DANIEL 8:9 - Ombibeli Iyapuki

⁹ Ndelenee mulimwe lomudo omwa pita okaluvinga ka li tete kanini. Ndelenee oka kula unene lwokoumbuwanhu nolwokoushilo nolwokedu la wapala.

DANIEL 8:9 ပူးပေါင်းရင်းမြစ်များ

OMAPSALOME 105:24

Opo Kalunga okwa hovela okuhapupalifa ovanhu vaye, ndele te va pameke ve dule ovafininiki vavo eenghono.

OMAPSALOME 48:2

Moumbangalanhu omhunda yaSion otai litumbu pombada mewapalo, oyo ehafo ledu alishe, oyo oshilando shohamba inene.

JEREMIA 3:19

“ ‘Ame onda li nda diladila: “Akutu, onda hala oku ku nangeka mokati koludalo lange, ndi ku pe edu liwa linyenye li ninge efyuululo la wapala, li dule oilongo aishe mokati koiwana aishe.” Ndele onda diladila yo: “Oto kala nokwiifana nge: Tate! Ndele ito ka efa okushikula nge.”

HESEKIEL 20:15

“Onghee hano Ame nde va yelulilile yo eke lange mombuwa, opo Ame ndihe va twale moshilongo osho shi yadi omashini nomaadi eenyiki, osho efimano mokati koilongo aishe.

HESEKIEL 20:6

Mefiku tuu linya Ame nde va yelulila eke lange, ndi va pitife mo muEgipiti noku va twala koshilongo, nde shi va kongela, oshilongo shi yadi omashini nomaadi eenyiki, osho efimano mokati koilongo aishe.

DANIEL 11:16

Ndele ou, te shi lwifa ta di koumbangalanhu ota ningi eshi a hala, ndele kape na ou ta dulu okulipopila kuye. Oye ta ka tula mo mOshilongo sha wapala, nehanauno tali uya momake aye.

DANIEL 11:21

Opo nee ponhele yaye tape uya umwe omukolokoshi, ou vo itave mu pe efimano lohamba. Ndelenee oye te ke uya mefaukilo, noshilongo ote shi laipike nelungi.

DANIEL 7:8

Fimbo ame handi tale nawa eembinga odo, tala, pokati kado pa mbaduka oluvinga linini, neembinga nhatu domudikwao oda dudwa mo. Ndele tala, moluvinga eli omwa li mu nomesho, a fomesho omunhu, nokanya taka popi oinima inene.

SAKARIA 7:14

Ndelenee Ame ohandi ke va pepa po nomhepo inene noku ve lihanifila noiwana aishe ei inai shiivika kuvo, fimbo oshilongo tashi ningi eputu konima yavo, paha kale vali ou te uya mo ile ou ta piti mo. Osho ngaha oshilongo shiwa sha wapala, ovo ve shi ninga ofuka.”