GENESIS 1:20 - Ombibeli Iyapuki

²⁰ Ndele Kalunga okwa ti: “Momeva namu yade oinamwenyo yomomeva, needila nadi tuke kombada yedu mevalelwa leulu.”

GENESIS 1:20 ပူးပေါင်းရင်းမြစ်များ

GENESIS 1:14

Ndele Kalunga okwa ti: “Mevalelwa leulu namu uye omaminikilo okutongola omutenya noufiku; ndele naa ninge omadidiliko omafimbo, omafiku nomido.

GENESIS 1:19

Ndele opa ningwa onguloshi nongula, efiku etine.

GENESIS 1:21

Ndele Kalunga okwa shita oinamwenyo inene yomefuta noinamwenyo aishe ei tai linyenganyenga nokunyangadala momeva pamaludi ayo. Nokwa shita eedila adishe di nomavava pamaludi ado. Opo nee Kalunga okwe shi tala, sha wapala.

GENESIS 1:22

Ndele Kalunga okwe i nangeka noupuna ndele ta ti: “Dalafaneni nye mu hapupale ndele yadifeni efuta, needila dokombada yedu nadi hapupale.”

GENESIS 1:30

Ndelenee koinamwenyo aishe yedu nokeedila adishe dokeulu nokoinamwenyo aishe tai linyenge kombada yedu, ei i na omufudo womwenyo, ohandi yandje oimeno aishe italala, i ninge eendja.” Ndele osho sha ningwa.

GENESIS 1:7

Ndele Kalunga okwa ninga evalelwa nokwa tongola omeva aa a kala koshi yevalelwa naa a kala kombada yevalelwa. Ndele osho sha ningwa.

GENESIS 2:19

Ndele Omwene Kalunga okwa ma nedu oinamwenyo aishe yomoixwa needila adishe dokeulu, ndele Ye okwe i eta komunhu a tale nhumbi te i luku. Ndele naanaa ngaashi omunhu a luka oinamwenyo aishe, osho omadina ayo e na okukala.

GENESIS 7:21

Ndele ombelela aishe ya li kombada yedu oya fya: eedila noimuna noifitukuti noipuka ei hai nyangadala kombada yedu, novanhu aveshe.

GENESIS 8:17

Oinamwenyo aishe ei i li pwoove, yombelela keshe, nai dje mo pamwe naave. Eedila noimuna noinamwenyo aishe ei hai linyenge kombada yedu, i shiive okumyakatala kombada yedu, nai kale i na oludalo noi hapupale kombada yedu.”

1 EEHAMBA 4:33

Nokwa tonga yo omiti okudja komuti wasederi wokuLibanon fiyo okuisopi, tai mene mekuma. Nokwa tonga yo oinamwenyo needila noyaalangati noikwameva.

JOB 12:9

Oshilipipo shomuyo aishe itashi shiiva ngeno nokutya, eke lOmwene le shi ninga,

OMAPSALOME 148:10

oinamwenyo nye, yoifitukuti noimuna noinakulikoka, needila nye hamu tuka,

OMUUDIFI 2:21

Osheshi osho shi li: omunhu ou e liningila oupyakadi nokulonga nounongo nomayele nouladi, e noku shi yandja komunhu, ou ine lipyakidila nasho. Nasho yo oshongahoelela noshiponga shinene.

LEVITIKUS 11:42

Oyaalangati aishe naaishe hai ende nomaulu ane, nosho aishe i nomaulu mahapu nokutya, oupuka ovo have linyenge kombada yedu, nye inamu va lya, vo oshidila.

LEVITIKUS 11:43

Inamu litondifa nye vene mokukuma oupuka tave linyenge, nye inamu linyateka kuvo, muha kale mwa nyata.

OILONGA YOVAYAPOSTOLI 17:25

Ngaashi iha yakulwa komake ovanhu, ongao ou a pumbwa sha ngeno, oye ha yandjele ovanhu aveshe omwenyo nomufudo noinima aishe.