ESTER 6:4 - Ombibeli Iyapuki

⁴ Opo nee ohamba tai ti: “Olyelye e li kehale?” Pefimbo tuu olo Haman e uya mehale lopondjelela yongulu yohamba, e uya a lombwele ohamba, nokutya Mordekai e nokweendjelelifwa komuti wokumangeleka mo, oo ye e u mu dikila.

ESTER 6:4 ပူးပေါင်းရင်းမြစ်များ

ESTER 4:11

“Ovapiya aveshe vohamba novanhu vomoitukulwalongo yohamba ve shi shii, nokutya keshe omulumenhu ile omukainhu ta i kohamba kehale lomeni ngeenge ina ifanwa, ta tokolelwa pamhango imwe: e nokudipawa, okuninga ohamba tai mu ulike nepangelodibo layo loshingoldo, a kale e nomwenyo. Ndele pomafiku omilongo nhatu inandi ifanwa ndi ye mo kohamba.”

ESTER 5:1

Mefiku etitatu Ester okwa djala ngaashi ohamba nokwa ya a ka kale ofika mehale lomeni longulu yohamba a yukilila olupale lohamba, fimbo ohamba tai kala omutumba kolukalwapangelo layo molupale louhamba, ya shaama noshivelo sholupale.

ESTER 5:14

Opo nee omwalikadi waye Seres nookaume kaye aveshe tava ti kuye: “Mu ningila hano omuti wokumangeleka mo, oule wao omaludimbo omilongo itano u lombwele ohamba mongula inene, vo va endjelelife Mordekai muwo. Opo nee to i nehafo pamwe nohamba koitelekela.” Ondjovo oyo ya wapalela Haman, nokwa pangelifa omuti wokumangeleka mo.

ESTER 6:3

Opo nee ohamba tai ti: “Mordekai okwe shi fimanekelwa nokwe shi lengelwa ngahelipi?” Ovapiya vohamba, ava tave i yakula, va nyamukula: “Ina ningilwa sha!”

ESTER 6:5

Novapiya vohamba ve i nyamukula: “Penya pa kala ofika Haman mehale lokomesho.” Opo nee ohamba tai ti: “Ne uye mo.”

ESTER 7:9

Opo nee Harbona, umwe womovapiya vohamba ta ti kohamba: “Oko ku nomuti wokumangeleka mo, wa dikwa kuHaman, e u dikila Mordekai, ou a popila ohamba, u li pongulu yaye, oule wao omaludimbo omilongo nhano.” Opo nee ohamba tai ti: “Mu endjelelifa ko!”

JOB 5:13

Ye ota kwata ovanongo momalungi avo, nepukululo lovakengeleli tali ningi longaho.

OMAPSALOME 2:4

Ou Omukali womeulu ote shi va yolele, Omwene ote shi va ningile oshiyeele.

OMAPSALOME 33:19

a xupife eemwenyo davo mefyo, Ye e va palule mondjala, vaha fye.

OMUUDIFI 9:10

Longa ashishe to shi dulu neenghono doye, osheshi moshovafi omu to i, kamu na nande oshilonga, ediladilo neshiivo ile ounongo.