GENESIS 1:14 - Ombibeli Iyapuki

¹⁴ Ndele Kalunga okwa ti: “Mevalelwa leulu namu uye omaminikilo okutongola omutenya noufiku; ndele naa ninge omadidiliko omafimbo, omafiku nomido.

GENESIS 1:14 ပူးပေါင်းရင်းမြစ်များ

GENESIS 1:13

Ndele pa ningwa onguloshi nongula, efiku etitatu.

GENESIS 1:15

Oo naa kale ouyelele mevalelwa leulu okuminikila edu.” Ndele osho sha ningwa.

GENESIS 8:22

Fimbo edu li li po, efimbo lokukuna nefimbo lokuteya, outalala noupyu, okulombo nokufu, omutenya noufiku itai ka xula po.”

GENESIS 9:13

Outa wange ohandi u tula moilemo, u ninge edidiliko lehangano pokati ketu nedu.

JOB 25:3

Olyelye ta dulu okuvala omatanga aye ovakwaita? Nolyelye ou, ouyelele waye itau mu yelele?

JOB 25:5

Taleni, ohani yoovene itai yela nokuyelelela. Neenyofi inadi yela momesho aye.

JOB 3:9

Eenyofi dongula dalo nadi laulikwe, lo li teelele ouyelele itau uya. Lo liha mone eefeleisho deluwa,

OMAPSALOME 119:91

Ngaashi we shi pangela momhangela yoye, osho shi li po natango, osheshi oinima aishe otai ku longele.

OMAPSALOME 148:3

Etango nohani nye, mu tangeni, oyonyofi nye amushe ava hamu vilima, mu tangeni!

OMAPSALOME 148:6

ndele Ye okwe i tula po, i kalelele po fiyo alushe, ndele te i pe oshipango ihashi taulukwa.

OMAPSALOME 150:1

Halleluya! Tangeni Omwene mouyapuki waye, mu tangeni mevalelwaulu leenghono daye!

OMAPSALOME 81:3

Kokamwedjona, shikeni omanghuma, nomohani i li momutootoo okefiku loshivilo shetu.

JESAJA 40:26

Yeluleni omesho eni pombada, nye mu tale: Olyelye a shita oinima ei? Oye tuu ou ta pitifa mo eengudu dayo da wana komuvalu wado. Oye te i ifana aishe komadina ayo; eenghono daye odinene, nokudula kwaye okuhapu, kape na nande shimwe, tashi mu koyelele po.

JEREMIA 10:2

Omwene ota ti ngaha: “Inamu liikifa eenghedi dovapaani, nye inamu tila omadidiliko okeulu, osheshi ovapaani have a tila.

JEREMIA 31:35

Omwene osho ta ti, Oye tuu ou a tula po etango li minikile omutenya, nokwa tula po ohani neenyofi pamhangela yado okuminikila oufiku, Oye ou ta tukulukifa efuta nomakufikufi alo otaa ndunduma, Omwene womatanga ovakwaita olo edina laye.

JEREMIA 33:20

Omwene ta ti ngaha: Ngeenge tamu dulu okuteya po ehangano lange nomutenya nehangano lange noufiku, paha kale vali ngeno omutenya noufiku pomafimbo avo,

JEREMIA 33:25

Omwene ota ti ngaha: Oshili, ehangano lange pamwe nomutenya noufiku, nomaufomhango eulu nedu, ngeno inandi a pameka,

HESEKIEL 46:1

Omwene Kalunga ota ti ngaha: “Oshivelo sholuumbo lomeni, eshi tashi taalele oushilo, shi nokukala sha patwa momafiku aeshe ahamano oilonga. Ndelenee mefiku lEshabata shi nokupatululwa, nosho yo shi nokupatululwa mefiku lohani ipe.

HESEKIEL 46:6

“Ndelenee mefiku lohani ipe: onhana yondume kai noshipo noudjona vahamano noshikombo oshindume, aishe ihe noshipo.

JOEL 2:10

Moipafi yavo edu otali kakama neulu otali linyengaanyenga. Etango nohani otai ka laula neenyofi itadi yela vali.

JOEL 3:15

Etango nohani otai ka laula neenyofi itadi ka yela vali.

AMOS 5:8

Oye ou a shita eenyofi, Omunghalavili nOshofi, ndele ta lundulula omulaulu neluwa, ndele ta laulike omutenya oufiku, ou ta ifana omeva efuta, ndele te a lokifile kombada yedu,

AMOS 8:9

“Ndele mefiku tuu olo, Omwene Kalunga ota ti, etango handi ke li ninginifa moshanga shomutenya, ndele ouyele handi u lundululile edu omulaulu fimbo ku nomutenya.

MATEUS 2:2

ndele tava ti: “Ohamba yOvajuda, ya dalwa paife, oi li peni? Osheshi onyofi yayo otwe i mona koushilo, notwe uya okulinyongamena kuyo.”

MATEUS 24:29

“Ndele oudjuu womafiku oo otau shikulwa diva kelauliko letango, nohani itai yela vali, neenyofi otadi u meulu, neenghono domeulu otadi kakamifwa.

MARKUS 13:24

“Ndele momafiku enya oudjuu winya ngeenge wa xula po, etango tali laula nohani itai eta ouyelele wayo,

LUKAS 23:45

osheshi etango ola laula, netukulifo lotembeli ola tauka pokati.

DEUTERONOMION 4:19

Ove uha yelule omesho oye keulu, ove ngeenge to mono etango nohani neenyofi, eengudu adishe dokeulu, uha pukifwe u linyongamene kudo noku di longela, oinima Omwene Kalunga koye okwe i tukulila oiwana aishe koshi yeulu alishe.

EHOLOLO 6:12

Ndele ame onda mona Odjona eshi ya matula oshipatifo oshitihamano, tala, ndele ekakamo ledu lidjuu unene la ningwa, netango ola laula la fa oshikutu sheefya, nohani oya tilyana ya fa ohonde,

EHOLOLO 8:12

Ndele omweengeli omutine okwa shika enghuma, opo nee oshititatu shetango noshititatu shohani noshititatu sheenyofi osha dengwa, oshititatu shado opo sha laulikwa, noshititatu shomutenya inashi yela vali, noufiku osho yo.

EHOLOLO 9:2

Ndele yo ya yeulula ombwili yomokule mwi ihe nexulilo, ndele mwa dja okalungululu, ka fa okalungululu komediko lakula, ndele etango nevalelwa ola laulikwa kokalungululu komombwili.