GENESIS 1:21 - Ombibeli Iyapuki

²¹ Ndele Kalunga okwa shita oinamwenyo inene yomefuta noinamwenyo aishe ei tai linyenganyenga nokunyangadala momeva pamaludi ayo. Nokwa shita eedila adishe di nomavava pamaludi ado. Opo nee Kalunga okwe shi tala, sha wapala.

GENESIS 1:21 ပူးပေါင်းရင်းမြစ်များ

GENESIS 1:18

nokupangela omutenya noufiku nokutongola ouyelele momulaulu. Opo Kalunga e shi tala, sha wapala.

GENESIS 1:20

Ndele Kalunga okwa ti: “Momeva namu yade oinamwenyo yomomeva, needila nadi tuke kombada yedu mevalelwa leulu.”

GENESIS 1:22

Ndele Kalunga okwe i nangeka noupuna ndele ta ti: “Dalafaneni nye mu hapupale ndele yadifeni efuta, needila dokombada yedu nadi hapupale.”

GENESIS 1:25

Ndele Kalunga okwa ninga oifitukuti aishe yedu pamaludi ayo, noimuna pamaludi ayo, noinamwenyo aishe ei tai linyenge kombada yedu pamaludi ayo. Opo nee Kalunga okwe shi tala, sha wapala.

GENESIS 1:31

Opo nee Kalunga okwa tala aishe ei a ninga, ndele yo oya li ya wapala unene. Ndele opa ningwa onguloshi nongula, efiku etihamano.

GENESIS 2:19

Ndele Omwene Kalunga okwa ma nedu oinamwenyo aishe yomoixwa needila adishe dokeulu, ndele Ye okwe i eta komunhu a tale nhumbi te i luku. Ndele naanaa ngaashi omunhu a luka oinamwenyo aishe, osho omadina ayo e na okukala.

GENESIS 6:20

“Meedila komaludi ado nomoimuna komaludi ayo, moialangati aishe yokombada yedu komaludi ayo, ooivali koludi keshe, oi na okuuya kwoove opo i kale i na omwenyo.

GENESIS 7:14

Vo noifitukuti aishe pamaludi ayo noimuna aishe pamaludi ayo noialangati aishe tai linyenge kombada yedu pamaludi ayo needila adishe pamaludi ado, heeno, eedila adishe di lili nadi lili keshe eshi tashi tuka,

GENESIS 8:17

Oinamwenyo aishe ei i li pwoove, yombelela keshe, nai dje mo pamwe naave. Eedila noimuna noinamwenyo aishe ei hai linyenge kombada yedu, i shiive okumyakatala kombada yedu, nai kale i na oludalo noi hapupale kombada yedu.”

GENESIS 8:19

Oinamwenyo aishe, aishe tai alangata, needila adishe, aishe ei tai linyenge kombada yedu, pamaludi ayo, oya pita mo mongulu yomomeva.

GENESIS 9:2

Noinamwenyo aishe yedu needila adishe dokeulu nadi mu tile nokuhaluka. Aishe ei tai linyenge kombada yedu noikwameva aishe yomefuta oya yandjwa momake eni.

GENESIS 9:7

Ndelenee nye dalafaneni mu hapupale. Tandaveleni kombada yedu nye mu hapupale mulo.”

JOB 12:7

“Ndelenee pula koinamwenyo, yo otai ku longo, nokeedila dokeulu, do otadi ku shiivifile;

JOB 26:5

“Oilulu yokoshi tai kakama koshi yomeva noyoonakukalamo muo.

JOB 7:12

Aame efuta mbela ile oshinamwenyo shomefuta eshi wa tula ovanangeli va nangele nge?

OMAPSALOME 148:7

Ovakwambadayedu, tangeni Omwene, onye oikwameva, noule aushe womafuta,

EXODUS 1:7

Ndelenee Ovaisraeli va li ve noludalo ndele va ninga vahapu, ndele va hapupala ndele va ninga vahapu neenghono nova yadifa oshilongo.

EXODUS 8:3

Nil otau ka myakatala omafuma. Ndele oo taa ka djuuka mo nokuya meumbo loye nomonduda yoye yokunangala nomombete yoye; nomomaumbo ovapiya voye yo nomokati kovanhu voye oo tae uya, nomoikololo yomafiya nomoiyaxa yokulungila olumbololo lomungome,

HESEKIEL 32:2

“Kaana komunhu, imbila Farao, ohamba yaEgipiti, eimbilokemo u tye kuye: Oove onghoshi onyasha mokati koiwana, wa kana! Ndele ove wa li ngaashi ongadu momeva manene, ove wa tukulukifa omeva nomilonga doye, ndele wa lyataulifa omeva omakasha oye, nomeva ao wa dundakanifa.

JONA 1:17

Ndele Omwene okwa tuma oshi inene i pone Jona. Ndele Jona okwa li medimo loshi omafiku atatu nomaufiku atatu.

JONA 2:10

Opo Omwene okwa lombwela oshi oyo, i kungile Jona koukukutu.

MATEUS 12:40

Osheshi ngaashi Jona a kalele medimo loshikwameva omitenya nhatu nomaufiku atatu, hano osho yo Omona wOmunhu ota ka kala koshi yedu omitenya nhatu nomaufiku atatu.