ESTER 3:8 - Ombibeli Iyapuki

⁸ Opo nee Haman ta ti kohamba Ahasveros: “Moitukulwalongo aishe yomoshilongo shoye omu noshiwana shimwe she lihana ndele tashi likalele mokati koiwana, neemhango dasho odi lili hangaashi eemhango doiwana ikwao aishe. Ndele ihava diinine yo eemhango dohamba, onghee itashi dulika ohamba tai va efa va kale po.

ESTER 3:8 ပူးပေါင်းရင်းမြစ်များ

ESRA 4:6

Ndele mefimbo lepangelo laAhasveros, pehovelo lepangelo laye, va shanga onhumwafo yokuvela oonakukala muJuda nomuJerusalem ombedi.

NEHEMIA 1:8

Dimbulukwa hano ondjovo we i lombwela omupiya woye Moses nokutya: ‘Ngeenge tamu liteeka, Ame ohandi ke mu halakanifila mokati koiwana,

ESTER 3:9

Ngeenge tashi wapalele ohamba, napa shangwe oshipango, nokutya vo ve nokuhanaunwa po. Naame ohandi ka yeleka oshisiliveli shi dule eekilograma omayovi omafele atatu nomafele omilongo nhee momake omalenga e i wedele komamona ohamba.”

ESTER 4:1

Mordekai eshi a uda ashishe osho sha ningwa, Mordekai okwa pombaula oikutu ndele a djala oikutu yeefya, ndele e liunda omute komutwe waye, nokwa ya mokati koshilando ndele ta ingida pombada eendjovo douyehame.

JEREMIA 33:24

Ino koneka oshiwana eshi tashi shi popi, tashi ti: “Omapata aa avali, Omwene e a hoolola, okwe a ekelashi?” Ndele tava dini oshiwana shange sha fa kashi fi vali oshiwana moipafi yavo.

JEREMIA 50:17

Israel ya fa odi ya fadukifwa po keenghoshi. Tete ohamba yaAsiria e i lya po nokwa shikulwa kuNebukadnesar, ohamba yaBabilon, a kunya omakipa ayo.

HESEKIEL 11:16

Onghee hano popya: Omwene Kalunga ota ti ngaha: Ame eshi nde mu twala kokule mokati koiwana naashi nde mu halakanifa moilongo ndele Ame nda ninga otembeli kunye okafimbo kaxupi moilongo muyo tamu ke uya.

HESEKIEL 6:8

Ndelenee ohandi ka fiya po oshixupe, ava va xupa keongamukonda ve li mokati koiwana, eshi va halakanifwa momadu avo.

DANIEL 3:8

Opo tuu opo pe uya ovalumenhu vamwe Ovakaldea okupopya ko Ovajuda.

DANIEL 6:13

Opo vo ova nyamukula ohamba tava ti: “Tatekulu ohamba, Daniel oye umwe womovapika Ovajuda ke na ko nasha naave noshipango shoye, eshi wa shanga, ndelenee oye ha ilikana lutatu keshe efiku.”

DANIEL 6:14

Ndele ohamba eshi ye shi uda, oya nyika oluhodi shili, ndele ya diladila nhumbi a xupife Daniel. Oye lihepeka fiyo etango la ningina, i mu mangulule.

LEVITIKUS 26:33

Ndele Ame ohandi ke mu halakanifila mokati koiwana noku mu taataa neongamukonda. Noshilongo sheni tashi ka ninga omuulu noilando yeni tai ka ninga eenduba doikulukuma.

SAKARIA 7:14

Ndelenee Ame ohandi ke va pepa po nomhepo inene noku ve lihanifila noiwana aishe ei inai shiivika kuvo, fimbo oshilongo tashi ningi eputu konima yavo, paha kale vali ou te uya mo ile ou ta piti mo. Osho ngaha oshilongo shiwa sha wapala, ovo ve shi ninga ofuka.”

NUMERI 23:9

Osheshi apa okonhele yomamanya ohandi shi tale nokeemhunda handi shi mono. Tala, oshiwana tashi likalele, itashi valwa moiwana yovapaani.

JOHANNES 7:35

Ndele Ovajuda va tongafana: “Ou okwa hala okuya peni, eshi itatu mu mono? Ota i mbela kwaava va halakana mokati kOvagreka nokulonga Ovagreka?

OILONGA YOVAYAPOSTOLI 24:5

Omulumenhu ou otwe mu koneka, oye a fa oudu wolutapo nomupiyaaneki mokati kOvajuda aveshe mounyuni aushe, nomwene woshimhanga shOvanasareti.

OILONGA YOVAYAPOSTOLI 28:22

Ndele fye otwa hala okuuda tu shiive eshi to shi diladila, osheshi fye otwa uda oshimhanga eshi hashi tuwa eemhata akushe.”

DEUTERONOMION 30:3

opo nee Omwene Kalunga koye ta ka lundulula okukala kwoye noku ku fila onghenda, ndele Ye ote ke ku ongela vali moiwana aishe omo Omwene Kalunga koye e ku halakanifila ko.

DEUTERONOMION 32:26

Ngeno ndi tye: Ame nda hala oku mu fudila po, nokudima po edimbulukifo leni mokati kovanhu,

DEUTERONOMION 4:27

NOmwene ote ke mu halakanifila mokati koiwana, nokangudu kanini keni taka ka xupa po mokati koiwana, muyo Omwene te ke mu twala.

JAKOB 1:1

Jakob, omupiya waKalunga nowOmwene Jesus Kristus, Ohandi kundile po omapata omulongo naavali, oo a kala melihano.

1 PETRUS 1:1

Petrus, omuyapostoli waJesus Kristus, okovanailongo ovahoololwa ve li ko, ve lihanena muPontus nomuGalatia nomuKappadokia nomuAsia nomuBitinia,