ESTER 9:2 - Ombibeli Iyapuki

² Ovajuda va ongala moilando yavo yomoitukulwalongo aishe yohamba Ahasveros okukwata ovo va li ve va halela oshiponga. Ndele kaku na ou a dula okukala a pama koshipala shavo, osheshi ehaluko omolwavo la kwata ovanhu aveshe.

ESTER 9:2 ပူးပေါင်းရင်းမြစ်များ

GENESIS 35:5

Ndele vo eshi va fikama, Kalunga okwa tumina oilando ye va dingilila ehaluko, opo venya vaha shikule ovana vaJakob.

ESTER 8:11

nokutya ohamba otai shi itavelele Ovajuda moshilando keshe omo ve li va ongale kumwe va popile eemwenyo davo nokuhanauna po nokudipaa nokukomba po ovanhu aveshe vomoitukulwalongo, ovo ve noiti tave va fininike, nounona yo novalikadi nokukufa omamona avo ngaashi oixuulwa,

ESTER 8:17

nomoitukulwalongo aishe nomoilando aishe omo oshipango shohamba nomhango yayo ya fika, omwa li ehafo nelao mokati kOvajuda, noitelekela nefiku loshivilo. Ndele vahapu vomovanhu va ninga Ovajuda, osheshi ehaluko molwOvajuda ve uya kombada yavo.

ESTER 9:10

ovana omulongo ovalumenhu vaHaman yaHammedata, omutondadi wOvajuda, Ovajuda ve va dipaa, ndelenee inava kuma omamona.

OMAPSALOME 71:13

Ava, tave lidengifa nge, nava fifwe ohoni, nava kombwe po. Ava tava etele nge oixuna, nava dikwe elengwa nodino.

OMAPSALOME 71:24

Nelaka lange nali udife ouyuki woye efiku alishe; osheshi ava, va li va halela nge oudjuu, ova fifwa ohoni ndele va ninipikwa.

EXODUS 23:27

“Etilohaluko lange ohandi ke li mu tetekelifa ndele tali ka dundakanifa oshiwana keshe kusho to i. Ndele Ame ohandi ka ninga nokutya, ovatondadi voye aveshe otave ku i onhapo.

JESAJA 8:9

Oiwana nye, handukeni nokundumbakana, ndele nye otamu ka hanaunwa po. Pwilikineni, onye eenhele adishe dokokule dedu! Lilongekideni, ndele otamu ka hanaunwa po, lilongekideni, ndele otamu ka hanaunwa po.

DEUTERONOMION 2:30

Ndelenee Sihon, ohamba yaHesbon, okwa li ina hala fye tu tauluke moshilongo shaye. Osheshi Omwene Kalunga koye okwa kukutika omhepo yaye nokwa kukutika omutima waye, opo e mu yandje momake oye nongaashi a tonga yo.

JOSUA 11:20

Osheshi Omwene osho a tokola va kale ve likukutika nokulwifa Ovaisraeli, opo va hangike kehanauno, paha kale kuvo nande onghenda, ndelenee va manwe po ngaashi Omwene a lombwela Moses.

JOSUA 2:9

ndele ta ti kovalumenhu: “Ame ondi shi shii, Omwene okwa yandja kunye edu eli, ndele tu kwetiwe komahaluhalu omolweni, noonakukala moshilongo otave mu kakama;