GENESIS 1:1 - Ombibeli Iyapuki

¹ Pehovelo Kalunga okwa shita eulu nedu.

GENESIS 1:1 ပူးပေါင်းရင်းမြစ်များ

2 EEHAMBA 19:15

Ndele Hiskia okwa indila koshipala shOmwene ndele ta ti: “Omwene, Kalunga kaIsrael, Ove ho kala omutumba kovakerubi, Oove auke Kalunga koilongo aishe yokombada yedu. Ove wa shita eulu nedu!

1 OMAFIMBO 16:26

Osheshi oikalunga aishe yoiwana oyo oikalunga. Ndelenee Omwene okwa shita omaulu.

2 OMAFIMBO 2:11

Ndele Hiram, ohamba yaTirus, okwa tonga monhumwafo oyo e i tumina Salomo: “Omwene eshi e hole oshiwana shaye, Ye e ku ninga ohamba yasho.”

NEHEMIA 9:6

Esra okwa ti: “Oove auke Omwene, Ove wa ninga eulu, eulu lopombadelela neengudi dalo adishe, nedu naaishe i li ko, nefuta naaishe i li mo, naaishe oyo Ove to i diinine i kale nomwenyo, nomatanga omeulu tae linyongamene koshipala shoye.

JOB 26:13

Molwomufudo waye eulu tali yela. Eke laye la tyuula eyoka li nonhapo.

JOB 38:4

Ove wa li peni, eshi nda shita edu? Lombwele nge, ngeenge u neshiivo.

JOB 9:8

Ye aeke ta yale omaulu ndele ta lyataula omakufikufi efuta.

OMAPSALOME 102:25

Nalenale Oove wa shita edu, nomaulu oo oshilongwa shomake oye.

OMAPSALOME 104:24

Omwene, oilonga yoye oi fike peni! Aishe owe i shita nounongo, edu oli yadi oishitwa yoye.

OMAPSALOME 104:30

Ngeenge to pitifa mo omufudo wOmhepo yoye, opo yo otai shitwa ipe, noshitwe yedu oto i shitulula ipe.

OMAPSALOME 115:15

Nye ovanangekwa noupuna kOmwene, ou a shita eulu nedu.

OMAPSALOME 121:2

Ekwafo lange otali di kOmwene, ou omushiti weulu nedu.

OMAPSALOME 124:8

Ekwafo letu oli li medina lOmwene, ou omushiti weulu nedu.

OMAPSALOME 134:3

Omwene omushiti weulu nedu ne mu nangeke noupuna muSion.

OMAPSALOME 136:5

Oye tuu ou, a shita omaulu nounongo waye, osheshi alushe ouwanghenda waye tau kala po.

OMAPSALOME 146:6

ou omushiti weulu nedu, nomeva efuta naashishe eshi shi li mo, ou omudiinini fiyo alushe,

OMAPSALOME 33:6

Eulu ola shitifwa ondjovo yOmwene, neengudi dalo adishe okomhepo yokanya kaye.

OMAPSALOME 33:9

Osheshi Ye okwa popya, ndele sha ningwa, okwa lombwela, ndele osha monika.

OMAPSALOME 8:3

Ngeenge handi tale keulu, koshilongwa shominwe doye, kohani nokeenyofi, edi wa shita,

OMAPSALOME 8:4

omunhu omushike, eshi ho mu dimbulukwa, nomona womunhu, eshi ho mu file oshisho?

OMAPSALOME 90:2

Manga ino shita eemhunda nomanga ino holola po ounyuni, Ove Kalunga kaalushe oko wa li, noto ka kala alushe fiyo alushe.

OMAPSALOME 96:5

osheshi ookalunga aveshe voiwana, ovo oikalunga, ndelenee Omwene Oye Omushiti womaulu.

EXODUS 20:11

Osheshi momafiku ahamano Omwene okwa shita eulu nedu, nefuta naaishe i li mo, ndele mefiku etiheyali Ye okwa tulumukwa. Onghee hano Omwene okwa nangeka noupuna efiku lEshabata nokwe li yapula.

EXODUS 31:18

Ndele Ye eshi a mana okupopya naMoses komhunda yaSinai, okwe mu pa oipelende ivali youndobwedi, oipelende yomamanya ya shangwa nomunwe waKalunga.

