ESTER 1:6 - Ombibeli Iyapuki

⁶ Omo mwa li mu noiyata yoliina itoka noiyata yomavala ya kwatakanifilwa kumwe keengodi ditoka nodapurpuri, ndele kwa endjelelifwa eengodo doisiliveli keengudi damarmori! Moluumbo mwa yalwa omamanya amalakiti nomarmori itoka nomamanya taa konita nomarmori i nomavala, mwa tulwa eembete doingoldo nodoisiliveli dokutulumukilwa mo.

ESTER 1:6 ပူးပေါင်းရင်းမြစ်များ

ESTER 7:8

Ohamba eshi ya dja mo moshikunino shongulu yohamba, ya aluka vali molupale loikunwa, ndele Haman okwa li te liwilike komutala wetulumuko oko omumbada Ester a kala omutumba, ohamba tai ti: “Ye a hala yo okunangala nomumbada moipafi yange mongulu?” Shamha tuu ondjovo ya dja mokanya kohamba, ova uvika oshipala shaHaman.

ESTER 8:15

Ndele Mordekai okwa pita mo mongulu yohamba a djala oshikutu shopauhamba shitoka shi nomavala, noshishani shinene shoshingoldo nelwakani loshiyata sholiina noshapurpuri, fimbo oshilando shaSusa sha hafa nokukuwilila.

EXODUS 26:1

“Netwali liyapuki li nokuningwa neefaila omulongo doliina iwa ya tungwa neengodi da poshelwa kumwe neengodi domavala nodopurpuri noditilyana da fa ohonde mudo mwa fanekelwa ovakerubi. U noku di tunga ngaashi ovanongo hava tungu.

HESEKIEL 23:41

Ndele ove wa kala omutumba komutala wa wapalelela, puwo pa kala oshitaafula sha yalwa nokusho wa tula oitwiminifo yange nomaadi ange.

AMOS 2:8

Ndele poaltari keshe hava nangala kombada yeenhanga da yandjelwa ombabyona oshikwatifo, ndele vo hava nu omaviinyu a futifwa mongulu yakalunga kavo.

AMOS 3:12

Omwene osho ta ti: “Ngaashi omufita ta dulu ngeno okuxupifa mo omipindi mbali nokapambu kokutwi mokanya konghoshi, osho yo ovana vaIsrael otava xupifwa, ava ve li muSamaria nokukala omutumba mokolonela yombete ile kombada yoshiyata shadamas eshi sha yalwa koshipundi shile shetulumukilo.

AMOS 6:4

Onye ava hamu nangala meembete domayoo eendjaba nokwaalangata moipundi yetulumukilo, ndele hamu kala nokulya oudjona noukombwena neenhana domoshuunda sheni.

1 SAMUEL 28:23

Ndelenee ye okwa anya ndele ta ti: “Ame inandi hala okulya.” Ndelenee eshi ovapiya vaye nomukainhu ve mu fininika, ye okwe va uda nokwa penduka po ndele ta kala omutumba pombete.