EXODUS 7:9 - Ombibeli Iyapuki

⁹ “Farao ngeenge ta popi nanye ndele ta ti: ‘Ulikileni oshikumwifalonga,’ opo nee ove u nokulombwela Aron: ‘Kufa onhaili yoye, u i ekele poshi moipafi yaFarao, opo yo otai ka ninga eyoka.’ ”

EXODUS 7:9 ပူးပေါင်းရင်းမြစ်များ

EXODUS 10:13

NaMoses okwa yelula onhaili yaye kombada yedu laEgipiti, nOmwene okwa pepifa omhepo yokoushilo moshilongo omutenya aushe noufiku aushe. Ongula eshi kwa sha omhepo yokoushilo ya eta oshipaxu.

EXODUS 4:17

Kufa hano onhaili ei meke loye, nayo u nokuninga omadidiliko.”

EXODUS 4:2

Opo nee Omwene ta pula Moses ta ti: “Oshike shi li meke loye?” Ndele ye okwa nyamukula: “Onhaili.”

EXODUS 4:20

Moses okwa kufa omwalikadi waye novana vaye ovamati nokwe va londeka kondongi, ndele a shuna kedu laEgipiti. Onhaili yaKalunga Moses e i kwete meke laye.

EXODUS 4:3

Ndele Ye ta ti: “I ekela poshi.” Opo ye e i ekela poshi, ndele yo oya ninga eyoka, naMoses okwe li ya onhapo.

EXODUS 7:8

Ndele Omwene okwa popifa Moses naAron neendjovo edi:

EXODUS 9:23

Ndele Moses okwa yelula onhaili yaye keulu, nOmwene okwa eta po endundumo neemhawe nokwa tuma omundilo kombada yedu. NOmwene okwa lokifila edu laEgipiti eemhawe.

JESAJA 7:11

“Indila kOmwene Kalunga koye edidiliko; otashi dulika li dje moukandoli, moshovafi, ile moulifele meulu.”

HESEKIEL 29:3

Popya u tye: Omwene Kalunga ta ti ngaha: ‘Tala, Farao, ohamba yaEgipiti, tala, Ame ohandi ku vele eembedi, oove ongadu inene to nangala momilonga doye, ove to ti: “Nil, omulonga wange, ame nde u li ningila.”

MATEUS 12:39

Ndelenee Ye okwe va nyamukula ta ti: “Epupi eli lii lovanyoni vohombo la hala edidiliko, ndele itali pewa edidiliko limwe, olo tuu alike lomuxunganeki Jona.

JOHANNES 10:38

Ndelenee, ngeenge handi i longo, nande itamu itavele nge, itaveleni oilonga ei, opo mu shiive ndele mu ude ko nokutya, Tate oku li mwaame naame ondi li muTate.”

JOHANNES 2:18

Opo nee Ovajuda ve mu nyamukula ndele tava ti: “Oto tu ulikile edidiliko lashike, eshi to longo ngaha?”

JOHANNES 6:30

Ndelenee vo ova tya kuye: “Edidiliko lilipipo to li ningi hano, tu li mone, fye tu ku itavele? Oto longo shike?