ESTER 4:8 - Ombibeli Iyapuki

⁸ NaMordekai okwe mu pa eshangululo lomhango ya shangwa muSusa yoku va hanauna po, opo e li hololele Ester ndele e mu shiivifile oshinima osho ndele e mu fininike okuya kohamba a indile onghenda ndele a popile oshiwana shaye kuyo.

ESTER 4:8 ပူးပေါင်းရင်းမြစ်များ

ESTER 2:20

Ester ina holola oshiwana shaye noludi laye, ngaashi Mordekai e mu lombwela. Ndele Ester okwa ninga ngaashi Mordekai e mu lombwela ngaashi mefimbo linya a kala mouteku waye.

ESTER 4:9

Opo nee Hatak a ya mo nokwa shiivifila Ester eendjovo daMordekai.

ESTER 8:6

Osheshi ohandi dulu ngahelipi okutala omupya ou tau ka hanga oshiwana shange? Ndele handi dulu ngahelipi okutala ehanauno loludi letu?”

JOB 9:15

Nande ndi kale ndimuyuki, handi nyengwa okunyamukula. Ame ndi nokwiindila omutokoli wange a file nge onghenda.

OMAPSALOME 122:6

Haleleni Jerusalem ombili! “Ava ve ku hole, nava kale nepunapalo.

OMAYELETUMBULO 21:1

Omutima wohamba u li meke lOmwene ngaashi omakungulukilo omeva. Ye ote u endifa keshe apa a hala.

OMUUDIFI 10:4

Ehandu lomupangeli ngeenge tali ku xwamene, ino efa oshilonga shoye, osheshi elididimiko tali kelele omanyono mahapu.

OILONGA YOVAYAPOSTOLI 12:20

Ndele Herodes okwa li a handukila Ovatirus nOvasidoni, ndele vo ova pangela omhangela ve uye kuye, ndele tava pange oukaume naBlastus, elenga lakula lohamba, ndele tava indile ombili, osheshi oshilongo shavo osha li sha mona oipalwifa koshilongo shohamba.

1 TIMOTEUS 6:13

Ohandi ku lombwele koshipala shaKalunga, ou omuyandji womwenyo kwaaishe noshaKristus Jesus, ou a hepaulula ehepaululo liwa koshipala shaPontius Pilatus,

1 TIMOTEUS 6:17

Oipuna yomounyuni ou va kumaida, vehe linenepeke, navali vaha tule elineekelo lavo moupuna kau fi okulineekelwa, ndelenee nave lineekele Kalunga omunamwenyo, ou he tu pe pauyadi aishe yoku tu hafifa,