ESTER 7:10 - Ombibeli Iyapuki

¹⁰ Ndele va endjelelifa Haman komuti wokumangeleka mo, ou ye e u dikila Mordekai, nehandu lohamba la lota.

ESTER 7:10 ပူးပေါင်းရင်းမြစ်များ

GENESIS 40:22

ndelenee omukulunhu wovateleki vomingome okwe mu endjelelifa momuti, ngaashi Josef e va fatululila.

ESTER 2:1

Konima yoinima ei, ehandu lohamba Ahasveros eshi la lota, oya dimbulukwa Vasti, osho e shi ninga naasho she mu tokolelwa.

ESTER 5:14

Opo nee omwalikadi waye Seres nookaume kaye aveshe tava ti kuye: “Mu ningila hano omuti wokumangeleka mo, oule wao omaludimbo omilongo itano u lombwele ohamba mongula inene, vo va endjelelife Mordekai muwo. Opo nee to i nehafo pamwe nohamba koitelekela.” Ondjovo oyo ya wapalela Haman, nokwa pangelifa omuti wokumangeleka mo.

ESTER 7:7

Nohamba mehandu layo ya fikama poikunwa yomaviinyu ndele tai i koshikunino shongulu yayo, fimbo Haman a fyaala po e liindilile omwenyo waye komumbada Ester. Osheshi a mona, nokutya ohamba ye mu tokolela omupya.

ESTER 7:8

Ohamba eshi ya dja mo moshikunino shongulu yohamba, ya aluka vali molupale loikunwa, ndele Haman okwa li te liwilike komutala wetulumuko oko omumbada Ester a kala omutumba, ohamba tai ti: “Ye a hala yo okunangala nomumbada moipafi yange mongulu?” Shamha tuu ondjovo ya dja mokanya kohamba, ova uvika oshipala shaHaman.

ESTER 8:7

Opo nee ohamba Ahasveros tai ti komumbada Ester nokOmujuda Mordekai: “Tala, eumbo laHaman nde li yandja kuEster, ndele a endjelelifwa komuti wokumangeleka mo, shaashi a nanena eke laye okukwata Ovajuda.

ESTER 9:14

Nohamba ya yandja oshipango ve shi ninge. Nomhango ya shangwa muSusa, ndele ovana omulongo vaHaman ve va endjelelifa komuti.

ESTER 9:25

Ndelenee osho eshi sha udika kohamba, yo oya shanga ndele ya yandja oshipango, nokutya omhangela yaye youkolokoshi ye e i diladilila Ovajuda, i nokuwila komutwe waye mwene. Ndele ve mu endelelifa novana vaye ovalumenhu komuti wokumangeleka mo.

JOB 18:8

Osheshi eemhadi daye mwene tadi mu twala meendjadja ndele ta ende kombada yekelo.

JOB 20:8

Ye ota tuka po ngaashi ondjodi, onghee omunhu ite mu mono vali; ndele ta henuka po ngaashi emoniko lomoufiku.

OMAPSALOME 37:15

Omikonda davo otadi va pilukile, di va twe momitima davo vene, nomauta otaa teyaulwa po.

OMAPSALOME 7:16

Oiponga ei a duta, otai pinukile komutwe waye mwene, noixuna yaye otai mu alukile poluwewe laye mwene.

OMAPSALOME 94:23

owii wavo ote u alulile kuvo vene, ndele te va hanaunifa po oumbudi wavo; heeno, Omwene, Kalunga ketu, ote ya oku va hanauna po.

OMAYELETUMBULO 11:27

Ou ta kongo osho shiwa, ota kongo osho sha wapala. Ndelenee ou ta kongo owii, oo otau uya kombada yaye.

OMAYELETUMBULO 11:8

Omuyuki eshi ta xupifwa mo momupya, nomuhenakalunga ta i mo ponhele yaye.

OMAYELETUMBULO 26:27

Ou ta fe elambo, oye mwene ta wile mo. Naau ta alangatifile ko emanya, okombada yaye lo tali alukile.

JEREMIA 34:17

Onghee hano Omwene ota ti ngaha: Nye omwa kala inamu uda nge ndele inamu ingidila keshe umwe komumwaina nokomukwao emangululo. Tala, ohandi mu ingidile emanguluko. Omwene osho ta ti, mu yandjelwe eongamukonda noudu wolutapo nondjala, nohandi mu ningi oshitilifa shomoilongo aishe yokombada yedu.

HESEKIEL 5:13

Osho hano ehandu lange tali fikifwa po, ndele handi ka wanifa oupyuhandu wange muvo, nohandi ke va handukila. Ndele otava ka shiiva, nokutya Ame, Omwene nda popya mouladi wange, eshi handi wanifa oupyuhandu wange muvo.

DANIEL 6:24

Ndele ohamba oya lombwela, ndele vo ova eta ovalumenhu ava va popya ko Daniel ndele va ekelwa mekololo leenghoshi, ovo vene novalikadi vavo. Ndele fimbo inava fika poshi mekololo, eenghoshi ode va yakela ndele tadi nyanyaula omakipa avo aeshe.

DANIEL 6:25

Opo ohamba Darius ya shangela ovanhu aveshe noiwana aishe nomalaka aeshe kombada yedu alishe, tai ti: “Ombili yeni nai kale inene!

SAKARIA 6:8

Opo ye okwa ifana nge ndele ta ti kwaame: “Tala, odo tadi i kedu lokoumbangalanhu, otadi ka tulumukifa omhepo yange medu lokoumbangalanhu.”

OVATOKOLIPANGELI 15:7

Opo nee Simson ta ti kuvo: “Eshi tamu ningi nge ngaha, ame itandi mu efa, fimbo inandi mu kwatela onghone, ndele handi i.”