DANIEL 8:4 - Ombibeli Iyapuki

⁴ Odi oyo yondume onde i mona eshi tai tu lwokouninginino, lwokoumbangalanhu nolwokoumbuwanhu, ndele kapa li nande oshifitukuti sha shiiva oku i dula. Ndele kapa li ou a dula okuxupifa meenghono dayo. Ndelenee oya ninga eshi ya hala, ndele oyo ya kula ya ninga inene.

DANIEL 8:4 ပူးပေါင်းရင်းမြစ်များ

1 EEHAMBA 22:11

Sedekia yaKenaana okwe li ningila eembinga doshivela ndele ta ti: “Omwene ta ti ngaha: ‘Naadi ove to ka twa Ovaarami fiyo we va mana po.’ ”

JOB 10:7

nande u shi shii ame nghi nombedi, ndele kape na nande umwe ta xupifa mo momake oye?

OMAPSALOME 44:5

Nekwafo loye ohatu ka denga poshi ovatondi vetu, nomedina loye hatu ka lyataula ovakondjifi vetu.

OMAPSALOME 50:22

Shi didilikeni nye, hamu dimbwa Kalunga! Opo Ame ndihe mu payaule po mokuxupifa.

OMAPSALOME 7:2

opo ye aha nyanyaule nge, ngaashi onghoshi tai tukaula eenhumba dange, ngeenge kape nomuxupifi.

HESEKIEL 34:21

Odo da utama eshi mwe di undwila po adishe neemhati nomapepe eni, ndele tamu di tu neembinga deni fiyo mwe di taataa mo noku di halakanifa.

DANIEL 11:16

Ndele ou, te shi lwifa ta di koumbangalanhu ota ningi eshi a hala, ndele kape na ou ta dulu okulipopila kuye. Oye ta ka tula mo mOshilongo sha wapala, nehanauno tali uya momake aye.

DANIEL 11:36

Ndele ohamba otai ka longa eshi ya hala, ndele yo otai ke linenepeka, tai liningi inene kombada yoikalunga aishe, ndele tai ka tuka Kalunga kookalunga neendjovo doixuna. Ndele tai ka kala i nelao fiyo oupyuhandu wa wanifwa. Osheshi osho sha tokolwa, oshi nokuwanifwa.

DANIEL 5:19

Ndele molweenghono odo, Ye e di mu pele, oiwana aishe nomapata aeshe nomalaka aeshe okwa kakama nokwa tila koshipala shaye. Ndele ye okwa dipaa ou a hala, nokwa xupifa ou a hala, ndele okwa lenga ou a hala nokwa xutula ou a hala.

DANIEL 5:30

Oufiku tuu winya Belsassar, ohamba yOvakaldea, okwa dipawa,

DANIEL 7:5

Ndele tala, okwa li oshilyani shimwe oshitivali, osha li sha fa emwangha, ndele sha kalekwa ofika kolupati lasho, shi kwete eemhati nhatu mokanya kasho pokati komayoo asho. Ndele osha lombwelwa: ‘Fikama, lya ombelela ihapu!’

DANIEL 8:7

Ndele ame nde shi mona nhumbi tashi uya kodi oyo yondume, nomoupyu wehandu osha twa odi oyo ndele tashi teyaula po eembinga dayo mbali. Ndele modi oyo yondume kamwa li eenghono oku shi dula, ndele osho she i nata po noshe i lyataula. Ndele kapa li nande umwe a xupifa odi meenghono dasho.

MIKA 5:8

Ndele ava va xupa muJakob mokati koiwana, tava ka kala mokati kovanhu vahapu ngaashi onghoshi mokati koifitukuti, ngaashi onghoshi onyasha mongudu yeedi. Ngeenge tai pumine mo, tai hakana notai nyanyaula, ndele kape na ou ta xupifa.

DEUTERONOMION 33:17

Eembinga doshiveli shongobe yaye yomhedi di li ngaashi eembinga donyati. Nado ye ta ka nata po oiwana, heeno, aishe kumwe fiyo okominghulo dounyuni. Ndele ava omayovi omulongo omuEfraim naava omayovi omuManasse!”