DANIEL 9:21 - Ombibeli Iyapuki

²¹ fimbo handi popi natango meilikano, omulumenhu winya, Gabriel, ou nde mu monene memoniko lange linya, okwe uya kwaame ta endelele e uya popepi nefimbo leyambo longuloshi.

DANIEL 9:21 ပူးပေါင်းရင်းမြစ်များ

1 EEHAMBA 18:29

Ndele etango eshi la dja pokati komutwe, ova hangika komhepo yepwiduko fiyo okefimbo olo eendjayambo tadi yambwa. Ndelenee inapa holoka nande ondaka ile ou ta nyamukula, kape neudo.

1 EEHAMBA 18:36

Ndele otundi eshi ya fika, eendjayambo da li di nokuyambwa, omuxunganeki Elia okwa ehena ko ndele ta ti: “Omwene, Kalunga kaAbraham, Isak naJakob, nena eli liholola kutya oove Kalunga wa kala muIsrael, naame omupiya woye ndele oinima aishe ei nde i ninga pandjovo yoye.

OMAPSALOME 103:20

Ovaengeli vaye nye, hambeleleni Omwene, ovaladi ovanaenghono nye, oonakuwanifa ondaka yaye, ava hamu dulika kelombwelo leendjovo daye!

OMAPSALOME 104:4

ou, ho ningi eemhepo ovatumwa voye, nomalaka omundilo oo ovapiya voye.

OMAPSALOME 141:2

Eindilo lange nali talwe kwoove, olo etwimino, neyelulo lomaoko ange, olo eyambo longuloshi.

EXODUS 29:39

Odjona imwe u noku i yamba ongula nodjona ikwao u noku i yamba onguloshi

JESAJA 6:2

Ovaserafi ova kala ofika kombada yaye; nakeshe umwe okwa li e nomavava ahamano: nomavava avali okwa uvika oshipala shaye nomavava avali okwa uvika eemhadi daye, nomavava avali a tuka nao.

HESEKIEL 1:11

Ndele omavava ayo a li a tanganana a yuka pombada. Keshe shimwe sha li shi nomavava avali a twaafana, naavali ya tuvika nayo omalutu ayo.

HESEKIEL 1:14

Ndele oinamwenyo ya vilauka kombinga nombinga nokutalwa ngaashi oluvadi.

HESEKIEL 14:14

nonande ovalumenhu aveshe ava vatatu, Noa, Daniel naJob va kale ngeno mokati kasho, vo otave lixupifile eemwenyo davo adike, Omwene Kalunga ta ti.

DANIEL 10:10

Ndele tala, eke la kuma nge, ndele la yambula nge nda twa eengolo nda kolelela pedu.

DANIEL 10:16

Ndele tala, umwe a fomunhu okwa kuma nge komilungu dange. Opo ame nda makula okanya kange, ndele handi popi handi lombwele ou, a kala ofika koshipala shange, handi ti: “Mwene wange, omolwemoniko nda kwatwa koudjuu, ndele kandi neenghono vali.

DANIEL 10:18

Opo nee winya a fomunhu okwa kuma nge vali, ndele ta pamekulula nge.

DANIEL 8:16

Ndele ame onda uda ondaka yomunhu ya dja pokati komulonga waUlai, oya ingida ndele tai ti: “Gabriel, emoniko eli li tomonena ou e li po.”

DANIEL 8:18

Ndele fimbo ta popi naame, ame onda fya ombabanghukuta, onda wila eombe pedu. Opo nee ye okwa kuma nge ndele ta kaleke nge ofika.

MATEUS 27:46

Ndele potundi onhimugoi Jesus okwa ingida mokule ndele ta ti: “Eeli, Eeli, lama sabaktani?” Nokutya: Kalunga kange, Kalunga kange, oshike wa ekela nge shi?

LUKAS 1:19

Ndele omweengeli okwe mu nyamukula ta ti: “Aame Gabriel, ou handi kala ofika koshipala shaKalunga, ndele onda tumwa ndi ku popife, ndi ku udifile ondaka ei yehafo.

LUKAS 1:26

Ndele mohani onhihamano omweengeli Gabriel okwa tumwa kuKalunga a ye koshilando shomuGalilea, edina lasho Nasaret,

OILONGA YOVAYAPOSTOLI 10:3

Ye okwa mona nawa memoniko, omutenya potundi onhimugoi omweengeli waKalunga te uya kuye, ndele ta ti kuye: “Kornelius!”

OILONGA YOVAYAPOSTOLI 10:9

Ndele mefiku lomongula eshi va li mondjila nove lishilila koshilando, Petrus okwa londa kombada yongulu potundi onhimugoi, a ka ilikane.

OILONGA YOVAYAPOSTOLI 12:7

Ndele tala, omweengeli wOmwene okwa kala ofika puye, nouyelele wa minikila modolongo, omweengeli okwa twa Petrus molupati, e mu pendula, ta ti: “Fikama diva!” Omalyenge a wa ko komaoko aye.

OILONGA YOVAYAPOSTOLI 3:1

Ndele Petrus naJohannes ova ya motembeli pefimbo leilikano potundi onhimugoi.

OVAHEBERI 1:14

Ovo aveshe kave fi eemhepo dokuyakula, va tuminwa eyakulo laavo tava ka fyuulula exupifo?

OVAHEBERI 1:7

Novaengeli te va tongo ngaha: “Ovaengeli vaye ote va shitukifa eemhepo novapiya vaye omalaka omundilo.”

EHOLOLO 9:17

Osho ngaha nda mona memoniko eenghambe, naava ve di londa, ovo va li ve noipakotolwa peenhulo ya tilyana ngaashi omundilo, naimbulau ya fa safir, naitwima ya fa osulfuri, nomitwe deenghambe oda fa omitwe deenghoshi, nomomakanya ado omwa dja omundilo nomwifi nosulfuri.