ESTER 4:16 - Ombibeli Iyapuki

¹⁶ “Inda u ongele Ovajuda aveshe ava tava monika muSusa, ndele lidilikeni molwange. Ndele momafiku atatu oufiku nomutenya inamu lya ndele inamu nwa. Naame yo pamwe novapiya vange ovakainhu hatu ke lidilika. Opo nee handi i mo kohamba, osho nande kashi li pamhango, ndele ngeenge ndi nokufya, ondi nokufya.”

ESTER 4:16 ပူးပေါင်းရင်းမြစ်များ

GENESIS 18:19

Osheshi Ame onde mu hoolola, opo a lombwele ovana vaye neumbo laye nokutya, nava diinine ondjila yOmwene, va shiive okulonga ouyuki noshili, opo Omwene a wanifile Abraham eshi Ye e mu udanekela.”

GENESIS 43:14

NaKalunga Omunaenghono adishe, ne mu monife efilonghenda komulumenhu winya, ye e mu alulile omumwaxo mukwao, e uye nanye naBenjamin. Ndelenee ame ngeenge ondi na okukufwa ovamwange, osho nashi ningwe hano!”

2 SAMUEL 10:12

Kala wa pama, ndele atushe tu kaleni twa nyatipala omolwoshiwana shetu nomolwoilando yaKalunga ketu. Omwene na ninge osho tashi mu wapalele momesho aye.”

2 EEHAMBA 7:4

Ngeenge hatu ti: “Tu yeni moshilando, moshilando omu nondjala, ohatu ka fila mo nongeenge ohatu kala omutumba apa, ohatu ka fila mo: Tu yeni hano konhanda yOvaarami. Vo ngeenge tave tu efa tu kale nomwenyo, ohatu ka kala nomwenyo. Ndelenee ngeenge tave tu dipaa, fye hatu fi.”

2 OMAFIMBO 20:3

Josafat okwa tila nokwe liameka okukonga Omwene nokwa vilikila muJuda ashishe efiku lelidiliko.

ESRA 8:21

Opo nee nda shiivifa efimbo lelidiliko pomulonga waAhava, opo tu lininipike koshipala shaKalunga ketu, tu mu indile tu mone elao molweendo letu fye vene novanhu vetu noinima yetu aishe.

ESTER 4:15

Opo nee Ester okwe va lombwela va nyamukule Mordekai, va tye:

ESTER 4:17

Ndele Mordekai okwa ya ndele a ninga ngaashi Ester e mu lombwela.

ESTER 4:3

Ndele moitukulwalongo aishe omo oshipango shohamba nomhango yayo ya fika, mwa li oluhodi linene mokati kOvajuda: ve lidilika, va lila nokukema. Vahapu va yala koshi yavo oshako nomute.

ESTER 5:1

Mefiku etitatu Ester okwa djala ngaashi ohamba nokwa ya a ka kale ofika mehale lomeni longulu yohamba a yukilila olupale lohamba, fimbo ohamba tai kala omutumba kolukalwapangelo layo molupale louhamba, ya shaama noshivelo sholupale.

ESTER 9:31

opo a pameke omafiku aa aPurim pomafimbo ao a pangelwa ngaashi Omujuda Mordekai nomumbada Ester e va lombwela nongaashi kuvo nokomaludalo avo va pameka omapukululoshango taa tongo efimbo lelidiliko nolokukema.

JESAJA 22:12

Ndele mefiku tuu olo Omwene, Kalunga komatanga ovakwaita, ote va ifana kelilo nokeenghali nokekululo lomapalu nomitwe nokomundjalo weefya.

JEREMIA 36:9

Ndelenee momudo omutitano waJehoiakim yaJosia, ohamba yaJuda mohani onhimugoi, elidiliko ola ingidilwa koshipala shOmwene, aveshe ova shivwa, ovanhu aveshe vomuJerusalem naaveshe vokoilando yomuJuda ve uya kuJerusalem.

DANIEL 2:18

opo va ilikane Kalunga komeulu e va file onghenda omolwoshinima eshi oshiholekwa, vo, Daniel navakwao vaha dipawe pamwe novanongo vomuBabilon.

MATEUS 12:40

Osheshi ngaashi Jona a kalele medimo loshikwameva omitenya nhatu nomaufiku atatu, hano osho yo Omona wOmunhu ota ka kala koshi yedu omitenya nhatu nomaufiku atatu.

LUKAS 9:24

Osheshi ou a hala okuxupifa omwenyo waye, ye ote u kanifa, ndele ou ta kanifa omwenyo waye omolwange ote u xupifa.

JOHANNES 19:22

Pilatus okwa nyamukula: “Osho nde shi shanga, onde shi shanga nee.”

OILONGA YOVAYAPOSTOLI 10:7

Opo nee omweengeli ou a popya naye eshi a ya, Kornelius okwa ifana ovanhu vaye vavali nomukwaita umwe omuyuki womwaava ve li puye,

OILONGA YOVAYAPOSTOLI 20:24

Ndele ame kombinga yange nghi na nasho komwenyo wange, shamha tuu handi wanifa nehafo okweenda kwange noshilonga eshi nde shi pewa kOmwene Jesus, ndi hepaululile evaengeli longhenda yaKalunga.

OILONGA YOVAYAPOSTOLI 21:13

Ndelenee Paulus a nyamukula ta ti: “Nye otamu ningi ngahelipi, eshi tamu kwena ndele tamu teyaula omutima wange, osheshi ame onde lilongekida, hakokumangwa akuke, ndelenee okufila yo edina lOmwene Jesus muJerusalem.”

OILONGA YOVAYAPOSTOLI 27:33

Opo nee fimbo va teelela ku she, Paulus okwa kumaida aveshe va lye, ta ti: “Nena opa pita omafiku omulongo naane, mwa teelela, inamu lya sha, nye inamu makela nande oikulya.

OILONGA YOVAYAPOSTOLI 9:9

Ndele okwa li a twika omafiku atatu, ye ina lya sha, ye ina nwa sha.

OVAROMA 16:4

ava va yandja eefingo davo molwomwenyo wange, haame andike handi va pandula, ndelenee nomaongalo aeshe ovapaani;

OVAFILIPPI 2:30

osheshi omolwoshilongo shaKristus oye hanga a fya, eshi a yandjela nge omwenyo waye a yakule nge ponhele yeni.

JOSUA 24:15

Ndelenee ngeenge inashi mu wapalela okulongela Omwene, lihoololeleni nena eli ou mwa hala oku mu longela, ngeenge oikalunga ooxo va longela kombada yaEufrat ile oikalunga vOvaamori medu lavo mu li. Ndelenee ame neumbo lange hatu ka longela Omwene.”

1 SAMUEL 19:5

ye okwe liyandja mefyo nokwa dipaa Omufilisti, nOmwene okwa pa Ovaisraeli aveshe efindano linene. Ove we shi mona ndele wa hafa. Omolwashike hano wa hala okunyona mokutilashi ohonde ihe netimba nokudipaa David, nande ehe noushima?”