ESTER 3:2 - Ombibeli Iyapuki

² Novapiya aveshe vohamba, ovo va li poshivelo shohamba ve linyongamena ndele va wila eombe koshipala shaHaman, osheshi ohamba osho e va lombwela molwaye. Mordekai ine linyongamena ndele ina wa eombe.

ESTER 3:2 ပူးပေါင်းရင်းမြစ်များ

GENESIS 41:43

Ndele ye okwe mu endififa metemba etivali loulenga womatemba, la shikula eli laye mwene, nokwa tetekelwa kovakuwilili tava ti: “Tweni eengolo!” Osho ngaha okwe mu lenga omupangeli womuEgipiti alishe.

ESTER 2:19

Oukadona eshi va ongelwa lutivali, fimbo Mordekai ta kala omutumba poshivelo shohamba.

ESTER 2:21

Pomafiku tuu enya fimbo Mordekai a kala omutumba poshivelo shohamba, Bigtan naTeres, omalenga avali ohamba, ovanangeli vopoivelo, va handuka ndele va konga omhito va kwate ohamba Ahasveros.

ESTER 2:5

Mohotengulu yaSusa mwa li omulumenhu Omujuda, edina laye Mordekai yaJair yaSimei yaKis, Omubenjamin;

ESTER 3:1

Konima yoinima oyo ohamba Ahasveros ya nenepeka Haman yaHammedata, Omuagag, ndele ye mu lenga ndele ya tula oshipundi shaye komesho yomalenga aeshe aa a kala puyo.

ESTER 3:3

Novapiya vohamba ava va li poshivelo shohamba, va lombwela Mordekai: Omolwashike ho tauluka oshipango shohamba?

ESTER 3:5

Haman eshi a mona, nokutya Mordekai ite linyongamene ndele ita wile eombe koshipala shaye, Haman okwa yada ehandu.

ESTER 5:9

Ndele mefiku tuu olo Haman okwa hafa nokwa shambukwa unene komwenyo. Ndelenee Haman eshi a mona Mordekai poshivelo shohamba ndele ye ina kala ofika ile ine mu tila, Haman okwa yada ehandu molwaMordekai.

OMAPSALOME 15:4

Ye nota dini yo oonakudinwa, nota fimaneke ava hava tila Kalunga; nande a anene oshiponga shaye, eano laye ite li lundulula,

EXODUS 17:14

Opo nee Omwene okwa lombwela Moses: “Eshi shi shangela membo shi ninge edimbulukifo ndele shi dimbulukifa shili Josua nokutya, Ame ohandi ka komba po sheke edimbuluko laAmalek kombada yedu.”

EXODUS 17:16

Ndele ye okwa tile: “Ohandi yelula eke lange lwokoshipundi shOmwene. Omwene ta ka lwifa Amalek koludalo fiyo okoludalo.”

DANIEL 2:49

Ndele paindilo laDaniel, ohamba oya tula Sadrak, Mesak naAbednego moulenga, va ninge ovakulunhu veenghundafana vombinga imwe yoshilongo shaBabilon. Ndelenee Daniel okwa kala mouhamba.

DEUTERONOMION 25:19

Onghee hano Omwene Kalunga koye, ngeenge te ku pe etulumuko kovanaita voye aveshe tava dingilile oshilongo, Omwene Kalunga koye te shi ku pe efyuululo, edimbulukifo laAmalek u li kombe po kombada yedu. Ino shi dimbwa.

OVAFILIPPI 2:10

opo aveshe ve nokutwa eengolo medina laJesus naava vomeulu novokombada yedu naava vokoshi yedu,

1 SAMUEL 15:3

Inda hano paife u ka taatae Ovaamaleki ndele mu nokuhanauna po ashishe ve shi kwete. Ndele ino va fila onghenda, ndelenee u nokudipaa omulumenhu nomukainhu, okaana nokahanana, ongobe nodi, ongamelo nondongi.”