DANIEL 9:24 - Ombibeli Iyapuki

²⁴ Oivike omilongo heyali oya tokolelwa oshiwana shoye noshilando shoye shiyapuki. Opo nee eliteeko tali xulu po, nowii tau xulifwa po noilonga ii tai xulifwa po, nouyuki waalushe tau hololwa, ndele emoniko nexunganeko tali pamekwa noshihako, naau Omuyapuki e dule aveshe, ota vaekwa.

DANIEL 9:24 ပူးပေါင်းရင်းမြစ်များ

2 OMAFIMBO 29:24

Novapristeli ve i dipaa, nohonde yayo ngaashi etimbayambo ve i tila koaltari va kwatakanife Ovaisraeli aveshe. Osheshi ohamba ye va lombwela va yambele Israel ashishe exwikiloyambo netimbayambo.

OMAPSALOME 2:6

“Aame tuu ou nda nangeka ohamba yange muSion komhunda yange iyapuki.”

OMAPSALOME 45:7

Ove u hole ouyuki ndele to tondo oumbudi; onghee hano Kalunga, Kalunga koye, e ku vaeka nomaadi ehafo u dule oovakweni.

JESAJA 42:4

Ye mwene ita ka dima ngaashi ita ka teka po fiyo ota dikile eyukifilopangelo kombada yedu, neenhunhu domefuta otadi teelele elongo laye.

JESAJA 51:6

Yelulileni omesho eni keulu, nye mu tale poshi kombada yedu, osheshi eulu otali ka kana po ngaashi omwifi, nedu otali kulupa ngaashi oshikutu, noonakukala mulo otava xulu po ngaashi eemwe tadi fi, ndele exupifo lange otali kala alushe, ndelenee exupifo lange itali xulu po nande.

JESAJA 51:8

Osheshi otava ka tukwa keenhwishi ngaashi oshikutu, ndele tava ka tukwa keinyo ngaashi omalududi eedi, ndelenee ekulilo lange otali ka kala alushe nexupifo lange kepupi fiyo okepupi.

JESAJA 56:1

Omwene osho ota ti ngaha: “Diinineni epangelo liyuki ndele ningeni ouyuki, osheshi exupifo lange oli li popepi, nouyuki wange otau ka holoka.

JESAJA 61:1

Omhepo yOmwene, Omwene oi li kombada yange, osheshi Ye okwa vaeka nge ndi udifile omapongo ondaka yehafo, okwa tuma nge ndi mange ava ve na omutima wa nyanyaulwa, okwiingidila eenghwate emangululo naava ve li meemango, eyeuluko leedolongo;

OMAIMBILOKEMO 4:22

Okuhandukilwa kwoye omona okakadona Sion okwa xula. Oye ite ku efele vali moupika. Ndelenee owii woye, oove omona okakadona Edom, ote u kongolola po, ta holola omatimba oye.

HESEKIEL 28:12

“Kaana komunhu, imbila ohamba yaTirus eimbilokemo u tye kuyo. Omwene Kalunga ta ti ngaha: Ove wa li oshihakolinga sha lalakana shokufika pamwe u yadi ounongo ndele wa wanenena mewapalo.

HESEKIEL 4:5

Ndele Ame handi tula kombada yoye omido doulunde wavo, ohandi di ku valele omuvalu womafiku u fike pomafiku omafele atatu nomilongo omugoi. Osho hano u nokuhumbata oulunde weumbo laIsrael.

HESEKIEL 4:6

Ndele ove ngeenge wa xulifa omafiku aa, ove u nokunangela vali kombinga yokolulyo, opo u humbate oulunde weumbo laJuda omafiku omilongo nhee. Omudo keshe handi u ku valele efiku limwe.

LEVITIKUS 25:8

“Ove u nokuvala oivike iheyali yomido nokutya, omido heyali luheyali, opo di ninge omido omilongo nhee nomugoi.

LEVITIKUS 8:15

Ndele Moses okwe i toma nokwa kufa ohonde nokwa polola nomunwe waye keembinga doaltari nokwa kwatakanifa oaltari. Ndelenee ohonde ya xupa po, okwe i tila kombinga yokoshi yoaltari. Osho ngaha hano okwe i yapula moku i kwatakanifa.

SAKARIA 4:14

Ndele Ye ta ti: “Ovo ovavaekwa vavali hava kala ofika koshipala shOmupangeli wedu alishe.”

NUMERI 14:34

Pamuvalo womafiku enya mwa li okulava edu, omafiku omilongo nhee, efiku limwe tali yeleke omudo umwe, nye mu nokuhumbata okuhadulika kweni, omido omilongo nhee nokushiiva eshi oshike Ame ngeenge nde likufa po punye.

MATEUS 1:21

Ndele ye ota ka dala okamati, ndele to ke mu luka Jesus, osheshi Oye ta ka xupifa oshiwana shaye momatimba asho.”