OMAYELETUMBULO 16:4

Oinima aishe Omwene e i lilongelela, nosho yo omuhenakalunga okwe mu shitila efiku lomupya.

OMAYELETUMBULO 3:19

Edu Omwene e li dika nounongo, nokwa pameka omaulu neendunge;

OMUUDIFI 12:1

Ndele dimbulukwa Omushiti woye momafiku ounyasha woye, fimbo omafiku mai inae uya, nomido tadi uya, odo ove to di popi, to ti: “Odo inadi wapalela nge.”

JESAJA 37:16

“Akutu Omwene womatanga ovakwaita, Kalunga kaIsrael! Ove wa kala omutumba kolukalwapangelo tali humbatwa kovakerubi, Oove auke Kalunga koilongo aishe yedu, Ove wa shita eulu nedu.

JESAJA 40:21

Kamu shi shii? Itamu udu ko? Inamu shi lombwelwa pehovelo? Inamu ninga eendunge dokushiiva, eshi tamu longwa komalikwatelelo edu?

JESAJA 40:26

Yeluleni omesho eni pombada, nye mu tale: Olyelye a shita oinima ei? Oye tuu ou ta pitifa mo eengudu dayo da wana komuvalu wado. Oye te i ifana aishe komadina ayo; eenghono daye odinene, nokudula kwaye okuhapu, kape na nande shimwe, tashi mu koyelele po.

JESAJA 40:28

Ove ku shi shii ile ino shi uda? Omwene Oye Kalunga kaalushe Omushiti wominghulo dedu? Ye iha loloka, ndele iha kenyanana, ounongo waye ohau nyenge okukonakonwa.

JESAJA 42:5

Omwene Kalunga, ou a shita omaulu noe a nyanununa, ou a ninga ongonga yedu naashi tashi mene mo, ou a yandja koshiwana shokombada yalo omufudo, naava hava ende kombada yalo okwe va pa omhepo, Ye osho ta ti:

JESAJA 44:24

Omwene Omukulili woye, ou e ku ma fimbo wa li medimo lanyoko, ota ti: “Aame Omwene ou handi wanifa aishe, onda valela eulu. Aame andike, nda yala edu, olyelye a kala pwaame?

JESAJA 45:18

Osheshi Omwene ou a shita omaulu osho ta ti: “Aame Omwene, nokape na vali umwe.” Oye Kalunga, ou a ma edu ndele te li wapaleke; okwe li pameka, Ye ine li shita li kale ombuwa, ndelenee okwe li ma li kalwe.

JESAJA 51:13

ndele ho dimbwa Omwene, omushiti woye, ou a nyanununa eulu nokwa dika edu, eshi efimbo keshe mefiku alishe owa kala to kakamene oupyuhandu womuhepeki, eshi a hala oku ku nyona po! Ndelenee oupyuhandu womuhepeki ou li peni hano?

JESAJA 51:16

Ndele Ame onda tula eendjovo dange mokanya koye nonde ku holeka momudidimbe weke lange, opo ndi dike eulu nondi kanghameke edu nondi lombwele Sion ndi tye: “Oove oshiwana shange.”

JESAJA 65:17

Osheshi tala, Ame ohandi shiti omaulu mape nedu lipe. Inya yonale itai dimbulukiwa vali, nongaashi kape na ou te i diladila momutima waye.

JEREMIA 10:12

Oye tuu ou a shita edu neenghono daye mwene, nounyuni e u pameka nounongo waye. Neulu okwe li valela komayele aye.

JEREMIA 32:17

Akutu Omwene, Kalunga! Tala, Ove owa shita eulu nedu neenghono doye dihapu nokwooko kwoye kwa yeluka. Ove iho nyengwa nande kusha.

JEREMIA 51:15

Oye ou a shita edu neenghono daye nokwa pameka ounyuni nounongo waye, eulu e li valela nomayele aye.

SAKARIA 12:1

Exunganeko, ondjovo yOmwene tai popi Israel. Omwene ou a yala eulu, okwa dika edu ndele a shita omhepo yomunhu meni laye, ota ti:

MATEUS 11:25

Opomafiku enya Jesus okwa popya ndele ta ti: “Ohandi ku hambelele, Tate, Omwene weulu nowedu, osheshi oinima ei Ove we i holeka ovanongo novanaendunge, ndele we i hololela eehanana.

