DANIEL 9:13 - Ombibeli Iyapuki

¹³ Ngaashi mwa shangwa momhango yaMoses, osho yo omupya aushe ou we uya kombada yetu. Ndele fye inatu indila onghenda kOmwene, Kalunga ketu, opo fye tu lidilulule mowii wetu notu tale nawa oshili yaye.

DANIEL 9:13 ပူးပေါင်းရင်းမြစ်များ

2 EEHAMBA 22:16

Omwene ta ti ngaha: “Tala, Ame ohandi tumine onhele ei noonakukalamo omupya, heeno, eendjovo adishe domembo, ohamba yaJuda ye li lesha.

JOB 36:13

Ndelenee ovahenakalunga tave lidike ehandu, vo itava kuu onghuwo, Ye eshi e va kwata.

OMAPSALOME 119:18

Pashukifa omesho ange, opo ndi mone oikumwifa, ei i li momhango yoye.

OMAPSALOME 119:27

Konekife nge ondjila, ei nda udikilwa komalombwelo oye; opo ndi dilakane oikumwifalonga yoye;

OMAPSALOME 119:73

Omake oye okwa shita nge, a wapeka nge. Longe nge omayele, ndi lilonge oipango yoye.

OMAPSALOME 85:4

Kalunga kexupifo letu, tu pamekulula, noku tu umanena kwoye, ku pungulula po.

JESAJA 31:1

Woo ava, tava i kuEgipiti va ka konge ekwafo, ndele have lineekele eenghambe, ve lineekela omatemba olwoodi, osheshi oo omahapu, novalondi veenghambe, shaashi ovahapu, ndelenee itava tala kOmuyapuki waIsrael, ndele ihava kongo Omwene.

JESAJA 42:9

Tala, ei ikulu oya wanifwa, ndele ei ipe ohandi i holola; fimbo inai twiyuka, ohandi i mu shiivifile.”

JESAJA 43:22

“Ndelenee, akutu Jakob, ove ino ifana nge, naave Israel, ino lihepekela nge.

JESAJA 64:6

Ndelenee fye atushe otwa li ngaashi ovanyatekwa, nouyuki wetu aushe owa kala ngaashi oshikutu sha kaka. Otwa kukuta ngaashi omafo, nomanyonauno etu okwe tu twala ngaashi omhepo.

JESAJA 64:7

Ndele inapa kala nande umwe ou a ifana edina loye, ou a penduka okukanyatela kwoove, osheshi owe tu holeka oshipala shoye, ndele we tu efela tu notelwe koulunde wetu.

JESAJA 9:13

Ndelenee ovanhu inava alukila kwaau te va denge, ngaashi itava kongo Omwene womatanga ovakwaita.

JEREMIA 2:30

Ovana veni ovamati onde va dengela epwanga, osheshi inava dulika komakumaido ange. Omaongamukonda eni okwa lya ovaxunganeki ngaashi onghoshi tai li.

JEREMIA 30:14

Ovaholike voye aveshe ove ku dimbwa. Vo itave ku pula vali. Osheshi Ame onde ku denga ngaashi omutondadi ta dengwa nehandukilo lidjuu, osheshi okunyona kwoye okunene nomatimba oye omahapu.

JEREMIA 31:18

Heeno oshili, Ame onda uda Efraim ta lili ta ti: ‘Ove owa denga nge, ndele ame nda itavela edengo loye, ngaashi onhana inai dulika. Alule nge, ndi aluke, osheshi Oove Omwene Kalunga kange.

JEREMIA 44:23

Osheshi nye omwa xwika omayambo nomwa nyona kOmwene, ndele inamu dulika kondaka yOmwene nye inamu enda pamhango, pamalombwelo nopamaufo aye, onghee hano omupya ou owe mu hanga ngaashi u li paife.”

JEREMIA 44:27

Taleni, ohandi pashuka ndelenee owii kuvo, hauwa, nOvajuda aveshe ve li muEgipiti otava nyonaunwa po keongamukonda nokondjala fiyo va hanaunwa po filufilu.

JEREMIA 5:3

Omwene, omesho oye inaa tala tuu oudiinini? Ove owe va denga ndele vo ova kala kave udite ouyehame. Ove owe va teya po, ndelenee vo ova anya okudulika. Oshipala shavo ove shi kukutika shi dule emanya, ndelenee inava tambula ehandupukululo.

OMAIMBILOKEMO 5:21

Tu alulila kwoove, Omwene, opo fye ohatu ka alukila ko; shitukifa omafiku etu a kale ngaashi shito.

HESEKIEL 16:43

Ove eshi ino dimbulukwa omafiku enya ounyasha woye ndele wa pendula ehandu lange noinima ei aishe, tala, osho naame yo ohandi wilifa okweenda kwoye komutwe woye, Omwene Kalunga ta ti. Mboli ove ino ninga oshififahoni kombada yoixuna yoye aishe?

DANIEL 9:11

Ndelenee Ovaisraeli aveshe ova tauluka omhango yoye, ndele ova yapuka mo, osheshi inava pwilikina ondaka yoye. Onghee hano nefingo neano le tu tililwa eli la shangelwa momhango yaMoses, omupiya waKalunga, osheshi ofye twa nyona kuye.

HOSEA 7:10

Heeno, ounhwa waIsrael tau mu pe oushima, ndele itava alukile kOmwene, Kalunga kavo, ndele itave mu kongo, nande pe li ngaha.

HOSEA 7:14

Itava ifana nge komitima davo, ndelenee hava yayaana momitala davo. Ohava ongalele oilya nomaviinyu. Ove nondubo naame.

HOSEA 7:7

Ovo aveshe va hanya ngaashi ediko, ndele tava xulike po ovatokoli vavo. Eehamba davo adishe da xutuka. Mokati kavo kape na nande umwe ta ifana nge.

LUKAS 24:45

Opo nee Ye okwe va fatululila eendunge davo okushiiva omishangwa.

JOHANNES 10:35

Oye ngeenge ta ifana venya va pewa eendjovo daKalunga, ookalunga, nomishangwa itadi dulu okudimwa po,

JOHANNES 6:45

Movaxunganeki mwa shangwa: ‘Ndele aveshe tava ningi va longwa kuKalunga.’ Keshe tuu ou e liudila kuTate ndele a longwa kuye, oye te uya kwaame.

JOHANNES 8:32

ndele tamu ka shiiva oshili, noshili otai mu mangulula.”

OVAEFESO 4:21

ngeenge mwe mu uda nomwe mu longwa oshili ngaashi ya kala muJesus:

DEUTERONOMION 29:4

Ndelenee Omwene ine mu pa omutima okushiiva, nomesho okumona nomatwi okupwilikina fiyo onena.

JAKOB 1:5

Ndele ngeenge umwe womunye okwa hepa ounongo, ne u indile kuKalunga ou e hole okuyandjela aveshe nokuhe nokungongota, opo nee ote u pewa.