ESTER 7:8 - Ombibeli Iyapuki

⁸ Ohamba eshi ya dja mo moshikunino shongulu yohamba, ya aluka vali molupale loikunwa, ndele Haman okwa li te liwilike komutala wetulumuko oko omumbada Ester a kala omutumba, ohamba tai ti: “Ye a hala yo okunangala nomumbada moipafi yange mongulu?” Shamha tuu ondjovo ya dja mokanya kohamba, ova uvika oshipala shaHaman.

ESTER 7:8 ပူးပေါင်းရင်းမြစ်များ

ESTER 1:5

Nomafiku oo eshi a pita po, ohamba ya ningila ovanhu vayo aveshe, ava va kala mohotengulu yaSusa, ovakulunhu novapiya oitendele yomafiku ahetatu mehale loshikunino shongulu yohamba.

ESTER 1:6

Omo mwa li mu noiyata yoliina itoka noiyata yomavala ya kwatakanifilwa kumwe keengodi ditoka nodapurpuri, ndele kwa endjelelifwa eengodo doisiliveli keengudi damarmori! Moluumbo mwa yalwa omamanya amalakiti nomarmori itoka nomamanya taa konita nomarmori i nomavala, mwa tulwa eembete doingoldo nodoisiliveli dokutulumukilwa mo.

ESTER 6:12

Opo nee Mordekai a shuna koshivelo shohamba, ndelenee Haman okwa endelela nokuya keumbo laye e noluhodi nomutwe wa uvikwa.

ESTER 7:10

Ndele va endjelelifa Haman komuti wokumangeleka mo, ou ye e u dikila Mordekai, nehandu lohamba la lota.

JOB 9:24

Edu ola yandjwa mepangelonghono lovakolokoshi, Ye ota uvike oipala yovatokoli vaye. Ngeenge haye, olyelye hano?

JESAJA 22:17

Tala, Omwene ote ku kupula, ngaashi omulumenhu ta kupula sha, ndele te ku kwata noku ku kamena mumwe.

JESAJA 49:23

Ndele eehamba otadi ningi ovayakuli voye, ovapangeli ovambada vavo otave ke va nyamifa. Otave linyongamene koshipala shoye, ndele tava lafa ondwi keemhadi doye. Ove to ka shiiva nge, Aame Omwene, ndele ava tava teelele nge, itava fifwa ohoni.

AMOS 3:12

Omwene osho ta ti: “Ngaashi omufita ta dulu ngeno okuxupifa mo omipindi mbali nokapambu kokutwi mokanya konghoshi, osho yo ovana vaIsrael otava xupifwa, ava ve li muSamaria nokukala omutumba mokolonela yombete ile kombada yoshiyata shadamas eshi sha yalwa koshipundi shile shetulumukilo.

MARKUS 14:65

Ndele vamwe ova hovela oku mu fiila omate, nokutuvika oshipala shaye, ndele tave mu denge neengonyo, ndele tava ti kuye: “Xunganeka! Novayakuli vetokolo ove mu denga nomanghava.”