DANIEL 9:14 - Ombibeli Iyapuki

¹⁴ Osho nee Omwene okwa pashukila omupya opo Ye e tu undulile, osheshi Omwene Kalunga ketu, Ye omuyuki moilonga yaye aishe, he i longo, ndelenee fye inatu pwilikina ondaka yaye.

DANIEL 9:14 ပူးပေါင်းရင်းမြစ်များ

2 OMAFIMBO 12:6

Opo nee ovakulunhu vaIsrael nohamba ve lininipika ndele tava ti: “Omwene Ye omuyuki.”

ESRA 9:15

Omwene Kalunga kaIsrael, Oove omuyapuki. Osheshi ofye atuke tu li efiku lonena ovamangululwa, twa xupa. Fye otu li po apa tu nombedi koshipala shoye, ndelenee omolwoinima ya tya ngaha kape na ou ta dulu okukala po koshipala shoye.”

NEHEMIA 9:33

Ndelenee Ove omuyuki mwaashishe she tu hanga, osheshi Ove wa li omudiininini moilonga yoye, ndelenee fye twa li ovahenakalunga.

OMAPSALOME 111:7

Oilonga yomake aye, oyo oudiinini nouyuki, omapangelo aye aeshe oku shii kulineekelwa,

OMAPSALOME 116:5

Omwene Oye omunanghenda nomuyuki, ndele Kalunga ketu Ye omunalukeno.

OMAPSALOME 119:137

Omwene Oove omuyuki, nomatokolo oye okwa yuka.

OMAPSALOME 51:14

Kalunga, Kalunga kexupifo lange, kufe nge metimba lohonde, elaka lange, lo li hambelele oudiinini woye.

EXODUS 9:27

Opo nee Farao okwa ifana Moses naAron ndele ta ti kuvo: “Ame nda nyona paife. Omwene Ye omuyuki, ndelenee fye novanhu vange tu netimba.

JEREMIA 12:1

Omwene, Oove omuyuki, ame ohandi dulu tuu mbela oku ku twifa eemhata? Ndele onda hala ndi ku pule oshili i li peni moinima ei: omolwashike mondjila yovalunde omu nelao? Nomolwashike ovaliteeki aveshe ve li nombili?

JEREMIA 31:28

Ngaashi nda pashuka ndi va dude mo nondi va ngumaune po nondi va hanaune po nondi va etele oshiponga, osho handi ka pashuka, ndi va tunge nondi va twike, Omwene osho ta ti.

JEREMIA 4:17

Ngaashi ovakeleli vepya tave shi dingilile, osheshi ovo va twa ondubo naame, Omwene osho ta ti.

JEREMIA 44:27

Taleni, ohandi pashuka ndelenee owii kuvo, hauwa, nOvajuda aveshe ve li muEgipiti otava nyonaunwa po keongamukonda nokondjala fiyo va hanaunwa po filufilu.

OMAIMBILOKEMO 1:5

Oonakutwondubo ova dula. Ovatondadi vasho ova hepuluka. Osheshi Omwene okwe shi nyikifa oluhodi omolwouhapu womatauluko asho. Ovana vasho ova ya moupika, va twalwa mo kovatondi vavo.

HESEKIEL 16:43

Ove eshi ino dimbulukwa omafiku enya ounyasha woye ndele wa pendula ehandu lange noinima ei aishe, tala, osho naame yo ohandi wilifa okweenda kwoye komutwe woye, Omwene Kalunga ta ti. Mboli ove ino ninga oshififahoni kombada yoixuna yoye aishe?

DANIEL 4:34

“Ndele efimbo eli eshi la xula po, ame Nebukadnesar, onda yelula omesho ange keulu, ndele eendunge dange oda alukila nge, ndele nda pandula ou wOkombadambada, ndele nda hambelela nokufimaneka ou ta kala fiyo alushe, ou e nepangelo tali kala fiyo alushe, noshilongo shaye tashi kala fiyo okoludalo noludalo.

DANIEL 9:7

Omwene, Oove omuyuki, ndelenee fye ohatu fyohoni ngaashi i li nena eli, heeno, ovalumenhu vomuJuda noonakukalamo muJerusalem, nOvaisraeli aveshe ava vopopepi naavenya vokokule vomoilongo aishe oko we va halakanifa, ohava fyohoni omolweliteeko eshi vo ve ku liteeka.