GENESIS 12:10 - Ombibeli Iyapuki

¹⁰ Ndele moshilongo omwa holoka ondjala, opo Abram okwa ya medu laEgipiti, a kale ngaashi omunailongo, osheshi ondjala oya li inene moshilongo.

GENESIS 12:10 ပူးပေါင်းရင်းမြစ်များ

GENESIS 41:56

Ndele ongonga aishe yedu oya hangika kondjala, ndele Josef okwa matula oituvikilwa aishe ndele okwa landifa oilya kOvaegipiti. Nondjala oya li idjuu medu laEgipiti.

GENESIS 41:57

Nounyuni aushe owe uya kuJosef muEgipiti, u lande oilya, osheshi ondjala oya handuka mongonga aishe yedu.

GENESIS 42:5

Osho hano ovana vaIsrael va ya ko va endela pamwe naavenya va ka landele ko oilya, osheshi muKaanan omwa li yo ondjala.

GENESIS 43:1

Ndele ondjala oya li idjuu moshilongo.

GENESIS 47:13

Ndele moshilongo ashishe inamu monika vali omungome, osheshi ondjala oya handuka unene moshilongo shaEgipiti nomedu laKaanan inamu monika vali oilya.

2 SAMUEL 21:1

Ndele pomafiku aDavid eshi pa li omido nhatu dondjala, omudo nomudo, David okwa konga oshipala shOmwene. NOmwene e mu lombwela: “OmolwaSaul nomolwepata laye li netimba lohonde, ye eshi a dipaa Ovagibeon.”

2 EEHAMBA 4:38

Elisa okwe uya vali kuGilgal, ndele moshilongo mwa li ondjala. Ndele fimbo ovalongwa vomuxunganeki va li omutumba moipafi yaye, ye ta ti komupiya waye: “Tula po ombiya inene ndele telekela ovalongwa vomuxunganeki.”

2 EEHAMBA 6:25

Ndele muSamaria mwa li ondjala idjuu, osheshi venya ve shi kondekela efimbo lile fiyo omutwe wondongi tau landifwa neesekeli omilongo hetatu doisiliveli neegrama omafele atatu domatudi eenghuti tadi landwa neesekeli nhano doshisiliveli.

OMAPSALOME 105:13

ovatembavaukili koshiwana noshiwana, koshilongo noshilongo.

OMAPSALOME 107:34

edilopya okwe li ninga edu loshimongwa, omolwoulunde wovanhu ava ve li mo.

OMAPSALOME 34:19

Omaudjuu omuyuki oku li mahapu, ndelenee Omwene ote mu xupifa mwaaeshe.

JEREMIA 14:1

Ondjovo yOmwene oya hanga Jeremia omolwoluteni lidjuu.

JOHANNES 16:33

Oinima ei onde i mu lombwela, mu kale mu nombili mwaame. Mounyuni omu li mo mu noudjuu, ndelenee kaleni nomwenyo muwa, Ame onda finda ounyuni.”

OILONGA YOVAYAPOSTOLI 14:22

Ndele ova pameka eemwenyo dovalongwa, ndele ve va kumaida okudiinina eitavelo, tava ti: “Mokuya mouhamba waKalunga otu nokupitila moudjuu uhapu.”

OILONGA YOVAYAPOSTOLI 7:11

Ndele edu alishe laEgipiti nolaKaanan ola hangika kondjala nokoluhepo linene, ngaashi ootate inava mona oipalwifa.

RUT 1:1

Mefimbo linya ovatokolipangeli va pangela, ondjala ye uya moshilongo. Onghee hano omulumenhu umwe womuBetlehem shomuJuda a dja po a ka kale ngaashi omunailongo medu laMoab; ye nomwalikadi waye novana vaye ovamati vavali.