GENESIS 1:29 - Ombibeli Iyapuki

²⁹ Kalunga okwa tonga vali ta ti: “Paife ohandi mu pe oimeno aishe tai eta eembuto ei i li kombada yedu alishe, nomiti adishe di noiimati i na eembuto. Oyo tai ka kala eendja deni.

GENESIS 1:29 ပူးပေါင်းရင်းမြစ်များ

GENESIS 2:16

Ndele Omwene Kalunga okwa lombwela omunhu ndele ta ti: “Lya komiti adishe domoshikunino ngaashi wa hala,

GENESIS 6:21

Ndele ove, likongela mo eendja adishe hadi liwa, ndele di ongela pwoove, opo di ninge eendja doye nodoinamwenyo.”

GENESIS 9:3

Aishe ei tai linyenge i na omwenyo nai ninge eendja deni. Nosho yo oimeno aishe italala Ame ohandi i yandje aishe kunye.

JOB 36:31

osho ngaha ota tokola oiwana, ta yandje eendja dihapu unene.

OMAPSALOME 111:5

Ava have mu tila, ote va pe eendja, alushe oha dimbulukwa ehangano lavo naye.

OMAPSALOME 115:16

Eulu olo olOmwene, ndelenee edu okwe li pa ovana vovanhu.

OMAPSALOME 136:25

Oye ou, omupaluli woinamwenyo aishe, osheshi alushe ouwanghenda waye tau kala po.

OMAPSALOME 146:7

omupopili wovafininikwa, nomupaluli wovanandjala. Omwene Oye omumangululi wovamangwa.

OMAPSALOME 147:9

ndele ta pe oinamwenyo eendja, nomakolwena tae mu kwenene.

OMAPSALOME 24:1

Edu olOmwene, naashishe shi yadi mo,

JESAJA 33:16

Oye ta ka mona onhele yaye pombada pokule, ehondamenongulu laye olo ohotemanya yaye; ota ka pewa omungome waye nomeva itae mu pwininine.

HOSEA 2:8

Heeno, oye ina shiiva nokutya, Ame tuu ou nde mu pele oilya nomaviinyu nomaadi, nosho yo Ame nde mu hapupalifila oisiliveli noingoldo, ei ve i yambela Baal.

MATEUS 6:11

omungome wetu womafiku aeshe u tu pa yo nena;

OILONGA YOVAYAPOSTOLI 14:17

Nande Ye ina kala nande ine liholola, osheshi okwe mu monifila ouwa, eshi e mu lokifila odula meulu nokwe mu pa omafimbo oshishipo nokwa yadifa omitima deni oipalwifa nehafo.”

OILONGA YOVAYAPOSTOLI 17:28

osheshi Muye tu li mo tu nomwenyo, ndele hatu linyenganyenga, ndele hatu kala mo. Ongaashi ovatoti voitevo ovakweni va tile: ‘Osheshi nafye yo oludi laye.’

1 TIMOTEUS 4:3

ovo tava kelele okuhombola nokulya oikulya ya shitwa kuKalunga, i liwe nokupandula kovaitaveli nokwaava va shiiva oshili.

1 TIMOTEUS 6:17

Oipuna yomounyuni ou va kumaida, vehe linenepeke, navali vaha tule elineekelo lavo moupuna kau fi okulineekelwa, ndelenee nave lineekele Kalunga omunamwenyo, ou he tu pe pauyadi aishe yoku tu hafifa,