MATEUS 11:13

Osheshi omaxunganeko aeshe ovaxunganeki nomhango oya xulila muJohannes;

MATEUS 4:5

Opo nee Satana e mu twala koshilando shiyapuki ndele te mu londeke koxulo yotembeli

MARKUS 1:24

tai ti: “Owa hala shike mufye, Jesus Omunasareti? Owe uya u tu hanaune po? Ondi ku shii, kutya Oove lyelye, Oove Omuyapuki waKalunga.”

LUKAS 1:35

Ndele omweengeli okwe mu nyamukula ta ti: “Omhepo Iyapuki otai ku dile kombada, neenghono daau wOkombadambada otadi ku tuvikile, onghee hano omudalwa ou omuyapuki ota ka lukwa Omona waKalunga.

LUKAS 21:22

Osheshi omafiku oo oehandu, opo aishe ei ya shangwa i wanifwe.

JOHANNES 1:41

Ye okwa shakena tete namumwaina Simon, ndele ta ti kuye: “Fye otwa mona Messias, otashi ti Kristus.”

JOHANNES 3:34

Osheshi ou a tumwa kuKalunga, oye ta popi eendjovo daKalunga, osheshi Kalunga ita yandje Omhepo ta yeleke.

OILONGA YOVAYAPOSTOLI 3:14

Ndele nye mwe lidimbika Omuyapuki nOmuyuki, nomwe lihalela omudipai.

OILONGA YOVAYAPOSTOLI 3:22

Osheshi naMoses okwa tile: ‘Omwene Kalunga ote mu pendulile omuxunganeki omoovakweni, ongaashi ame, ye omu noku mu uda moinima aishe te i mu lombwele.

OILONGA YOVAYAPOSTOLI 4:26

Eehamba dedu tadi fikama, novapangeli otava ongalele kumwe notava tu ondubo nOmwene nOmuvaekwa waye.’

OVAROMA 5:10

Hano ngeenge fye, fimbo twa li ovatondi vaKalunga twa kwatakanifwa naye molwefyo lOmona waye, hano unene tuu paife, eshi twa kwatakanifwa, ohatu xupifwa kokukalamwenyo kwaye eshi e nomwenyo.

1 OVAKORINTO 1:30

Ndelenee omuye mwa dja okukala kweni muKristus Jesus, ou e tu ningilwa ounongo kuKalunga, nouyuki neyapulo nekulilo,

OVAFILIPPI 3:9

ndele ndi monike ndi li muye, ndihe nouyuki wange mwene womomhango, ndelenee oyou womeitavelo laKristus, ouyuki tuu ou hau di muKalunga molweitavelo;

OVAKOLOSSI 1:20

ndele mokuninga ombili omolwohonde yomushiyakano waye ohandi ti: molwaye a hanganife aishe muye naai yokombada yedu naainya yomeulu.

OVAKOLOSSI 2:14

nokwa dima po eshangelo loipango la li li nondubo nafye, okwe li kufa po nokwe li valela komushiyakano.

OVAHEBERI 10:14

Osheshi neyambo limwe alike okwa wanifila alushe fiyo alushe ava tava ka yapulwa.

OVAHEBERI 2:17

Onghee hano Ye okwa li e nokufaafana novamwaxe moinima aishe, opo a ninge omupristeli omukulunhu omunamutimanghenda nomudiinini moilonga yaye yopuKalunga, Ye a longele ovanhu edimepo lomatimba.

OVAHEBERI 7:26

Heeno, omupristeli omukulunhu a tya ngaha okwe tu wapalela yo, omuyapuki ehe nomatimba, ke na nande oshipo, a yoololwa movalunde, nokwa ningwa munene a yelwa pombada yomaulu.

OVAHEBERI 9:26

osheshi ngeno kasha li ngaha, ngeno okwa li a wana okuhepekwa luhapu nghee tuu ounyuni wa shitwa. Ndelenee paife Oye a holoka lumwe aluke opexulilo lomafimbo ounyuni, a kufe po omatimba okeliyandjo laye mwene ngeyambo.

2 PETRUS 1:1

Simeon Petrus, omupiya nomuyapostoli waJesus Kristus, okwaavo va mona eitavelo li nondilo li fike puletu omouyuki waKalunga ketu nowOmukulili Jesus Kristus.

1 JOHANNES 3:8

Ndele ou ha longo oulunde, okwa dja muSatana, osheshi Satana nghee tuu a dja kehovelo, oha longo oulunde. Onghee hano Omona waKalunga a holoka, a hanaune po oilonga yaSatana.

EHOLOLO 14:6

Ndele nda mona omweengeli umwe a tuka pokati keulu ou e kwete evaengeli laalushe li nokuudifilwa kombada yedu novapaani aveshe nomapata aeshe nomalaka aeshe noiwana aishe.

EHOLOLO 3:7

“Nomweengeli weongalo lomuFiladelfia mu shangela, to ti: ‘Omuyapuki nOmunashili, ou e kwete oshapi yaDavid, ou ta yeulula nopehe na ou ta idile po, ndele ta idile po, ndele kape na ou ta yeulula po, Oye ta ti ngaha: