GENESIS 1:11 - Ombibeli Iyapuki

¹¹ Ndele Kalunga okwa ti: “Edu nali twimike omwiidi, oimeno tai eta eembuto nomiti edi tadi imi oiimati pamaludi ado, nombuto yado kombada yedu.” Ndele osho sha ningwa.

GENESIS 1:11 ပူးပေါင်းရင်းမြစ်များ

GENESIS 1:12

Edu ola twimika omwiidi, noimeno ya eta eembuto pamaludi ayo nomiti da ima oiimati mu na ombuto yado pamaludi ado. Opo Kalunga okwe shi tala, sha wapala.

GENESIS 1:29

Kalunga okwa tonga vali ta ti: “Paife ohandi mu pe oimeno aishe tai eta eembuto ei i li kombada yedu alishe, nomiti adishe di noiimati i na eembuto. Oyo tai ka kala eendja deni.

GENESIS 2:16

Ndele Omwene Kalunga okwa lombwela omunhu ndele ta ti: “Lya komiti adishe domoshikunino ngaashi wa hala,

GENESIS 2:5

inapa kala nande oshixwa moixwa kombada yedu noshimeno shomoixwa nande oshimwe sha eta ohengo. Osheshi Omwene Kalunga ina lokifa natango odula kombada yedu, ndele inapa kala nande omunhu wokulonga edu;

GENESIS 2:9

Ndele Omwene Kalunga okwa menifa medu omiti di lili noku lili da wapala okutala nodinyenye okuliwa, ndele mokati koshikunino Ye okwa menifa mo omuti womwenyo, nomuti wokushiiva ouwa nowii.

JOB 28:5

Omungome tau di medu, ndelenee meni mwi koshi yedu omo mwa dongakana ngaashi omundilo.

OMAPSALOME 1:3

Ndele ye ota ka kala ngaashi omuti, ou wa twikwa pomatondokelo omeva ndele tau imifa oiimati yao pefimbo lao, nomafo ao ihaa lembe. Naashishe eshi ta ningi, osha fewa.

OMAPSALOME 147:8

Oye tuu ou, ta eta keulu oilemo, ndele ta lokifile edu, ota twiyukifa omwiidi keemhunda,

JESAJA 61:11

Osheshi ngaashi edu tali menifa oimeno yalo nongaashi oshikunino tashi menifa eembuto dasho, osho yo Omwene, Omwene ta menifa ouyuki nehambelelo moipafi yovanhu aveshe.

JEREMIA 17:8

Osheshi ota ka kala ngaashi omuti wa twikwa pomeva, nomidi dao otau di twala komatondokelo omeva; ou itau tila, nande nau hangike koluteni, nomafo ao otaa kala a hapa, kau noshisho shomudo woluteni nongaashi ihau kuka.

MATEUS 3:10

Ndelenee ekuva ola tulwa nokuli kefina lomiti; hano keshe tuu omuti ihau ima oiimati iwa, otau kewa po, ndele tau ekelwa momundilo.

MATEUS 6:30

Hano Kalunga ngeenge ta djaleke ngaha eidi lomoixwa, eli tali kala po ashike nena, mongula otali ekelwa mediko, ite shi mu ningile mbela unene ngeno, onye ava veitavelo linini?

MARKUS 4:28

Osheshi edu olo vene tali eta oilya, tete omino, ndele tadi shikulwa komutwe neemuma da kola komutwe.

1 OVAKORINTO 15:38

Ndele Kalunga te shi pe omuno ngaashi Ye a hala, ndele keshe ombuto otai pewa olutu layo vene.

OVAHEBERI 6:7

Osheshi edu eli tali nu odula tai li loko luhapu, ndele tali dalele ovo ve li longelwa yo, otali mono enangeko noupuna kuKalunga;

JAKOB 3:12

Ovamwatate, ndishi omukwiyu itau dulu okwiima eemono, ile omuviinyu ngeno eenghwiyu? Osho yo omufima ulula itau dulu okudidila omeva manyenye.