ESTER 4:1 - Ombibeli Iyapuki

¹ Mordekai eshi a uda ashishe osho sha ningwa, Mordekai okwa pombaula oikutu ndele a djala oikutu yeefya, ndele e liunda omute komutwe waye, nokwa ya mokati koshilando ndele ta ingida pombada eendjovo douyehame.

ESTER 4:1 ပူးပေါင်းရင်းမြစ်များ

GENESIS 27:34

Opo nee Esau eshi a uda eendjovo edi daxe Isak, okwa haluka ndele ta ingida pombada nokukwena ndele ta lombwele xe: “Tate, nangeke nge yo noupuna!”

GENESIS 37:34

Opo nee Jakob okwa pombaula oikutu yaye ndee okwa djala oshikutu sheefya moshiya. Ndele ye okwa lila omona waye omafiku mahapu.

2 SAMUEL 1:11

Opo nee David a kwata oshikutu shaye ndele te shi pombaula. Nosho yo ovalumenhu aveshe ava va li puye.

2 SAMUEL 13:19

Tamar okwa undila omute komutwe waye nokwa pombaula oshikutu osho shile shi nomaoko male. Opo nee e likwata ombadomutwe ndele ta ende nokulila pombada.

ESTER 4:2

Osho ngaha e uya fiyo oposhivelo shohamba, ndelenee inashi itavelelwa omunhu ta i moshivelo shohamba a djala oikutu yeefya.

ESTER 4:3

Ndele moitukulwalongo aishe omo oshipango shohamba nomhango yayo ya fika, mwa li oluhodi linene mokati kOvajuda: ve lidilika, va lila nokukema. Vahapu va yala koshi yavo oshako nomute.

JOB 1:20

Opo nee Job a fikama, ta pombaula oshikutu shaye shokombada, a kulula eexwiki daye dokomutwe, nokwa wila poshi ta indile,

JOB 2:8

Ndele ye okwa kufa oshikangwa te linyae nasho ndele ta kala omutumba momute.

JOB 42:6

Onghee hano handi alula eendjovo dange ndele handi lidilulula mondwi nomomute.”

JESAJA 15:4

Hesbon naEleale otava ingida; nokulila kwavo okwa udika fiyo okuJahas; onghee hano ovalumenhu ovahomoni vaMoab otava keme nomwenyo waye otau kakama.

JESAJA 22:4

Opo nee ohandi ti: Taleni pamwe pe lili, hakwaame, opo ndi shiive okulila nokuli lilila; inamu uya okuhekeleka nge molwehanauno lomona okakadona koshiwana shange.

JESAJA 37:1

Ndele ohamba Hiskia, eshi e shi uda, okwa pombaula oikutu yaye, ndele ta djala oshako, ta i motembeli yOmwene.

JESAJA 37:2

Opo nee ye okwa tuma Eliakim, elenga leumbo lohamba naSebna, omushangi novakulunhu vomovapristeli, va djala eeshako, ndele te va tumu kuJesaja yaAmos, omuxunganeki.

JESAJA 58:5

Elidiliko olo tuu olo mbela nda hala, efiku olo omunhu ta hepeke omwenyo waye? Ngeenge ta endameke omutwe waye ngaashi olumbungu note liyalele oshako ndele ta xu ko omute shi ninge omutala waye? Osho otashi ifanwa vati elidiliko nefiku la wapalela Omwene?

HESEKIEL 21:11

Ndele Ye okwe li pa li yawe, vo va shiive oku li kwata. La upikwa, eongamukonda tuu olo, ndele la yawa li yandjelwe eke laau ta dipaa.

HESEKIEL 21:6

Ndelenee ove, kaana komunhu kema! Wa teka eenho nomoluhodi linene kema moipafi yavo.

DANIEL 9:3

Ndele ame onda taalela kOmwene Kalunga ndi mu etele eilikano lange nomaindilo mokulidilika nda djala oshako nonda vava omute.

MIKA 1:8

Omolwaashi ame nda hala okukema nokulila nokweenda ndihe neenghaku nondi li hamunghele. Ame nda hala okukwena ngaashi ouvandje nokunyika oluhodi ngaashi eemho.

SEFANIA 1:14

Efiku linene lOmwene oli li popepi! Heeno, opopepi li li, ndele tali endelele okufika! Pwilikineni! Efiku lOmwene! Omuladi ota kuu unene.

MATEUS 11:21

“Woo, ove Korasin! Woo, ove Betsaida! Osheshi ngeno muTirus nomuSidon mwa ningilwa oilonga yeenghono, ngaashi inya ya ningilwa punye, ngeno yo ye lidilulula nale mokudjala eeshako nomokulidedaula momute.

OILONGA YOVAYAPOSTOLI 14:14

Ndelenee ovayapostoli Paulus naBarnabas, eshi ve di uda, ova pombaula oikutu yavo, tava tondokele mokati kovanhu nokwiingida,

JOSUA 7:6

Opo nee Josua okwa pombaula oikutu yaye nokwa wila eombe komesho yoshikefa shOmwene fiyo onguloshi ye novakulunhu vaIsrael, ndele ve lifundila edu komitwe.

EHOLOLO 11:3

Ndele ame ohandi pe eendobwedi dange mbali okuxunganeka omafiku eyovi limwe nomafele avali nomilongo hamano, va djala eeshako.”