ESTER 8:9 - Ombibeli Iyapuki

⁹ Opo nee mefimbo tuu olo ovashangi vohamba va ifanwa, mohani onhinhatu, nokutya mohani Sivan, mefiku etimilongo mbali netitatu lomuyo. Ndele va shanga ngaashi Mordekai e va lombwela kOvajuda nomalenga nokovapangeli voitukulwalongo yo i li po okudja kuIndia fiyo okuEtiopia, oitukulwalongo efele nomilongo mbali naiheyali, kukeshe oshitukulwalongo panghedi yasho okushanga nokukeshe oshiwana melaka lasho, nokOvajuda panghedi yavo okushanga nomelaka lavo.

ESTER 8:9 ပူးပေါင်းရင်းမြစ်များ

2 EEHAMBA 18:26

Opo nee Eliakim, omona waHilkia, Sebna naJoah, ova lombwela Rabsake, tava ti: “Popya novanhu voye Oshiaramea, osheshi otu shi udite. Ino tu popifa mOshiheberi momatwi ovakwaita ovo ve li kohotekuma.”

2 OMAFIMBO 15:10

Ndele ova ongala muJerusalem mohani onhinhatu momudo omutimulongo nanhano womepangelo laAsa,

ESTER 1:1

Pomafiku aAhasveros, nokutya Ahasveros ou a pangela okudja kuIndia fiyo okuEtiopia, oitukulwalongo efele nomilongo mbali naiheyali,

ESTER 1:22

Ndele yo ya tumina oitukulwalongo aishe yohamba eenhumwafo, koshitukulwalongo keshe pakushangwa kwasho, noshiwana keshe palaka lasho, nokutya omulumenhu keshe na kale omwene meumbo laye, ndele na itavelwe okupopya elaka loshiwana shavo.

ESTER 10:1

Konima yoinima oyo ohamba Ahasveros ya fendelifa edu nominghulo dopefuta.

DANIEL 4:1

Ohamba Nebukadnesar ta lombwele ovakwaunyuni aveshe noiwana aishe nomalaka aeshe, e li kombada yedu alishe: “Ombili yeni nai kale inene!

DANIEL 6:1

Ndele osha wapalela Darius okutumbila oshilongo shaye omalenga efele limwe nomilongo mbali, va kale moshilongo ashishe.

DANIEL 6:25

Opo ohamba Darius ya shangela ovanhu aveshe noiwana aishe nomalaka aeshe kombada yedu alishe, tai ti: “Ombili yeni nai kale inene!