DANIEL 8:8 - Ombibeli Iyapuki

⁸ Ndele eenghono doshikombo da ninga dinene unene. Ndelenee eshi sha ninga eenghono, oluvinga eli linene ola teka, ndele ponhele yalo opa pita eembinga nhee dinene tadi ulike keemhepo nhee dounyuni.

DANIEL 8:8 ပူးပေါင်းရင်းမြစ်များ

2 OMAFIMBO 26:16

Ndelenee ye eshi a ninga omunaenghono, omutima waye e u nenepeka, onghee a ninga osho inashi yuka nande, ndele a nyona kOmwene Kalunga kaye. Osheshi a ya mo motembeli yOmwene ndele ta twiminine oitwiminifo koaltari yokutwimina.

ESTER 9:4

Osheshi Mordekai kwa li a kula mouhamba wohamba, netumbalo laye la tandavela moitukulwalongo aishe, shaashi omulumenhu Mordekai okwa ehena komesho moulenga.

JEREMIA 49:36

Ndele Elam ohandi shi pepifile eemhepo nhee dokeembinga nhee dokeulu, ndele handi ke va halakanifila meemhepo odo adishe. Ndele itapa kala oshiwana shimwe, musho inamu ya onakutewa mo muElam.

JEREMIA 5:27

Ngaashi omhu i yadi oudila, osho yo omaumbo avo e yadi ekonda; panghedi ei ova ninga ovanenenhu noipuna.

HESEKIEL 16:7

Ame nde ku hapupalifa, ngaashi omumeno womepya muhapu uhe shii kuvalwa! Ndele ove wa kula, wa kulilila, ndele wa fika mouwa wa wapalelela, omavele oye a tumba neexwiki dokomutwe dakula. Ndele natango ove wa li hamunghele uhe na sha.

HESEKIEL 28:9

Ove oto ka tya tuu moipafi yaau te ku dipaa, nokutya: “Aame kalunga,” nande ove omunhu, momake aava tave ku tu, ove ku fi kalunga?

DANIEL 11:4

Ndele fimbo inai kalela okutandavelifa epangelo layo, oshilongo shayo otashi ka teywa po, ndele tashi ka taulilwa eemhepo nhee dounyuni. Itashi nangalwa komunhu womepata laye, ye e shi tekule, ngaashi ya li i shi kwete, oshilongo shayo otashi ka hanaunwa po, ndele tashi pewa vamwe, havavenya vepata layo.

DANIEL 4:31

Ohamba manga inai mana okupopya eendjovo odo, ondaka oya dja meulu tai ti: “Ove, ohamba Nebukadnesar, oto lombwelwa: oshilongo we shi kufwa.

DANIEL 5:20

Ndelenee omutima waye eshi we linenepeka nomhepo yaye eshi ye litumba mokulikukutika, oye okwa tewa mouhamba ndele a kufwa yo efimano laye.

DANIEL 7:2

Daniel okwa popya ndele ta ti: “Oufiku ame onda mona memoniko, ndele tala, eemhepo nhee dokeulu oda tukulula Efuta Lopokati.

DANIEL 7:6

Konima onda mona, ndele tala, okwa li vali shimwe sha fongwe, sha li shi nomavava ane odila kombuda yasho. Oshilyani eshi osha li yo nomitwe nhee, ndele osha pewa eenghonopangelo.

DANIEL 8:22

Ndele linya eshi la teka po noponhele yalo opa pita eembinga nhee, nokutya oilongo ine tai ka holoka moshiwana shayo, ndelenee hameenghono dayo.

DANIEL 8:5

Fimbo handi tale nokutongolola, tala, oshikombo oshitwedi sha dja kouninginino she uya kombada yedu alishe, sha enda sha vavala. Oshikombo osha li shi noluvinga linene pokati komesho.

DANIEL 8:7

Ndele ame nde shi mona nhumbi tashi uya kodi oyo yondume, nomoupyu wehandu osha twa odi oyo ndele tashi teyaula po eembinga dayo mbali. Ndele modi oyo yondume kamwa li eenghono oku shi dula, ndele osho she i nata po noshe i lyataula. Ndele kapa li nande umwe a xupifa odi meenghono dasho.

MATEUS 24:31

ndele ta tumu ko ovaengeli vaye ve nomanghuma e neendaka dopombada, ndele tava ongele ko ovahoololwa vaye keembinga nhee, okominghulo deulu fiyo okudikwao.

MARKUS 13:27

Ndele Ye ota tumu ovaengeli vaye, ndele tava ongele ovahoololwa vaye okeemhepo dokeembinga nhee okexulilo ledu fiyo okexulilo leulu.

DEUTERONOMION 31:20

Osheshi Ame ohandi ke va twala mo moshilongo nde shi udanekela ooxo nokwaana, oshilongo tashi kunguluka omashini nomaadi eenyiki, ndele vo otava ka lya nokukuta nokwoondoka. Opo nee vo tave ke liameka koikalunga imwe noku i longela, ndele tava ka dina nge nokuteya po ehangano lange.

EHOLOLO 7:1

Ndelenee konima yoinima ei onda mona ovaengeli vane va kala ofika keembinga nhee dedu, ndele va li tava kangheke nokukwata eemhepo nhee dedu, opo paha pepe nande omhepo kombada yedu nokombada yefuta ile kombada nande oyomuti umwe.