MARKUS 13:19

Osheshi omafiku oo otaku kala oudjuu unene, wa li uhe ko okehovelo loishitwa, Kalunga e i shita nongaashi itau ke uya vali.

OILONGA YOVAYAPOSTOLI 14:15

tava ti: “Ovalumenhu nye, oshike tamu ningile ngaha? Nafye yo ovanhu ngaashi nye, ndele hatu mu udifile evaengeli, opo mu lidilulule, nye mu efe oikalunga ei yongaho, nye mu alukile kuKalunga omunamwenyo ou a shita eulu nedu, nefuta nakeshe eshi shi li mo.

OILONGA YOVAYAPOSTOLI 17:24

Kalunga tuu ou a shita ounyuni noinima aishe i li mo, Oye Omwene weulu nowedu, Ye iha kala meetembeli da tungwa nomake.

OILONGA YOVAYAPOSTOLI 4:24

Ndele moku shi uda vo aveshe ova twala ondaka yavo pombada kuKalunga ngaashi omunhu umwe, tava ti: “Omwene, Oove wa shita eulu nedu nefuta nakeshe eshi shi li mo.

OVAROMA 11:36

Osheshi aishe oyomuye nomolwaye ndele tai shuna kuye. Oye na fimanekwe alushelushe. Amen.

1 OVAKORINTO 8:6

ndele fye otu na Kalunga umwe, oTate, omwaau mwa dja aishe, nefikilo letu omuye, nOmwene umwe, Jesus Kristus, omolwaau aishe i li po, nafye yo omolwaye.

OVAEFESO 3:9

nokuhololela aveshe epangelo loshiholekwa eshi sha li sha holekwa muKalunga, Omushiti waaishe, okudja momafimbo ounyuni onale,

OVAHEBERI 1:10

Ndele vali: “Ove, Omwene, nalenale wa shita edu nomaulu oo oilonga yomake oye,

OVAHEBERI 1:2

paife momafiku tuu aa opexulilo okwe tu popifa mOmona ou e mu tula omufyuululi waaishe, Oye tuu ou e mu shitifa yo omaunyuni, noinima aishe pexulilo otai ka ninga yaye.

OVAHEBERI 11:3

Meitavelo otu udite ko nokutya, ounyuni owa tungifwa ondjovo yaKalunga, noinima ei i wetike inai dja moinima ihe wetike.

OVAHEBERI 3:4

Osheshi keshe tuu eumbo oli nomutungi walo, ndelenee omutungi waaishe oKalunga.

2 PETRUS 3:5

Osheshi otave lipwililike owina va fa inava shiiva nokutya, eulu nedu ola dja momeva nola tungwa nomeva, kwa li a kala nonalenale taa kwatelelwa keenghono dondjovo yaKalunga,

1 JOHANNES 1:1

Ei ya kala po okudja kehovelo, otwe i uda ndele twe i mwene nomesho etu vene, ndele twe i tala, nomake etu e i kuma, oyo tuu oyo hatu i udifa nokutya, ondjovo yomwenyo,

EHOLOLO 10:6

nokwa ana kwaau ta kala e nomwenyo alushe fiyo alushe, ou a shita eulu nedu nakeshe eshi sha kala mo, nefuta naashi shi li mo, nokutya: “Itapa ka kala vali efimbo nande;

EHOLOLO 14:7

Nokwa popya nondaka yomokule: “Tileni Kalunga, nye mu mu fimaneke, osheshi efimbo letokolo laye ole uya; linyongameneni ou a shita eulu nedu nefuta needjo domeva.”

EHOLOLO 21:6

Ye okwa tya kwaame: “Sha wanifwa. Aame Alfa naOmega, ehovelo nexulilo, ou ta fi enota, ohandi mu pe a nwe oshali mofifiya yomeva omwenyo.

EHOLOLO 22:13

Aame Alfa naOmega, ou wotete nowaxuuninwa, ehovelo nexulilo.”

EHOLOLO 3:14

“Nomweengeli weongalo lokuLaodikea mu shangela: ‘Ou Amen, omuhepaululi omudiinini nomunashili, efina leshito laKalunga, Oye ota ti ngaha:

EHOLOLO 4:11

“Omwene wetu naKalunga ketu, Ove owa wana okutambula efimano nefimaneko nepangelo, osheshi Ove owa shita oinima aishe, ndele kehalo loye oi li po, noya shitwa.”