EXODUS 7:4 - Ombibeli Iyapuki

⁴ Ndelenee Farao ite ke mu pwilikina; ndele Ame ohandi ka tula eke lange kombada yaEgipiti oku shi lwifa nohandi ka pitifa mo medu laEgipiti omatanga ange, oshiwana shange Ovaisraeli momahandukilo nomomatokolo,

EXODUS 7:4 ပူးပေါင်းရင်းမြစ်များ

EXODUS 10:1

Omwene okwa lombwela vali Moses ndele ta ti: “Inda kuFarao, osheshi Ame nda kukutika omutima waye nomitima dovapiya vaye, opo ndi shiive okuwanifa omadidiliko ange mokati kavo,

EXODUS 11:9

NOmwene okwa lombwela Moses ndele ta ti: “Farao ite ke mu pwilikina, opo oikumwifalonga yange i ninge ihapu medu laEgipiti.”

EXODUS 12:51

Ndele mefiku tuu olo Omwene okwa pitifa mo medu laEgipiti Ovaisraeli pamatanga avo.

EXODUS 13:3

Moses okwa lombwela vali ovanhu ta ti: “Dimbulukweni efiku eli mulo mwa dja mo muEgipiti, meumbo loupika. Osheshi Omwene okwe mu pitifa mo neke li neenghono. Onghee hano inamu lya omungome u nonhafi.

EXODUS 13:9

Naashi nashi kale edidiliko lomeke loye nedimbulukifodidiliko kombada yoshipala shoye, opo omhango yOmwene i kale mokanya koye. Osheshi neke li neenghono Omwene e ku pitifa muEgipiti.

EXODUS 18:8

Opo nee Moses okwa hepaululila xemweno ashishe eshi Kalunga a ningila Farao nOvaegipiti omolwaIsrael nomaudjuu aeshe ve a mona mondjila nonhumbi Omwene e va xupifa.

EXODUS 3:19

Ndelenee Ame ondi shi shii nokutya, ohamba yaEgipiti itai mu lekele nande tai fininikwa keke li neenghono.

EXODUS 3:20

Ndele Ame ohandi ka nanena kombada yaEgipiti eke lange nohandi ke va monifila oikumwifa nomadidiliko aa handi ka ningila ko, opo nee ye ote mu lekele mu dje mo.

EXODUS 6:1

Opo nee Omwene okwa nyamukula Moses ndele ta ti: “Paife ove oto ka mona eshi handi ka ningila Farao. Osheshi molweke li neenghono ote mu lekele mu dje mo, heeno, okefininiko leke li neenghono ye ote ke mu taataa mo moshilongo.”

EXODUS 6:26

Hano Moses naAron ova lombwelwa kOmwene: “Pitifeni mo Ovaisraeli medu lOvaegipiti pamatanga avo.”

EXODUS 6:6

Onghee hano lombwela Ovaisraeli u tye: ‘Aame Omwene, ndele Ame ohandi ke mu kufa mo moshilonga shidjuu shOvaegipiti noku mu xupifa moupika wavo mudjuu ndele handi mu xupifa neke la yeluka nomatokolo manene,

EXODUS 7:13

Ndelenee omutima waFarao wa kukuta, onghee hano ine va pwilikina, ngaashi Omwene a tongele.

EXODUS 7:16

u mu lombwele: ‘Omwene Kalunga kOvaheberi okwa tuma nge kwoove nondaka ei: “Lekela ovanhu vange, vo va shiive okulongela nge mombuwa.” Ndelenee, tala, fiyo opaife ove ino di pwilikina.

EXODUS 8:15

Farao eshi a mona ehepuluko le uya, ye okwa kukutika omutima waye ndele ine va pwilikina, ngaashi Omwene a popya.

EXODUS 8:19

Opo nee eemhule da lombwela Farao: “Eshi omunwe waKalunga!” Ndelenee omutima waFarao wa li wa kukuta opo ye ine va pwilikina ngaashi Omwene a tile.

EXODUS 9:12

Ndelenee Omwene okwa kukutika omutima waFarao, ehe va pwilikine, ngaashi Omwene a lombwela Moses.

EXODUS 9:3

tala, eke lOmwene tali ka hanga oimuna yoye ei i li moixwa, neenghambe neendongi neengamelo neengobe needi; tadi kwatwa koudu mudjuu.

OMAYELETUMBULO 19:29

Omatokolohandukilo a longekidilwa ovasheki nosho yo omadengo ombuda yovasheki.

JESAJA 26:9

Omwenyo wange ohau ku djuulukwa oufiku, heeno, nomhepo yange meni lange otai ku kongo, osheshi omatokolo oye, ngeenge taa hange edu, ovakwaunyuni otave lilongo ouyuki.

OMAIMBILOKEMO 3:3

Heeno, efimbo alishe ta pilulile nge eke laye, heeno, efiku alishe.

HESEKIEL 14:21

Osheshi Omwene Kalunga ta ti ngaha: “Ongahelipi hano, Ame ngeenge handi tumine Jerusalem omatokolo ange ane, nokutya: Eongamukonda nondjala noilyani noudu u nolutapo, ndi mane mo musho ovanhu noimuna!

HESEKIEL 25:11

NomuMoab ohandi ka wanifila mo omatokolo. Ndele vo otava ka shiiva nokutya, Aame Omwene.”

HESEKIEL 30:14

Ndele Ame ohandi ka tokeka Patros ndele handi ka ekela muSoan omundilo nomuThebes ohandi ka wanifila mo omatokolo.

HESEKIEL 30:19

Osho ngaha Ame ohandi ka wanifila muEgipiti omatokolo ange. Ndele vo otava ka shiiva nokutya, Aame Omwene.”

EHOLOLO 15:4

Olyelye ou ite ku tila, Omwene, ndele ita fimaneke edina loye? Osheshi Oove auke omuyapuki; osheshi oiwana aishe otai uya ndele tai ku linyongamene, osheshi omatokolo oye omayuki a holoka.”

EHOLOLO 16:7

Ndele onda uda oaltari tai ti: “Heeno, Omwene Kalunga Omunaenghono adishe, omatokolo oye oo oshili nokwa yuka.”

EHOLOLO 19:2

Osheshi omatokolo aye oo oshili nokwa yuka, osheshi Ye okwa tokola ombwada inene, ei ya nyonaunifa edu koluhaelo layo, okwe i handukilila ohonde yovapiya vayo noku i pula meke layo.”

OVATOKOLIPANGELI 2:15

Keshe apa va ya, eke lOmwene le va lwifa noku va etela owii, ngaashi Omwene e shi va tongelele nongaashi Omwene e shi va anenene.