DANIEL 9:22 - Ombibeli Iyapuki

²² Ndele ye okwa longa nge ndele a tonga naame, ndele ta ti: “Daniel, ame onde uya paife, ndi ku pukulule, ove u ude ko.

DANIEL 9:22 ပူးပေါင်းရင်းမြစ်များ

DANIEL 10:11

Ndele ye okwa lombwela nge ta ti: “Daniel, omulumenhu muwa, uda eendjovo edi handi ku lombwele, ndele fikama po kala ofika, osheshi paife ame onde ku tuminwa.” Ndele fimbo ta popi naame ondjovo ei, ame onda yambuka nda kala ofika nohandi kakama.

DANIEL 10:12

Opo ye a tya kwaame: “Ino kala wa tila, Daniel, osheshi okudja kefiku lotete eshi omutima woye we u endekela okushiiva nokulininipika koshipala shaKalunga koye, eendjovo doye oda udika. Nomolweendjovo doye ame onde uya.

DANIEL 10:14

Ame onde uya ndi ku shiivifile oshiwana shoye eshi tashi ka ningwa momafiku axuuninwa, osheshi emoniko yo eli tali xunganeke efimbo li li komesho kokule.”

DANIEL 10:21

Ndele ohandi ke ku shiivifila eshi shi li mo, sha shangelwa membo loshili. Ndele kape na ou a ama kwaame moinima ei, Mikael aeke, omweengeli omukulunhu weni.”

DANIEL 7:16

Ndele ame onda ehena popepi naumwe wa venya va kala ofika penya, ndele nde mu pula ndi shiive oshili yoinima aishe ei. Ndele ye okwe i lombwela nge ndele a tomonena nge oinima inya.

DANIEL 8:16

Ndele ame onda uda ondaka yomunhu ya dja pokati komulonga waUlai, oya ingida ndele tai ti: “Gabriel, emoniko eli li tomonena ou e li po.”

AMOS 3:7

Osheshi Omwene Kalunga ita ningi sha fimbo ina hololela ovapiya vaye ovaxunganeki omhangela yaye.

SAKARIA 1:14

Opo nee omweengeli, ou a popya naame, okwa lombwela nge, ndele ta ti: “Udifa u tye: Omwene womatanga ovakwaita ota ti ngaha: Ame ohandi fi ouladi okukondjela Jerusalem naSion nouladi unene.

SAKARIA 1:9

Ame onda pula: “Omwene, eshi otashi ti ngahelipi?” Nomweengeli ou a popya naame, okwa nyamukula nge, ta ti: “Ohandi ke ku ulikila osho tashi ti.

EHOLOLO 4:1

Konima yoinima ei onda mona, tala, oshivelo sha yeuluka meulu, nondaka inya yotete, nde i udile tai popifa nge ngaashi ondaka yenghuma, oya tya: “Ila oku pombada, ndele handi ku ulikile osho shi nokuningwa komesho.”