DANIEL 9:18 - Ombibeli Iyapuki

¹⁸ Kalunga kange, endeka okutwi kwoye Ove u ude, pashukifa omesho oye Ove u tale okuhalakanifwa kwetu noshilando sha lukilwa edina loye, osheshi ihatu eta omailikano etu koshipala shoye molwouyuki wetu, ndelenee omolwefilonghenda loye linene.

DANIEL 9:18 ပူးပေါင်းရင်းမြစ်များ

1 EEHAMBA 8:29

Omutenya noufiku omesho oye naa pashukile ongulu ei, onhele ei we i hoolola okufimanekelwa mo. Ude nge ngeenge handi taalele otembeli nokwiilikana.

2 EEHAMBA 19:16

Akutu Omwene, ameka okutwi kwoye, ove u ude ko. Pashula omesho oye, Omwene, u tale. Ndele uda eendjovo daSanheerib, ou a tuma okusheka Kalunga omunamwenyo!

OMAPSALOME 116:1

Ondi hole Omwene, osheshi oha udu ondaka yange nokwiilikana kwange;

OMAPSALOME 25:6

Omwene, dimbulukwa efilonghenda loye nolukeno loye, osheshi oyo oya kala po nalenale.

EXODUS 3:7

NOmwene ta ti: “Ame onda mona okuhepekwa kwoshiwana shange, eshi shi li muEgipiti. Naame onda uda onghuwo yavo omolwovafininiki, heeno, ondi wete oudjuu wavo.

JESAJA 37:17

Akutu Omwene, ameka okutwi kwoye, Ove u ude ko; pashula omesho oye, Omwene, Ove u tale. Pwilikina eendjovo daSanheerib adishe e di tumina okusheka Kalunga omunamwenyo.

JESAJA 43:7

keshe ou a lukilwa nge nonde mu shitila efimano lange, nde mu ninga nonde mu wapaleka.”

JESAJA 64:12

Nande ongaha Omwene, oto dulu tuu okulididimika, oto dulu tuu okumwena noku tu findila poshi fiyo alushe?

JESAJA 64:6

Ndelenee fye atushe otwa li ngaashi ovanyatekwa, nouyuki wetu aushe owa kala ngaashi oshikutu sha kaka. Otwa kukuta ngaashi omafo, nomanyonauno etu okwe tu twala ngaashi omhepo.

JEREMIA 14:7

Oilonga yetu ii nande tai tu tomhele oulunde, wanifa oshilonga shoye, Omwene, omolwedina loye, osheshi omaliteeko etu omahapu, fye twa nyona kwoove.

JEREMIA 14:9

Oshike Ove u li ngaashi omulumenhu a haluka, ngaashi omuladi ou ita dulu okukwafa? Ndelenee Ove tuu ou li mokati ketu, Omwene, nafye otwe ku lukilwa. Ino tu efa ngaho.

JEREMIA 15:16

Eendjovo doye oda hanga nge, ame onde di lya nde di pona. Ndele eendjovo doye oda li kwaame enyaku nehafo lomutima wange, osheshi ame onda lukilwa edina loye, Omwene, Kalunga komatanga ovakwaita.

JEREMIA 25:29

Osheshi tala, ehanauno ohandi li hovele moshilando eshi sha lukilwa edina lange; nye otamu kala ngeno inamu handukilwa? Onye itamu kala itamu handukilwa, osheshi kombada yoonakukala aveshe kedu ohandi ifana eongamukonda, osho Omwene womatanga ovakwaita ta popi.

JEREMIA 36:7

Kashiimba mokwiilikana nokulinyongamena kOmwene tava ka ilikana, keshe umwe te lialuluka kondjila yaye ii. Osheshi ehandu laye noupyuhandu waye udjuu, Omwene a hala okuhandukila ovanhu ava.”

JEREMIA 37:20

Hano paife omwene wange, ohamba, pwilikina! Eindilo lange nali fike koshipala shoye, ino shunifa nge vali mongulu yaJonatan, omushangi, opo ndiha file mo.”

HESEKIEL 36:22

“Onghee hano lombwela eumbo laIsrael u tye: Omwene Kalunga ta ti ngaha: Akutu eumbo laIsrael, Ame ihandi shi ningi molweni, ndelenee omolwedina lange liyapuki, mwe li shekifa moiwana, keshe tuu oku mwe uya.

HESEKIEL 36:32

Ame ihandi shi ningi omolweni, Omwene Kalunga ta ti, kaleni mu shi shii! Fyeni ohoni nokulinyonyodola molwokweenda kweni, eumbo laIsrael.”

DANIEL 9:7

Omwene, Oove omuyuki, ndelenee fye ohatu fyohoni ngaashi i li nena eli, heeno, ovalumenhu vomuJuda noonakukalamo muJerusalem, nOvaisraeli aveshe ava vopopepi naavenya vokokule vomoilongo aishe oko we va halakanifa, ohava fyohoni omolweliteeko eshi vo ve ku liteeka.

NUMERI 6:27

Osho ngaha hano edina lange ve noku li tula kovana vaIsrael. Ndele Ame nda hala oku va nangeka noupuna.’ ”

1 OVAKORINTO 1:2

Okeongalo laKalunga lomuKorinto, okovayapulwa muKristus Jesus, ovo ovaifanwa novayapuki pamwe naava aveshe hava kuwile ekwafo ledina lOmwene wetu Jesus Kristus meenhele adishe, davo nodetu.