ESTER 8:2 - Ombibeli Iyapuki

² Nohamba ya xukula mo okalinga kayo kokuhakifa aka ye ka kufa kuHaman, ndele ye ka pa Mordekai. Ndele Ester okwa tula po Mordekai a pangele eumbo laHaman.

ESTER 8:2 ပူးပေါင်းရင်းမြစ်များ

GENESIS 41:42

Opo nee Farao okwa kufa oshihakolinga meke laye ndele te shi tula meke laJosef. Ndele ye okwe mu djaleka oikutu iwa yoliina nokwe mu dika elyenge loshingoldo mofingo yaye.

ESTER 10:2

Noilonga aishe yeenghono dayo noyepangelo layo nehepaululo tali hepaulula etumbalo laMordekai, omo ohamba ye mu lenga, inai shangelwa mbela membo lomafimbo eehamba daMedia nodaPersia?

ESTER 3:10

Opo nee ohamba ya xukula okalinga kayo koshihako komunwe wayo ndele ye ka pa Haman yaHammedata, Omuagag, omutondadi wOvajuda.

ESTER 8:3

Ndele Ester okwa popya vali koshipala shohamba ndele a wila eombe keemhadi dayo ndele ta lili noku i indila, nokutya a alule owii waHaman, Omuagag, nomhangela e i pangelele okuhanauna po Ovajuda,

OMAPSALOME 37:34

Teelela Omwene, ove u lambalale ondjila yaye, opo nee Ye ote ku lenge, oshilongo shi ninge shoye, ndele to hafifwa kekombololo lovahenakalunga.

DANIEL 2:48

Opo ohamba oya lenga Daniel, ndele ye mu pa omilongelo dinene dihapu, ndele ye mu tula omupangeli wombinga imwe yoshilongo shaBabilon nomukulunhu a kula kombada yovanongo aveshe vomuBabilon.

LUKAS 15:22

Ndele xe okwa lombwela ovapiya vaye: ‘Ka eteni divadiva oshikutu shinya shiwa shiwelela, mu shi mu dike, nokalinga ka dikeni komunwe waye, neenghaku keemhadi daye,