DANIEL 9:20 - Ombibeli Iyapuki

²⁰ Fimbo ame handi popi natango ndele handi ilikana nohandi hepaulula omatimba ange nomatimba oshiwana shange, Israel, ndele handi eta koshipala shOmwene Kalunga kange omaindilo ange, handi indilile omhunda iyapuki yaKalunga kange,

DANIEL 9:20 ပူးပေါင်းရင်းမြစ်များ

ESRA 10:1

Ndele fimbo Esra ta indile ndele ta wile eombe mokulila, ndele ta hepaulula komesho yongulu yaKalunga, muIsrael mwa dja ongudu inene yovalumenhu noyovakainhu nounona tave uya kuye, osheshi ovanhu va lila nokulililila.

NEHEMIA 1:6

okutwi kwoye naku ude nomesho oye naa pashuke, u pwilikine omailikano omupiya woye, ame eshi handi ilikanene koshipala shoye omutenya noufiku ovana vaIsrael, ovapiya voye, nokuhepaulula omatimba ovana vaIsrael, aa twa nyona kwoove; naame yo neumbo lange la nyona.

OMAPSALOME 145:18

Omwene oku li popepi naaveshe, have mu ifana, aveshe ava have mu ifana moshili.

OMAPSALOME 32:5

Opo nee onde ku hepaululila omatimba ange, noulunde wange inandi u holeka, nda tya: “Onda hala ndi hepaululile Omwene omanyono ange”; opo ove owa kufila nge po owii womatimba ange. Sela

OMUUDIFI 7:20

Osheshi kombada yedu kape na nande omunhu omuyuki, ou ha ningi ngeno ouwa auke, ndele ita nyono.

JESAJA 56:7

ohandi ke va twala komhunda yange iyapuki, ndele handi ke va hafifa mongulu yange yeilikano, omaxwikiloyambo nomatomenoyambo otaa ka wapalela nge keyambelo lange, osheshi ongulu yange i nokwiifanwa ongulu yeilikano yoiwana aishe.”

JESAJA 58:9

Efiku olo ove to ka ifana ndele Omwene ote ke ku nyamukula, ove noto mu kuwile onghuwo, ndele Ye ota ka tya: Aame ou, ndi li apa! Ngeenge ove to taataa efininiko munye, ndele ito aneke vali nomunwe woye nokupopya omalundilo,

JESAJA 6:5

Opo nee ame nda tya: “Woo aame! Onda kana, osheshi aame omunhu ndi nomilungu da nyata nonda kala mokati kovanhu ve nomilungu da nyata; osheshi omesho ange okwa mona Ohamba, Omwene womatanga ovakwaita.”

JESAJA 65:24

Ndele fimbo inava ifana nge, Ame ohandi ke va itavela, nomanga tava popi, Ame onda uda ko.

DANIEL 10:12

Opo ye a tya kwaame: “Ino kala wa tila, Daniel, osheshi okudja kefiku lotete eshi omutima woye we u endekela okushiiva nokulininipika koshipala shaKalunga koye, eendjovo doye oda udika. Nomolweendjovo doye ame onde uya.

DANIEL 10:2

Pomafiku enya ame, Daniel, onda li nda nyika oluhodi oivike itatu.

DANIEL 11:45

Ndele yo otai ka dika ofaila youhamba wayo pokati kefuta nomhunda iyapuki yotembeli. Ndelenee exulilo layo otali i hange, ndele kape na ou te i kwafa.”

DANIEL 9:16

Akutu Omwene, molwouyuki woye kandula po ehandu loye noupyuhandu woye koshilando shoye Jerusalem, omhunda yoye iyapuki, osheshi omolwomanyonauno etu nowii wootatekulu Jerusalem noshiwana shoye sha ninga ondjovo yesheko mokati kovanhu aveshe ve tu dingilila.

SAKARIA 8:3

Omwene osho ta ti: Ame ohandi shuna kuSion, ndele handi ka kala meni laJerusalem. Ndele Jerusalem tashi ka ifanwa: Oshilando shidiinini, nomhunda yOmwene womatanga ovakwaita otai ka ifanwa: Omhunda iyapuki.

OILONGA YOVAYAPOSTOLI 4:31

Hano eshi va dimbuka okwiilikana, onhele ei apa va ongala, oya kakama, vo aveshe ova yadifwa Omhepo Iyapuki, ndele va popya nouladi eendjovo daKalunga.

OVAROMA 3:23

Osheshi aveshe ova nyona, novehe noshinge shaKalunga,

JAKOB 3:2

osheshi fye atushe ohatu puka luhapu. Ngeenge ope na ou iha puka meendjovo, oye omulumenhu a wanenena, ta dulu yo okupangela olutu laye alishe.

EHOLOLO 21:10

Ndele momhepo okwa twala nge komhunda inene noile unene, ndele okwa ulikila nge Oshilando shiyapuki, Jerusalem, sha kuluka sha dja meulu kuKalunga.

EHOLOLO 21:2

Ndele ame nda mona oshilando shiyapuki, Jerusalem Shipe, sha kulukila pedu, sha dja meulu kuKalunga, sha wapalekwa ngaashi omuvalekwa a djalekelwa omulumenhu waye.