ESTER 6:1 - Ombibeli Iyapuki

¹ Oufiku tuu ou eemhofi da londoka ohamba ndele ya tya, eteni oidimbulukifoshango nokutya, embo lomafimbo. Ndele lo eshi la leshelwa ohamba,

ESTER 6:1 ပူးပေါင်းရင်းမြစ်များ

DANIEL 6:18

Ohamba oya shuna mouhamba wayo, yo inai lya sha ndele inai hala i etelwe oikumbu, ndele eemhofi de i londoka.

DANIEL 2:1

Ndele momudo omutivali wepangelo laye Nebukadnesar okwa twa eendjodi, opo omhepo yaye ya tukuluka, neemhofi daye ode mu londoka.

ESTER 2:23

Oshinima osho eshi sha konakonwa ndele sha monika osho oshili, venya vavali va endjelelifwa komuti. Ndele osho sha shangelwa membo omafimbo koshipala shohamba.

OVAROMA 11:33

Oule u fike peni woupuna noweendunge nowounongo waKalunga? Omatokolo aye ohaa konakonwa kulyelye, neendjila daye olyelye e di shii?

JESAJA 41:17

Omapongo novafyoona ohava kongo omeva, ndelenee oo kae po, elaka lavo ola kukuta kenota. Ame, Omwene, onda hala oku va uda, Ame Kalunga kaIsrael ihandi ke va efa.

ESTER 10:2

Noilonga aishe yeenghono dayo noyepangelo layo nehepaululo tali hepaulula etumbalo laMordekai, omo ohamba ye mu lenga, inai shangelwa mbela membo lomafimbo eehamba daMedia nodaPersia?

GENESIS 22:14

Ndele Abraham okwa luka onhele oyo: “Omwene te limonene!” Fiyo onena ponhele opo ohapa tiwa: “Komhunda oko Omwene te liholola.”

MALAKIA 3:16

Opo vo ava hava tila Omwene ova kundafana kumwe. Ndele Omwene okwe shi dimbulukwa nokwe shi uda. Nokoshipala shaye pa shangwa embo lokudimbulukwa ava hava tila Omwene nohava fimaneke edina laye.

ESTER 5:8

Ame ngeenge nda filwa onghenda moipafi yohamba, ngeenge tashi wapalele ohamba okwiitavelela eindilo lange nokuwanifa osho nde shi hala, ohamba naHaman nave uye koitelekela handi ke i va telekela mongula. Ame ohandi ka ninga pahalo lohamba.”

ESTER 2:22

Ndelenee Mordekai okwe shi uda nokwe shi shiivifila omumbada Ester. Ndele Ester e shi lombwela ohamba medina laMordekai.

ESTER 2:21

Pomafiku tuu enya fimbo Mordekai a kala omutumba poshivelo shohamba, Bigtan naTeres, omalenga avali ohamba, ovanangeli vopoivelo, va handuka ndele va konga omhito va kwate ohamba Ahasveros.