DANIEL 9:7 - Ombibeli Iyapuki

⁷ Omwene, Oove omuyuki, ndelenee fye ohatu fyohoni ngaashi i li nena eli, heeno, ovalumenhu vomuJuda noonakukalamo muJerusalem, nOvaisraeli aveshe ava vopopepi naavenya vokokule vomoilongo aishe oko we va halakanifa, ohava fyohoni omolweliteeko eshi vo ve ku liteeka.

DANIEL 9:7 ပူးပေါင်းရင်းမြစ်များ

ESRA 9:13

Ndele konima yoinima aishe oyo ye uya kombada yetu molwoilonga yetu ii nomolwombedi yetu inene, osheshi Ove Kalunga ketu ino tu valela pawii wetu twe u lilongela, ndele we tu pa natango ovamangululwa vahapu ve fike opo.

ESRA 9:15

Omwene Kalunga kaIsrael, Oove omuyapuki. Osheshi ofye atuke tu li efiku lonena ovamangululwa, twa xupa. Fye otu li po apa tu nombedi koshipala shoye, ndelenee omolwoinima ya tya ngaha kape na ou ta dulu okukala po koshipala shoye.”

NEHEMIA 9:33

Ndelenee Ove omuyuki mwaashishe she tu hanga, osheshi Ove wa li omudiininini moilonga yoye, ndelenee fye twa li ovahenakalunga.

OMAPSALOME 119:137

Omwene Oove omuyuki, nomatokolo oye okwa yuka.

OMAPSALOME 44:15

Alushe elengwa lange oli li komesho yange, nohoni oya pembifa oshipala shange,

OMAPSALOME 51:14

Kalunga, Kalunga kexupifo lange, kufe nge metimba lohonde, elaka lange, lo li hambelele oudiinini woye.

OMAPSALOME 51:4

Kwoove akuke nda nyona, nonda ninga eshi shii momesho oye, opo u kale omuyuki meendjovo doye, nouhenombedi mokutokola kwoye.

JESAJA 11:11

Nomefiku tuu olo Omwene ota ka twalulula eke laye lutivali a kulile ovanhu vaye ovo va fyaala muAsiria nomuEgipiti nomuPatros nomuEtiopia nomuElam nomuSinear nomuHamat nomeenhunhu adishe defuta.

JESAJA 45:16

“Vo ova fifwa ohoni nova dinika, aveshe ovo tava ende ova shekwa, ovahongi ovo voikalunga.

JEREMIA 12:1

Omwene, Oove omuyuki, ame ohandi dulu tuu mbela oku ku twifa eemhata? Ndele onda hala ndi ku pule oshili i li peni moinima ei: omolwashike mondjila yovalunde omu nelao? Nomolwashike ovaliteeki aveshe ve li nombili?

JEREMIA 23:6

Momafiku aye Juda ota ka xupifwa naIsrael ota ka kala ehe nombudi, nedina laye tali ifanwa, olo eli: ‘Omwene ouyuki wetu.’

JEREMIA 24:9

Ndele Ame ohandi ke va ninga noshitilifa nomupya koilongo aishe kombada yedu nokudinwa nokupopiwa nokuyeelwa nokufingwa meenhele adishe omo handi ke va tela mo.

JEREMIA 3:25

Natu nangaleni mohoni yetu, nodino yetu nai tu tuvikile. Osheshi otwa nyona kOmwene Kalunga ketu, fye nootatekulu, nghee twa dja mounyasha wetu fiyo onena eli, nongaashi inatu dulika kondaka yOmwene Kalunga ketu.”

JEREMIA 32:32

omolwowii aushe wovana vaIsrael nowovana vaJuda ve u longa nokuninga nge nai, voovene neehamba davo nomalenga avo novapristeli vavo novaxunganeki vavo novalumenhu vomuJuda noonakukala muJerusalem.

JEREMIA 33:16

Pomafiku enya Juda ota kulilwa naJerusalem tashi kala shihe nombudi, nedina lasho otali lukwa: “Omwene oye ouyuki wetu.”

JEREMIA 4:17

Ngaashi ovakeleli vepya tave shi dingilile, osheshi ovo va twa ondubo naame, Omwene osho ta ti.

JEREMIA 7:19

Ndele vati, Ame, tava ningi nge nai, Omwene osho ta ti, havo vene tave lififa ohoni moipafi yavo?

HESEKIEL 16:63

opo ove u shiive okudimbulukwa nokufya ohoni ndele ito makula vali okanya koye omolwohoni, Ame ngeenge handi ku longele ekwatakanifo omolwaaishe ei we i ningile, Omwene Kalunga ta ti.”

HESEKIEL 36:31

Opo nee nye otamu ka dimbulukwa okweenda kweni kwii noilonga yeni oyo ihe fi iwa. Ndele nye vene tamu ke linyonyodola omolwoulunde weni noixuna yeni.

HESEKIEL 5:10

Onghee hano ooxe ove noku ka lya ovana vavo mokati koye, ndele ovana tava ka lya ooxe. Ndele Ame ohandi ka wanifa omatokolo mwoove ndele aveshe ava tava xupu, ohandi ke va halakanifila keembinga adishe nhee domhepo.

HESEKIEL 6:12

Ou e li kokule ota ka fila moudu u nolutapo. Naau e li popepi ota ka ungulwa keongamukonda. Naau a xupa nokwa amenwa, ota ka fya kondjala. Osho ngaha ohandi ka wanifa ehandu lange muvo.

DANIEL 9:14

Osho nee Omwene okwa pashukila omupya opo Ye e tu undulile, osheshi Omwene Kalunga ketu, Ye omuyuki moilonga yaye aishe, he i longo, ndelenee fye inatu pwilikina ondaka yaye.

DANIEL 9:18

Kalunga kange, endeka okutwi kwoye Ove u ude, pashukifa omesho oye Ove u tale okuhalakanifwa kwetu noshilando sha lukilwa edina loye, osheshi ihatu eta omailikano etu koshipala shoye molwouyuki wetu, ndelenee omolwefilonghenda loye linene.

DANIEL 9:8

Omwene, fye neehamba detu novakulunhu vetu nootatekulu, ohatu fyohoni, osheshi fye otwa nyona kwoove.

AMOS 9:9

Osheshi tala, Ame ohandi yandje ondaka ndele handi ka fifa Israel mokati koiwana aishe ngaashi tapa fifwa nomushalo.

OVAROMA 6:21

Pomafiku enya omwa li mu noiimati ya tya ngahelipi? Oyo tuu ei mwe i fya ohoni paife. Osheshi exulilo loinima oyo olo efyo.

DEUTERONOMION 32:4

“Ye emanya; oilonga yaye oya wana ya pwa. Osheshi eendjila daye adishe do omatokolo. Oye Kalunga koudiinini, ndele ehe nowadi. Ye omuyuki nomunashili.

DEUTERONOMION 4:27

NOmwene ote ke mu halakanifila mokati koiwana, nokangudu kanini keni taka ka xupa po mokati koiwana, muyo Omwene te ke mu twala.