ESTER 5:8 - Ombibeli Iyapuki

⁸ Ame ngeenge nda filwa onghenda moipafi yohamba, ngeenge tashi wapalele ohamba okwiitavelela eindilo lange nokuwanifa osho nde shi hala, ohamba naHaman nave uye koitelekela handi ke i va telekela mongula. Ame ohandi ka ninga pahalo lohamba.”

ESTER 5:8 ပူးပေါင်းရင်းမြစ်များ

ESTER 1:9

Vasti, omumbada wohamba okwa ningila ovakainhu oitendele mongulu youhamba wohamba yaAhasveros.

ESTER 5:12

Haman ta ti vali: “Nomumbada Ester mwene eshi a teleka oitelekela ina itavelela vamwe okuuya koitelekela, aame andike. Nosho mongula ame nda ifanwa ndi ye ko pamwe nohamba.

ESTER 5:7

Opo nee Ester ta ti: “Eindilo lange nehalo lange oleli:

ESTER 7:1

Ohamba naHaman ve uya komumbada Ester va ka lye oitelekela.

ESTER 7:3

Nomumbada Ester ta nyamukula ndele ta ti: “Akutu ohamba! Ame ngeenge nda mona onghenda koshipala shoye, ndele ngeenge tashi wapalele ohamba, nandi xupifilwe omwenyo wange omolweindilo lange, nowoshiwana shange, eshi handi shi indile.

ESTER 8:5

ndele ta ti: “Ngeenge tashi wapalele ohamba ndele nda filwa onghenda kuyo ndele ohamba tai tale osho osha yuka ndele nda hokiwa kuyo, nai shangife oshipango shokwaalula omhangela yaHaman yaHammedata womepata laAgag neenhumwafo odo da shangwa kuye, a hanaune Ovajuda aveshe ve li moitukulwalongo aishe yohamba.

OMAYELETUMBULO 16:9

Omutima womunhu tau diladila ondjila yaye, ndelenee Omwene ta endifa eenghatu daye.