GENESIS 1:25 - Ombibeli Iyapuki

²⁵ Ndele Kalunga okwa ninga oifitukuti aishe yedu pamaludi ayo, noimuna pamaludi ayo, noinamwenyo aishe ei tai linyenge kombada yedu pamaludi ayo. Opo nee Kalunga okwe shi tala, sha wapala.

GENESIS 1:25 ပူးပေါင်းရင်းမြစ်များ

GENESIS 7:21

Ndele ombelela aishe ya li kombada yedu oya fya: eedila noimuna noifitukuti noipuka ei hai nyangadala kombada yedu, novanhu aveshe.

GENESIS 7:22

Keshe eshi sha li shi na omufudo womwenyo momayulu, aishe ei ya kala koukukutu, oya fila mo.

JOB 12:7

“Ndelenee pula koinamwenyo, yo otai ku longo, nokeedila dokeulu, do otadi ku shiivifile;

JOB 26:13

Molwomufudo waye eulu tali yela. Eke laye la tyuula eyoka li nonhapo.

JOB 41:12

“Ame inandi hala okumwenenena oinhimbu yayo ile eenghono dayo ile okushitwa kwayo kwa wapala.

JEREMIA 27:5

“Neenghono dange dinene nokwooko kwange kwa yeluka, Ame onda shita edu novanhu noifitukuti i li kombada yedu, nohandi li pe keshe tuu nda hala oku li mu pa.

1 TIMOTEUS 4:5

Osheshi otashi yapulwa keendjovo daKalunga neilikano.