONOMION 34:4

NOmwene okwe mu lombwela: “Edu olo tuu eli nde li udanekela Abraham, Isak naJakob nokwaana neendjovo edi: ‘Koludalo loye Ame ohandi ke li yandja.’ Ame onde li ku talifa nomesho oye, ndelenee ito ka tauluka u ye mo.”

DEUTERONOMION 6:10

“NOmwene Kalunga koye ngeenge te ku twala mo medu olo Ye a udanekela ooxo Abraham, Isak naJakob, nokwaana oku ku pa, oilando inene naai iwa inai tungwa kwoove,

DEUTERONOMION 9:5

Hamolwouyuki woye ile okuyuka kwomwenyo woye ove to uya moshilongo shayo, u shi nangale, ndelenee omolwoukolokoshi woiwana oyo, Omwene Kalunga koye ote i taataa mo komesho yoye, opo a wanife ondjovo yaye, ei Omwene a anena ooxo Abraham, Isak naJakob.

OVAHEBERI 11:13

Meitavelo aveshe ava va fila mo, vo inava mona eshi sha udanekwa, ndelenee ove shi tala ashike kokule nokwiitavela, nove shi kunda, nove lihepaulula nokutya, ovo ovanailongo novaenda kombada yedu eli.

OVAHEBERI 11:8

Meitavelo Abraham eshi a ifanwa a tembukile kedu olo te ke li pewa li ninge efyuululo laye, okwa dulika, nokwa dja mo ina shiiva apa ta i.

JOSUA 1:6

Kala wa pama. Kala wa nyatipala. Osheshi ove oto ka tukulila ovanhu ava oshilongo efyuululo, Ame nde shi udanekela ooxe nokwaana ndi shi va pe.

JOSUA 22:10

Ovana vaRuben novana vaGad netata lepata laManasse eshi ve uya koyuunda yomamanya puJordan, ei i li medu laKaanan, ova tunga ko oaltari puJordan, oaltari inene unene.

JOSUA 8:30

Opo nee Josua okwa tungila Omwene Kalunga kaIsrael oaltari komhunda yaEbal,

OVATOKOLIPANGELI 6:24

Opo nee Gideon okwa tungila ko Omwene oaltari ndele te i luku: “Omwene Oye ombili!” Oko shi li fiyo onena eli puOfra shOvaabieser.

1 SAMUEL 7:17

Opo nee ye okwa shuna kuRama. Osheshi oko kwa kala eumbo laye. Oko a tokola eendjovo daIsrael noko a tungila Omwene oaltari.