GENESIS 12:3 - Ombibeli Iyapuki

³ Ndele Ame ohandi ka nangeka noupuna ava tave ku nangeke noupuna, ndele handi ka finga ou te ku fingi. Ndele omapata aeshe kombada yedu otaa nangekwa noupuna mwoove.”

GENESIS 12:3 ပူးပေါင်းရင်းမြစ်များ

GENESIS 18:18

MuAbraham omo tamu ka dja shili oshiwana shinene shi na eenghono noiwana aishe kombada yedu otai ka nangekwa noupuna muye.

GENESIS 18:19

Osheshi Ame onde mu hoolola, opo a lombwele ovana vaye neumbo laye nokutya, nava diinine ondjila yOmwene, va shiive okulonga ouyuki noshili, opo Omwene a wanifile Abraham eshi Ye e mu udanekela.”

GENESIS 22:18

Noiwana aishe kombada yedu otai ka nangekwa noupuna molwoludalo loye, osheshi ove wa uda ondaka yange.’ ”

GENESIS 24:35

Ndele Omwene okwa nangeka noupuna omwene wange unene, okwe mu yambapaleka unene, ndele okwe mu pa eedi neengobe, oshisiliveli noshingoldo, ovapika ovalumenhu novapika ovakainhu, neengamelo neendongi.

GENESIS 25:11

Konima yefyo laAbraham, Kalunga okwa nangeka noupuna Isak, omona waye. Ndele Isak okwa kala puBeer-Lahai-Roi.

GENESIS 26:29

Nye inamu tu ningila owii nande owasha, ngaashi yo fye inatu ku kuma, noinatu ku ningila sha shii, ouwa auke ndele hatu ku lekele nombili. Ove ou li shili omunangekwa noupuna wOmwene.”

GENESIS 26:4

Ndele Ame ohandi ka hapupalifa oludalo loye li fike peenyofi dokeulu, noludalo loye ohandi ke li pa oilongo ei, nomoludalo loye oiwana aishe yokombada yedu otai ka nangekwa noupuna.

GENESIS 27:29

Oiwana nai ku longele, nomaludi nae ku twile eengolo. Ove kala omupangeli wavamwanyoko, novana vanyoko nave linyongamene poshi koshipala shoye. Nava fingwe ava tave ku fingi; ndele nava nangekwe noupuna ava tave ku nangeke noupuna.”

GENESIS 28:14

Noludalo loye otali ka kala ngaashi ondwi yedu, ndele to ka tandavela kouninginino nokoushilo, koumbangalanhu nokoumbuwanhu. Nomwoove nomoludalo loye omapata aeshe okombada yedu otaa ka nangekwa noupuna.

GENESIS 30:27

Opo nee Laban e mu nyamukula ndele ta ti: “Ngeno ndi filwe onghenda momesho oye, osheshi ame onde shi koneka nokutya, Omwene okwa nangeka nge noupuna molwoye.”

GENESIS 30:30

Osheshi oyo ya li inini fimbo ame inandi uya, ndele yo oya hapupala unene. Ndele Omwene okwe ku nangeka noupuna keshe apa ame nda enda. Onaini handi ka longela yo eumbo lange mwene?”

GENESIS 39:5

Ndele okudja kefiku tuu olo ye eshi e mu ninga elenga leumbo laye alishe noloinima yaye aishe, Omwene okwa nangeka noupuna eumbo lOmuegipiti molwaJosef. Heeno, enangeko noupuna lOmwene la li mwaaishe yaye meumbo nomomapya.

OMAPSALOME 72:17

Edina layo nali kale po fiyo alushe, fimbo oku netango, edina layo nali twalwatwalwe, opo oiwana aishe i nangekwe noupuna muyo noku i pandula yo i nelao.

EXODUS 23:22

Ndelenee ove ngeenge to pwilikine ondaka yaye ndele to wanifa ashishe Ame handi ke ku lombwela, Ame ohandi ka ninga omutondadi wovatondadi nomunaita wovanaita voye.

NUMERI 24:9

Vo otava hondjaunine ngaashi onghoshi, heeno, ngaashi onghoshi onghadi. Olyelye ta dulu oku i shinda? Ou te ku nangeke noupuna, na kale a nangekwa noupuna. Naava tave ku tula omutima, nava kale va tulwa omutima!”

MATEUS 25:40

Ndele ohamba tai ke va nyamukula ndele tai ti kuvo: ‘Oshili handi mu lombwele: aishe ei mwe i ningila umwe waava ovamwatate vanini, Aame mwe i ningila.’

MATEUS 25:45

Opo nee Oye te va nyamukula ndele ta ti: ‘Oshili handi mu lombwele: aishe inya inamu i ningila umwe waava vanini, Aame mwene inamu i ningila.’

LUKAS 24:27

Ndele Ye okwa hovela muMoses nomovaxunganeki aveshe, ndele okwe va fatululila adishe de mu tiwa momishangwa adishe.

OVAROMA 4:11

Ndele okwa pewa edidiliko lepitotanda, li ninge oshilimbo shouyuki womeitavelo a li e li kwete fimbo ina pita etanda, opo ye a ninge xe yaaveshe ava hava itavele vehe netanda, opo va valulilwe yo ouyuki;

1 OVAKORINTO 1:30

Ndelenee omuye mwa dja okukala kweni muKristus Jesus, ou e tu ningilwa ounongo kuKalunga, nouyuki neyapulo nekulilo,

OVAGALATI 3:16

Ndele Abraham okwa pewa omaudaneko, ye mwene noludalo laye, inapa tiwa, nomaludalo, ngaashi mahapu, ndelenee ngaashi umwe: noludalo loye, olo Kristus.

OVAGALATI 3:28

Kape na vali Omujuda nOmugreka, kape na vali omupika nomudalwa, kape na vali omulumenhu nomukainhu; osheshi onye amushe umwe muKristus Jesus.

OVAGALATI 3:8

Nomushangwa, eshi we shi mona nale kutya, Kalunga ota yukipalifa ovapaani okeitavelo, onghee hano wa udifila Abraham evaengeli eli nale, nokutya: “Omwoove oiwana aishe tai nangekwa noupuna.”

OVAEFESO 1:3

Kalunga naXe yOmwene wetu Jesus Kristus na hambelelwe, Oye ou e tu nangeka noupuna nomapuniko aeshe opamhepo moikwaulu omuKristus,

OVAKOLOSSI 3:11

nande kape na vali Omugreka nOmujuda, epitotanda nokuhapitatanda, omupaani nOmuskiti, omupika nomudalwa, ndelenee aishe nomwaaveshe oKristus.

EHOLOLO 7:9

Konima yoinima ei onda mona, ndele tala, ongudu inene ya nyengana okuvalwa yomoiwana aishe nomomaludi aeshe novomovanhu aveshe novomomalaka aeshe; vo ova li ofika va taalela olukalwapangelo nOdjona, va djalekwa oikutu itoka to, ndele va li ve kwete oivale yomilunga momake avo.