ESTER 2:14 - Ombibeli Iyapuki

¹⁴ Eshi ka ya mo onguloshi ndele ka aluka ongula, ka ya kongulu onhivali yovakainhu ya diininwa kuSaaskas, elenga lohamba, tali pashukile ovalikadi vohamba vopomunghulo. Itaka ka ya mo vali kohamba okuninga ohamba ye ka hokwa ndele tai ka ifana padina.

ESTER 2:14 ပူးပေါင်းရင်းမြစ်များ

ESTER 4:11

“Ovapiya aveshe vohamba novanhu vomoitukulwalongo yohamba ve shi shii, nokutya keshe omulumenhu ile omukainhu ta i kohamba kehale lomeni ngeenge ina ifanwa, ta tokolelwa pamhango imwe: e nokudipawa, okuninga ohamba tai mu ulike nepangelodibo layo loshingoldo, a kale e nomwenyo. Ndele pomafiku omilongo nhatu inandi ifanwa ndi ye mo kohamba.”

JESAJA 45:4

Omolwomuhoololwa wange Jakob, nomolwomuhoololwa wange Israel, onde ku ifana edina loye, ndele nde ku pa edina la fimana, nande ove ino shiiva nge.

JESAJA 43:1

Ndelenee paife Omwene ota ti ngaha, Omwene ou e ku shita, Jakob, ou e ku longekida, Israel: “Ino tila, osheshi Ame onde ku kulila, Ame onde ku ifana edina loye, oove owange.

DEUTERONOMION 21:14

Ndele ove ngeenge ino mu hala vali, mu lekela hano ngaho; ino mu landifa po oimaliwa, ino mu hepeka, osheshi ove we mu fifa ohoni.

GENESIS 34:19

Nomulumenhu omunyasha ina ongaonga oku shi ninga, osheshi ye okwa li e hole unene omona okakadona kaJakob, ndele ye okwa li a fimana komesho yavakwao meumbo laxe.

ESTER 2:13

Okakadona eshi ka ya ngaha kohamba, aishe oyo ke i pula, ke i pewa ya dja mongulu yovakainhu ya twalwa pamwe nako kongulu yohamba.

ESTER 2:15

Olufo laEster, omona okakadona kaAbigail, xekulu yaMordekai, eshi la fika a ye mo kohamba, ko inaka hala sha shimwe, osho ashike Hegai, elenga lohamba, lo la pashukila ovakainhu, le ka lombwela. Ndele Ester okwa pandwa kwaaveshe ovo ve mu mona.